Click it and Unblock the Notifications
നിരാശപ്പെടുത്തി പൃഥ്വി
തുടര്ച്ചയായി രണ്ടാമത്തെ മല്സരത്തിലും വെടിക്കെട്ട് താരം പൃഥ്വി ഷാ നിരാശപ്പെടുത്തി. ചെന്നൈ സൂപ്പര് കിങ്സിനെതിരായ തൊട്ടുമുമ്പത്തെ കളിയില് ഡെക്കായി മടങ്ങിയ പൃഥ്വിക്കു ഈ മല്സരത്തില് വെറും ഏഴു റണ്സെടുക്കാനേ കഴിഞ്ഞുള്ളൂ.
11 പന്തുകള് നേരിട്ട് ഒരു ബൗണ്ടറിയോടെ ഏഴു റണ്സെടുത്ത പൃഥ്വി ജെയിംസ് നീഷാം മടക്കുകയായിരുന്നു. എക്സ്ട്രാ കവറില് വച്ച് മാക്സ്വെല്ലാണ് പൃഥ്വി.യെ പിടികൂടിയത്. ഡല്ഹി ഒന്നിന് 25
ധവാന്- ശ്രേയസ് കൂട്ടുകെട്ട്
രണ്ടാം വിക്കറ്റില് മികച്ച ഫോമിലുള്ള ധവാന് കൂട്ടായി നായകന് ശ്രേയസ് വന്നതോടെ ഡല്ഹി സ്കോറിങിനു വേഗം കൂടി. 48 റണ്സ് കൂട്ടിച്ചേര്ത്ത് മുന്നേറിയ ഈ ജോടിയെ വേര്പിരിച്ചത് മുരുഗന് അശ്വിനായിരുന്നു. ലെഗ് സൈഡിലേക്കു പോയ പന്തില് ഫ്ളിക്ക് ചെയ്യാന് ശ്രമിച്ചപ്പോള് എഡ്ജ് ചെയ്ത ബോള് വിക്കറ്റ് കീപ്പറും ക്യാപ്റ്റനുമായ രാഹുല് അനായാസം ക്യാച്ച് ചെയ്തു. 12 പന്തില് ഒരു സിക്സറോടെ 14 റണ്സാണ് ഡല്ഹി നായകന് നേടാനായത്.
പന്തിന്റെ തിരിച്ചുവരവ്
പരിക്കു കാരണം കുറച്ചു മല്സരങ്ങളില് പുറത്തിരുന്ന ശേഷം ടീമിലേക്കു മടങ്ങിയെത്തിയ റിഷഭ് പന്തില് നിന്നും ടീമിന് കാര്യമായ സംഭാവനയൊന്നും ലഭിച്ചില്ല. 20 ബോളുകളുടെ ആയുസ് മാത്രമേ വിക്കറ്റ് കീപ്പര്ക്കുണ്ടായുള്ളൂ. ഒരു ബൗണ്ടറിയോടെ 14 റണ്സെടുത്ത പന്തിനെ മാക്സ്വെല് മടക്കി. റൗണ്ട് ദി വിക്കറ്റ് മാക്സ്വെല്ലിന്റെ ബൗളിങ്. വമ്പന് ഷോട്ടിനു ശ്രമിച്ച പന്തിനെ ലോങ് ഓണില് മായങ്ക് പിടികൂടി.
പ്ലെയിങ് ഇലവന്
ഡല്ഹി ക്യാപ്പിറ്റല്സ്- പൃഥ്വി ഷാ, ശിഖര് ധവാന്, ശ്രേയസ് അയ്യര് (ക്യാപ്റ്റന്), റിഷഭ് പന്ത്, ഷിംറോണ് ഹെറ്റ്മെയര്, ഡാനിയേല് സാംസ്, മാര്ക്കസ് സ്റ്റോയ്നിസ്, അക്ഷര് പട്ടേല്, ആര് അശ്വിന്, തുഷാര് ദേശ്പാണ്ഡെ, കാഗിസോ റബാദ.
കിങ്സ് ഇലവന് പഞ്ചാബ്- കെഎല് രാഹുല് (ക്യാപ്റ്റന്), മായങ്ക് അഗര്വാള്, ക്രിസ് ഗെയ്ല്, നിക്കോളാസ് പൂരന്, ഗ്ലെന് മാക്സ്വെല്, ദീപക് ഹൂഡ, ജെയിംസ് നീഷാം, മുരുഗന് അശ്വിന്, മുഹമ്മദ് ഷമി, രവി ബിഷ്നോയ്, അര്ഷ്ദീപ് സിങ്.
Continue with Google