Click it and Unblock the Notifications
കോലിയുടെ പരീക്ഷണം പാളി
മുന് മല്സരങ്ങളില് നിന്നും വ്യത്യസ്തമായി ഒരു സര്പ്രൈസ് മാറ്റവുമായാണ് ആര്സിബി ബാറ്റ് ചെയ്യാനെത്തിയത്. മിന്നുന്ന ഫോമിലുള്ള മലയാളി താരം ദേവ്ദത്ത് പടിക്കലിനൊപ്പം ഇന്നിങ്സ് ഓപ്പണ് ചെയ്യാനെത്തിയത് നായകന് കോലിയായിരുന്നു. ആരോണ് ഫിഞ്ചിനു തന്റെ സ്ഥാനം നല്കിയാണ് കോലി ഓപ്പണിങിലേക്കു മാറിയത്.
പക്ഷെ ഈ പരീക്ഷണം പരാജയമായി മാറി. രണ്ടാം ഓവറില് തന്നെ കോലി മടങ്ങി. ജാസണ് ഹോള്ഡറിനായിരുന്നു വിക്കറ്റ്. കുത്തിയുയര്ന്ന ബോള് ഓണ്സൈഡിലേക്കു കളിക്കാനായിരുന്നു കോലിയുടെ ശ്രമം. പക്ഷെ അപ്രതീക്ഷിത ബൗണ്സ് കണക്കുകൂട്ടല് തെറ്റിച്ചു. ഗ്ലൗവില് ഉരസി ലെഗ്സൈഡിലേക്കു വഴിമാറിയ പന്ത് വിക്കറ്റ് കീപ്പര് ശ്രീവത്സ് ഗോസ്വാമിയുടെ കൈകളില് അവസാനിച്ചു.
വീണ്ടും ഹോള്ഡര്
നാലാം ഓവറില് ഹോള്ഡര് വീണ്ടും ആര്സിബിയെ ഞെട്ടിച്ചു. സീസണില് ടീമിന്റെ ടോപ്സ്കോററും ഓപ്പണറുമായ ദേവ്ദത്തിനെയും ഹോള്ഡര് തിരിച്ചയച്ചു. ഷോര്ട്ട് ഓഫ് ലെങ്ത് ബോളില് പുള് ഷോട്ട് കളിക്കാനായിരുന്നു ദേവ്ദത്തിന്റെ ശ്രമം. പക്ഷെ ദുര്ബലമായ ഷോട്ട് മിഡ് വിക്കറ്റില് പ്രിയം ഗാര്ഗ് വായുവിലേക്കുയര്ന്നു കൈപ്പിടിയിലൊതുക്കി. ആര്സിബി രണ്ടിന് 15.
ഫിഞ്ച്-എബിഡി കൂട്ടുകെട്ട്
തകര്ച്ച മുന്നില് കണ്ട ആര്സിബിയെ മൂന്നാം വിക്കറ്റില് പരിചയസന്നമ്പന്നരായ ആരോണ് ഫിഞ്ചും എബി ഡിവില്ലിയേഴ്സും ചേര്ന്നു കരകയറ്റി. 41 റണ്സിന്റെ കൂട്ടുകെട്ടുമായി ഈ സഖ്യം കരുത്താര്ജിക്കവെയാണ് എസ്ആര്എച്ച് നിര്ണായക ബ്രേക്ക്ത്രൂ നേടിയത്. ക്രീസില് നിലയുറപ്പിച്ച ഫിഞ്ചിനെ ആര്സിബിക്കു നഷ്ടമായി. ഷഹബാസ് നദീമിനായിരുന്നു വിക്കറ്റ്.
ഓഫ്സ്റ്റംപിന് പുറത്തേക്കു പോയ പന്തില് വമ്പന് ഷോട്ട് കളിക്കാനുള്ള ഫിഞ്ചിന്റെ ശ്രമം പാളി. ടൈമിങ് പിഴച്ച ഷോട്ട് സ്വീപ്പര് കവറില് അബ്ദുള് സമദ് അനായാസം പിടികൂടി.
മോയിന് അലി ഗോള്ഡന് ഡെക്ക്
ഫിഞ്ച് പുറത്തായി ഇതേ ഓവറില് തന്നെ പുതുതായി ക്രീസിലെത്തിയ മോയിന് അലി നിര്ഭാഗ്യകരമായ രീതിയില് ഗോള്ഡന് ഡെക്കായി മടങ്ങി. നോ ബോളിനെ തുടര്ന്നു ലഭിച്ച ഫ്രീഹിറ്റിലായിരുന്നു അലിക്കു വിക്കറ്റ് നഷ്ടമായത്. നാലാമത്തെ പന്ത് അംപയര് നോ ബോള് വിളിച്ചതോടെ ആര്സിബിക്കു ഫ്രീഹിറ്റ് ലഭിച്ചു. സ്ട്രൈക്ക് നേരിട്ടത് അലിയായിരുന്നു. എക്സ്ട്രാ കവറിലേക്കു ഷോട്ട് കളിച്ച അലി അനാവശ്യ സിംഗിളിനായി ഓടി. എന്നാല് ക്രീസിന്റെ മറുവശത്ത് എത്തുമ്പോഴേക്കും റാഷിദ് ഖാന്റെ നേരിട്ടുള്ള ത്രോയില് വിക്കറ്റ് തെറിക്കുകയായിരുന്നു.
പ്ലെയിങ് ഇലവന്
റോയല് ചാലഞ്ചേഴ്സ് ബാംഗ്ലൂര്- ആരോണ് ഫിഞ്ച്, ദേവ്ദത്ത് പടിക്കല്, വിരാട് കോലി (ക്യാപ്റ്റന്), എബി ഡിവില്ലിയേഴ്സ്, മോയിന് അലി, വാഷിങ്ടണ് സുന്ദര്, ശിവം ദുബെ, നവദീപ് സെയ്നി, ആദം സാംപ, മുഹമ്മദ് സിറാജ്, യുസ്വേന്ദ്ര ചഹല്.
സണ്റൈസേഴ്സ് ഹൈദരാബാദ്- ഡേവിഡ് വാര്ണര് (ക്യാപ്റ്റന്), ശ്രീവത്സ് ഗോസ്വാമി, മനീഷ് പാണ്ഡെ, കെയ്ന് വില്ല്യംസണ്, പ്രിയം ഗാര്ഗ്, ജാസണ് ഹോള്ഡര്, അബ്ദുള് സമദ്, റാഷിദ് ഖാന്, ഷഹബാസ് നദീം, സന്ദീപ് ശര്മ, ടി നടരാജന്.
Continue with Google