ഇങ്ങനെ കളിച്ചാല്‍ പഞ്ചാബ് കിംഗ്‌സ് പിന്നെ ജയിക്കാതിരിക്കുമോ?

ബല്ലേ ബല്ലേ ഭാജി

24 പന്തെറിഞ്ഞ ഭാജി കൊടുത്തത് 20 റണ്‍സ്. 24 പന്ത് ബാറ്റ് ചെയ്ത ഭാജി അടിച്ചത് 64 റണ്‍സ്. ആറ് സിക്‌സും അഞ്ച് ഫോറും. രണ്ട് വിക്കറ്റും എടുത്തു. പക്ഷേ കളി മുംബൈ തോറ്റു എന്ന് മാത്രം.

ക്യാപ്റ്റന്‍ മാന്‍ ഓഫ് ദ മാച്ച്

32 പന്തില്‍ 61 റണ്‍സെടുത്ത പഞ്ചാബ് ക്യാപ്റ്റന്‍ ജോര്‍ജ് ബെയ്‌ലിയാണ് മാന്‍ ഓഫ് ദ മാച്ച്. ബെയ്‌ലിയുടെ ഇന്നിംഗ്‌സാണ് കളി പഞ്ചാബിന് അനുകൂലമാക്കിയത്.

വീരനായി വീരു, അതേ സേവാഗ്

പണ്ടത്തെ അതേ സേവാഗ് കളിക്കളത്തില്‍ വീണ്ടും അവതരിച്ചു. ചന്നം പിന്നം ബൗണ്ടറികള്‍ അടിച്ച സേവാഗിന്റെ സംഭാവന വെറും 19 പന്തില്‍ 36 റണ്‍സായിരുന്നു.

ജോണ്‍സണ്‍ വീണ്ടും

മൂന്നോവറില്‍ ആറ് റണ്‍സ് മാത്രം വഴങ്ങിയ മിച്ചല്‍ ജോണ്‍സനെ നാലാമത്തെ ഓവറില്‍ ഹര്‍ഭജന്‍ അടിച്ച് പറത്തിയത് 17 റണ്‍സിനാണ്.

ടീം വര്‍ക്കിന്റെ ജയം

ബാറ്റിംഗിലും ബൗളിംഗിലും ടീം വര്‍ക്കിന്റെ വിജയമായിരുന്നു പഞ്ചാബിന്റേത്. മറുവശത്ത് മുംബൈ ആകട്ടെ ഒരിക്കലും ഒരു ടീമായി കളിച്ചതേയില്ല.

മുംബൈ പഠിക്കാനുണ്ട്

രാജസ്ഥാനും പഞ്ചാബും പോലുള്ള ടീമുകളില്‍ നിന്നും മുംബൈ ഇന്ത്യന്‍സ് ഏറെ പഠിക്കാനുണ്ട്. വലിയ കളിക്കാരെ കൊണ്ട് മാത്രം കളി ജയിക്കാന്‍ പറ്റില്ല എന്ന് അവര്‍ മനസിലാക്കിയില്ലെങ്കില്‍ ഈ സീസണില്‍ മുംബൈ ഒരു ദുരന്തമാകും.