Click it and Unblock the Notifications
കോലി യന്ത്രമല്ല
കോലിയും മനുഷ്യനാണ്, യന്ത്രമല്ലെന്നു ഷാ അഭിപ്രായപ്പെട്ടു. കളിക്കാനിറങ്ങുന്ന എല്ലാ മല്സരത്തിലും ഒരു താരത്തിന് വിജയിക്കാന് കഴിയില്ലെന്നും അദ്ദേഹം ചൂണ്ടിക്കാട്ടി.
ഏതൊരു കായികതാരത്തിന്റെയും ജീവിതത്തില് ഇതുപോലെയുള്ള അവസ്ഥകളുണ്ടാവും. പിച്ചില് നിങ്ങള്ക്കു നല്ല ദിവസവും അതുപോലെ തന്നെ മോശം ദിവസവുമുണ്ടാവും. പ്രകടനത്തിന്റെയും ഫിറ്റ്നസിന്റെയും കാര്യത്തില് അത്രയും ഉയര്ന്ന നിലവാരത്തില് ഒരു അളവുകോല് സൃഷ്ടിച്ചതിനാല് തന്നെ കോലി യന്ത്രമല്ല, മറിച്ചു മനുഷ്യനാണെന്ന് ആളുകള് പലപ്പോഴും മറന്നുപോവുന്നതായും കോച്ച് വിശദമാക്കി.
എല്ലായ്പ്പോഴും വിജയിക്കില്ല
കളിക്കളത്തില് ഇറങ്ങിയാല് എല്ലാ തവണയും നിങ്ങള്ക്കു വിജയിക്കാന് കഴിയില്ല. തുടര്ച്ചയായി സ്ഥിരതയാര്ന്ന പ്രകടനം കോലി നടത്തിക്കൊണ്ടിരിക്കുന്നതാണ് ആരാധകര് കണ്ടിട്ടുള്ളത്. അതുകൊണ്ടു തന്നെ ഒരു മോശം ഇന്നിങ്സ് പോലും അവരെ ദുഖിതരാക്കുമെന്നും രാജ്കുമാര് പറഞ്ഞു.
ഫിറ്റ്നസും ഫോമും
ക്രിക്കറ്റ് മാത്രമല്ല മറ്റേത് കായിക ഇനമെടുത്താലും നിലവില് ലോകത്തിലെ തന്നെ ഏറ്റവും മികച്ച ഫിറ്റ്നസുള്ള താരങ്ങളുടെ നിരയിലാണ് കോലിയുടെ സ്ഥാനം. കഠിനാധ്വാനത്തിലൂടെയാണ് അദ്ദേഹം ഈ നിലവാരത്തിലേക്കുയര്ന്നത്. മികച്ച ഫിറ്റ്നസാണ് കോലിയെ കൂടുതല് നന്നായി പെര്ഫോം ചെയ്യാന് സഹായിക്കുന്നത്.
അഗ്രസീവ് ബാറ്റ്സ്മാനും ക്യാപ്റ്റനും കൂടിയായ കോലിക്കു ഈ സീസണിലെ ഐപിഎല്ലില് തന്റെ യഥാര്ഥ ഫോമിന്റെ അരികില് പോലുമെത്താന് കഴിഞ്ഞിട്ടില്ല. കൊവിഡ് കാരണം ക്രിക്കറ്റില് നിന്നും നീണ്ട ഇടവേള വന്നത് അദ്ദേഹത്തിന്റെ പ്രകടനത്തെയും ബാധിച്ചിട്ടുണ്ടെന്നാണ് ഐപിഎല്ലിലെ പ്രകടനം സൂചിപ്പിക്കുന്നത്. വരാനിരിക്കുന്ന മല്സരങ്ങളില് മിന്നുന്ന പ്രകടനങ്ങളുമായി വിമര്ശകരുടെ വായടപ്പിക്കാനായിരിക്കും കോലിയുടെ ശ്രമം.
Continue with Google