റിതിക കളികാണാനെത്തി, രോഹിത് ശര്‍മയ്ക്ക് ഉത്തരവാദിത്തം കൂടി!

സിംഗാണ് കിംഗ്

രണ്ട് ടീമിലും സിംഗുമാര്‍ വാണ കളിയായിരുന്നു. എന്നാല്‍ കളിയിലെ താരമായത് ബൗളര്‍ ഹര്‍ഭജന്‍ സിംഗ്. 4 ഓവറില്‍ വെറും 11 റണ്‍സ് വഴങ്ങി ഭാജി വീഴ്ത്തിയത് 2 വിക്കറ്റുകള്‍.

യുവരാജും മിന്നി

44 പന്തില്‍ 57 റണ്‍സെടുത്ത യുവരാജാണ് ഡല്‍ഹിയുടെ ടോപ് സ്‌കോറര്‍. പ്രതാപകാലത്തെ അനുസ്മരിപ്പിക്കുന്ന പല ഷോട്ടുകളും യുവി കളിച്ചു. തുടര്‍ച്ചയായ രണ്ട് സിക്‌സറിലൂടെയാണ് യുവി 50 കടന്നത്.

മികച്ച ബൗളിംഗ്

അച്ചടക്കത്തോടെയുള്ള ബൗളിംഗിലൂടെയാണ് മുംബൈ ഡല്‍ഹിയെ പിടിച്ചുകെട്ടിയത്. ഡല്‍ഹിയുടെ മറുപടിയും മോശമായില്ല. മുംബൈ ശരിക്കും പേടിച്ചു.

രോഹിത് രക്ഷപ്പെടുത്തി

നാലിന് 40 എന്ന നിലയില്‍ തോല്‍വി മുന്നില്‍ക്കണ്ട മുംബൈ ഇന്ത്യന്‍സിനെ ക്യാപ്റ്റന്‍ രോഹിത് ശര്‍മയുടെ അവസരോചിത ബാറ്റിംഗാണ് രക്ഷിച്ചത്. 37 പന്തില്‍ രോഹിത് 46 റണ്‍സെടുത്തു

റായിഡുവാകണം മാന്‍ ഓഫ് ദ മാച്ച്

ആദ്യം പിടിച്ചുനില്‍ക്കുകയും പിന്നീട് വലിച്ചടിക്കുകയും ചെയ്ത അമ്പാട്ടി റായിഡുവാണ് ശരിക്കും മുംബൈയുടെ താരമായത്. അവസാന ഓവറുകളില്‍ റായിഡു ശശരിക്കും കളി മുംബൈയ്ക്ക് അനുകൂലമാക്കി.

പേര് കളയാതെ പൊള്ളാര്‍ഡ്

എന്ത് കൊണ്ട് പൊള്ളാര്‍ഡ് ലോക ക്രിക്കറ്റില്‍ ഏറ്റവും അപകടകാരിയായ ബാറ്റ്‌സ്മാനാകുന്നു എന്ന് വീണ്ടും തെളിഞ്ഞു. കനത്ത സമ്മര്‍ദ്ദത്തില്‍ പൊള്ളാര്‍ഡ് അടിച്ചെടുത്തത് മൂന്ന് സിക്‌സുകള്‍. അതും സിംഗിള്‍ എടുക്കുന്ന ലാഘവത്തോടെ.