സണ്ണി ലിയോണ്‍ പ്രാര്‍ഥിച്ചത് വെറുതെ, മുംബൈ ഇന്ത്യന്‍സിന് ജയം

സണ്ണി ലിയോണും

പഞ്ചാബ് കിംഗ്‌സിന് വേണ്ടി കയ്യടിക്കാന്‍ ഗാലറിയില്‍ സണ്ണി ലിയോണും ഉണ്ടായിരുന്നു.

പ്രീതിക്കൊപ്പം

പഞ്ചാബ് ടീമുടമയായ പ്രീതി സിന്റയ്‌ക്കൊപ്പമാണ് സണ്ണി ലിയോണ്‍ കളി കാണാനെത്തിയത്.

പോക്കറ്റ് പടക്കം - പാര്‍ഥിവ്

പാര്‍ഥിവ് പട്ടേല്‍ ബാറ്റ് ചെയ്യുമ്പോള്‍ ബിഗ് സ്‌ക്രീനില്‍ എഴുതിക്കാണിച്ചത് ഇങ്ങനെയാണ് - പോക്കറ്റ് പടക്കം. മിച്ചല്‍ ജോണ്‍സനെ പാര്‍ഥിവ് രണ്ട് തവണയാണ് സിക്‌സറിന് പറത്തിയത്. 36 പന്തില്‍ 59 റണ്‍സായിരുന്നു പാര്‍ഥിവിന്റെ സംഭാവന.

സിമ്മണ്‍സ് മാന്‍ ഓഫ് ദ മാച്ച്

56 പന്തില്‍ 71 റണ്‍സോടെ സഹ ഓപ്പണര്‍ ലെന്‍ഡല്‍ സിമ്മണ്‍സും തിളങ്ങി. സിമ്മണ്‍സ് തന്നെയാണ് മാന്‍ ഓഫ് ദ മാച്ച്.

തുടക്കം തകര്‍പ്പന്‍

12.2 ഓവറില്‍ വിക്കറ്റ് പോകാതെ മുംബൈയുടെ സ്‌കോര്‍ 111. ഈ സീസണില്‍ മുംബൈ ഇന്ത്യന്‍സിന്റെ ഏറ്റവും ഉയര്‍ന്ന ഓപ്പണിംഗ് കൂട്ടുകെട്ട് ആണ് ഇത്.

ബൗളര്‍മാരുടെ ജയം

അവസാന ഓവറുകളില്‍ ഡേവിഡ് മില്ലറെയും ജോര്‍ജ് ബെയ്‌ലിയെയും വരച്ച വരയില്‍ നിര്‍ത്തി പന്തെറിഞ്ഞ ലസിത് മലിംഗയും മിച്ചല്‍ മക്ലനാഗനുമാണ് മുംബൈയെ വിജയത്തിലെത്തിച്ചത്.