സഞ്ജു സാംസന്റെ ചെലവില്‍ മുംബൈ ഇന്ത്യന്‍സിന് ജയം!

മഹേള ജയവര്‍ധനെയെപ്പോലെ

കമന്ററി പറയാനിരുന്ന സുനില്‍ ഗാവസ്‌കര്‍ പല തവണ പറഞ്ഞു സഞ്ജുവിന്റെ കളി മഹേളയെപ്പോലെയാണെന്ന്. ഇതില്‍ക്കൂടുതല്‍ ഇനിയെന്ത് വേണം സഞ്ജുവിന്. മഹേളയെ വെല്ലുന്ന കളിയാണ് വാങ്കഡേയില്‍ സഞ്ജു പുറത്തെടുത്തത്.

അവിശ്വസനീയം ഈ ഷോട്ടുകള്‍

ലസിത് മലിംഗയെ സ്‌കൂപ്പ് ചെയ്ത് സഞ്ജു ഫോറിന് പറത്തുന്ന കാഴ്ച കാണേണ്ടത് തന്നെയായിരുന്നു. ഈ ഐ പി എല്ലിലെ ഏറ്റവും മികച്ച ഇന്നിംഗ്‌സ് എന്നാണ് വിദഗ്ധര്‍ സഞ്ജുവിന്റെ കളിയെ വിലയിരുത്തുന്നത്.

ആരെയും വെറുതെവിട്ടില്ല

മറുവശത്ത് സ്റ്റീവ് സ്മിത്ത് പതറുമ്പോഴായിരുന്നു സഞ്ജുവിന്റെ ഈ ഷോട്ടുകള്‍. 46 പന്തില്‍ 7 ഫോറും 3 സിക്‌സും സഹിതം 76 റണ്‍സെടുത്തു സഞ്ജു. സഞ്ജു പോയതോടെ രാജസ്ഥാന് തുടരെ വിക്കറ്റുകളും കളിയും നഷ്ടമായി.

മക്ലനാഗന്‍ തിരിച്ചടിച്ചു

കൂറ്റന്‍ സിക്‌സറിന് പറത്തിയ സഞ്ജുവിനെ മക്ലനാഗന്‍ തൊട്ടടുത്ത പന്തില്‍ പുറത്താക്കി. പിന്നാലെ കരുണ്‍ നായരും പുറത്തായി. 31 റണ്‍സിന് 3 വിക്കറ്റ് വീഴ്ത്തി മിച്ച്.

മലിംഗയോട് കളിക്കാനാകില്ല

മൂന്നോവറില്‍ വെറും 34 റണ്‍സ് മതിയായിരുന്നു രാജസ്ഥാന്. എന്നാല്‍ മലിംഗയും മക്ലനാഗനും ചേര്‍ന്ന് രണ്ടോവറില്‍ വഴങ്ങിയത് വെറും 14 റണ്‍സ്. ഇതോടെ അവസാന ഓവറില്‍ 20 റണ്‍സ് വേണമെന്ന സ്ഥിതിയിലായി അവര്‍.

രക്ഷിച്ചത് റായുഡു

27 പന്തില്‍ 53 റണ്‍സെടുത്ത അമ്പാട്ടി റായുഡുവാണ് മുംബൈയുടെ ടോപ് സ്‌കോററും മാന്‍ ഓഫ് ദ മാച്ചും.