Click it and Unblock the Notifications
തകര്പ്പന് തുടക്കം
ആര്സിബി പ്രതീക്ഷിച്ചതിനേക്കാള് മികച്ച തുടക്കമായിരുന്നു ദേവ്ദത്തും ഫിഞ്ചും ചേര്ന്ന് നല്കിയത്. ആര്സിബി ജഴ്സിയില് ഇരുവരുടെയും കന്നി മല്സരം കൂടിയായിരുന്നു ഇത്. ഒരു തുടക്കക്കാരന്റെ യാതൊരു പതര്ച്ചയുമില്ലാത്ത ഇന്നിങ്സായിരുന്നു ദേവ്ദത്തിന്റേത്.
ഓപ്പണിങ് വിക്കറ്റില് ദേവ്ദത്ത്- ഫിഞ്ച് സഖ്യം ചേര്ന്ന് 90 റണ്സ് നേടിയിരുന്നു. വിജയ് ശങ്കറാണ് ഈ കൂട്ടുകെട്ടിനെ വേര്പിരിച്ചത്. ബൗള്ഡായാണ് താരം ക്രീസ് വിട്ടത്.
ഫിഞ്ചും പിന്നാലെ മടങ്ങി
ഇരട്ടപ്രഹരമാണ് ആര്സിബിക്കു ഹൈദരബാദ് നല്കിയത്. 11ാം ഓവറിലെ അവസാന പന്തിലാണ് ദേവ്ദത്ത് ക്രീസ് വിട്ടതെങ്കില് തൊട്ടടുത്ത ഓവറിലെ ആദ്യ പന്തില് മറ്റൊരു ഓപ്പണായ ഫിഞ്ചും ഡ്രസിങ് റൂമില് മടങ്ങിയെത്തി.
പതിയ തുടങ്ങിയ ഫിഞ്ച് പിന്നീട് തന്റെ യഥാര്ഥ ഫോമിലേക്കു തിരിച്ചെത്തുന്നതിന്റെ സൂചനകള് നല്കവെയാണ് പുറത്തായത്. സ്വീപ്പ് ഷോട്ടിനു ശ്രമിച്ച ഫിഞ്ച് അഭിഷേക് ശര്മയുടെ ബൗളിങില് വിക്കറ്റിനു മുന്നില് കുരുങ്ങി. 27 പന്ത് നേരിട്ട താരം ഒരു ബൗണ്ടറിയും രണ്ടു സിക്സറും പറത്തി.
ക്ലിക്കാവാതെ കോലി
നീണ്ട ഇടവേളയ്ക്കു ശേഷം ക്രിക്കറ്റിലേക്കു മടങ്ങിയെത്തിയ ആര്സിബി നായകന് കോലിയില് നിന്നും തകര്പ്പന് ഇന്നിങ്സ് പ്രതീക്ഷിച്ച ആരാധകര്ക്കു നിരാശരാവേണ്ടി വന്നു. സിംഗിളുകളും ഡബിളും കളിച്ച് ഇന്നിങ്സ് മുന്നോട്ട് കൊണ്ടു പോയ കോലി ഇന്നിങ്സില് ആദ്യമായി വമ്പനടിക്കു ശ്രമിച്ചപ്പോള് വിക്കറ്റ് കൈവിടേണ്ടി വന്നു. ടി നടരാജനായിരുന്നു വിക്കറ്റ്. ബൗണ്ടറി ലൈനിന് തൊട്ടരികെ റാഷിദ് ഖാന് ആര്സിബി നായകനെ പിടികൂടുകയായിരുന്നു.
Continue with Google