Click it and Unblock the Notifications
10 ടീമുകളാവും
നിലവില് എട്ടു ഫ്രാഞ്ചൈസികളാണ് ഐപിഎല്ലില് കിരീടത്തിനു വേണ്ടി പോരടിക്കുന്നത്. പുതിയ സീസണില് ടീമുകളുടെ എണ്ണം വര്ധിപ്പിക്കാനുള്ള ആലോചനയിലാണ് ബിസിസിഐ. രണ്ടു പുതിയ ഫ്രാഞ്ചൈസികള് കൂടി 2021ലെ ഐപിഎല്ലിന്റെ ഭാഗമായേക്കും. ഇതോടെ 10 ടീമുകളുള്പ്പെടുന്ന കൂടുതല് വലിയ ടൂര്ണമെന്റായി ഐപിഎല് മാറും.
ദീപാവലിക്കു ശേഷം പുതിയ ഫ്രാഞ്ചൈസികള്ക്കായി ബിസിസിഐ ടെന്ഡര് ക്ഷണിക്കുമെന്നാണ് റിപ്പോര്ട്ടുകള്. അഹമ്മദാബാദ് ആസ്ഥാനമായി ഒരു ഫ്രാഞ്ചൈസി അടുത്ത സീസണില് വന്നേക്കുമെന്ന റിപ്പോര്ട്ടുകള് നേരത്തേ വന്നിരുന്നു പത്താമത്തെ ഫ്രാഞ്ചൈസി എവിടെ നിന്നായിരിക്കുമെന്ന ആകാംക്ഷയിലാണ് എല്ലാവരും.
വീണ്ടും കേരളത്തിന് ടീമുണ്ടാവുമോ?
2021ലെ ഐപിഎല്ലില് രണ്ടു പുതിയ ഫ്രാഞ്ചൈസികള് കൂടിയെത്തുമെന്ന റിപ്പോര്ട്ടുകള് വന്നതോടെ കേരളത്തില് നിന്നൊരു ടീം വീണ്ടുമുണ്ടാവുമോയൊണ് മലയാളി ക്രിക്കറ്റ് പ്രേമികള് ഉറ്റുനോക്കുന്നത്. നേരത്തേ കൊച്ചി ടസ്കേഴ്സ് കേരളയെന്ന ടീം ഐപിഎല്ലിന്റെ ഭാഗമായിരുന്നു. എന്നാല് ഗ്യാരണ്ടിത്തുക കെട്ടിവയ്ക്കാന് സാധിക്കാത്തതിനെ തുടര്ന്ന് ബിസിസിഐ അവരെ ടൂര്ണമെന്റില് നിന്നും പുറത്താക്കുകയായിരുന്നു.
അതേസമയം, സൂപ്പര് താരം മോഹന് ലാല് അടുത്ത ഐപിഎല്ലില് പുതിയ ഫ്രാഞ്ചൈസിയുമായി വന്നേക്കുമെന്ന് ദിവസങ്ങള്ക്കു മുമ്പ് അഭ്യൂഹങ്ങളുയര്ന്നിരുന്നു. ഇത്തവണത്തെ മുംബൈ ഇന്ത്യന്സ്- ഡല്ഹി ക്യാപ്പിറ്റല്സ് ഫൈനല് കാണാന് മോഹന് ലാല് സ്റ്റേഡിയത്തിലെത്തിയതും ഇതിന്റെ സൂചനയാണെന്നും പലരും ചൂണ്ടിക്കാട്ടിയിരുന്നു.
വിദേശ ക്വാട്ട വര്ധപ്പിച്ചേക്കും
എട്ടു ടീമുകളുടെ സ്ഥാനത്ത് 10 ടീമുകള് വരുന്നതിനൊപ്പം മറ്റൊരു സുപ്രധാന മാറ്റം കൂടി 2021ലെ ഐപിഎല്ലില് കണ്ടേക്കും. നിലവില് നാലു വിദേശ താരങ്ങളെയാണ് ഒരു ഫ്രാഞ്ചൈസിക്കു പ്ലെയിങ് ഇലവനില് ഉള്പ്പെടുത്താന് അനുവാദമുള്ളത്. ഇത് അഞ്ചാക്കാന് സാധ്യതയുണ്ടെന്നാണ് പുതിയ സൂചനകള്.
ടീമുകളുടെ എണ്ണം വര്ധിക്കുന്നതോടെ സന്തുലിതമായ പ്ലെയിങ് തിരഞ്ഞെടുക്കുകയെന്നത് ടീമുകള്ക്കു കൂടുതല് വെല്ലുവിളിയായി തീരും. ഇപ്പോള് തന്നെ പല ഫ്രാഞ്ചൈസികളും ശരിയായ കോമ്പിനേഷന് കണ്ടെത്തുന്നതിനായി ടീമില് ഇടയ്ക്കിടെ മാറ്റങ്ങള് വരുത്തിക്കൊണ്ടിരിക്കുകയാണ്. നാലു വിദേശ താരങ്ങളെ നിയന്ത്രണം എടുത്തു കളഞ്ഞ് പകരം അഞ്ചു പേരെ ഉള്പ്പെടുത്താനായാല് ഫ്രാഞ്ചൈസികള്ക്കു ഈ പ്രശ്നം മറികടക്കാന് സാധിക്കുമെന്നു ഒരു ബിസിസിഐ ഒഫീഷ്യല് അഭിപ്രായപ്പെട്ടു. നിയന്ത്രണം കാരണം നിലവില് എല്ലാ ഫ്രാഞ്ചൈസികള്ക്കും മികച്ച വിദേശ താരങ്ങളെ പുറത്തിരുത്തേണ്ടി വരുന്നുണ്ട്. വിദേശ താരങ്ങളുടെ എണ്ണം നാലിനു പകരം അഞ്ചാക്കി ഉയര്ത്തിയാല് അത് ടീമുകള്ക്കും നേട്ടമായി മാറും.
Continue with Google