Click it and Unblock the Notifications
ഇന്ത്യന് ക്രിക്കറ്റിലെ സുവര്ണ നിമിഷമായിരുന്നു 83ലെ ലോകകപ്പ് നേട്ടം. ഇതിഹാസ താരം ക്ലൈവ് ലോയ്ഡ് നയിച്ച കിരീട ഫേവറിറ്റുകള് കൂടിയായ വെസ്റ്റ് ഇന്ഡീസിനെ അട്ടിമറിച്ചായിരുന്നു ഇന്ത്യയുടെ ചരിത്ര വിജയം. ലോര്ഡ്സില് നടന്ന ഫൈനലിലായിരുന്നു വിന്ഡീസിനെ മലര്ത്തിയടിച്ച് കപിലും സംഘവും ലോകത്തെ വിസ്മയിപ്പിച്ചത്.
കിരീടവിജയം ഇന്ത്യന് താരങ്ങള് മതിമറന്ന് ആഘോഷിച്ചതായും രാത്രി വൈകുവോളം ഇതു തുടര്ന്നതായും കപില് പറയുന്നു. എല്ലാം കഴിഞ്ഞ് രാത്രി ഭക്ഷണം കഴിക്കാന് ഞങ്ങള് തയ്യാറെടുക്കവെയാണ് മുഴുവന് റെസ്റ്റോറന്റുകളും അപ്പോഴേക്കും അടച്ചിരുന്നുവെന്ന യാഥാര്ഥ്യം മനസ്സിലായത്. ഇതേ തുടര്ന്ന് ഒഴിഞ്ഞ വയറുമായി ഉറങ്ങുകയല്ലാതെ ഞങ്ങള്ക്കു മുന്നില് മറ്റൊരു വഴിയില്ലായിരുന്നു. പക്ഷെ ആര്ക്കും തന്നെ അതില് നിരാശയോ വിഷമമോ ഇല്ലായിരുന്നു. കാരണം ലോകകപ്പ് വിജയവുമായി രാജ്യം ചരിത്രം കുറിച്ചതിന്റെ ആഹ്ലാദം എല്ലാവരുടെയും മനസ്സില് അലയടിച്ചിരുന്നതായും കപില് വിശദമാക്കി.
ക്രിക്കറ്റിന്റെ മെക്കയെന്നറിയപ്പെടുന്ന
പ്രശസ്തമായ ലോര്ഡ്സ് ഗ്രൗണ്ടില് നടന്ന ഫൈനലില് വിന്ഡീസിനെ 43 റണ്സിനു തകര്ത്തായിരുന്നു ഇന്ത്യയുടെ കിരീടധാരണം. ആദ്യം ബാറ്റ് ചെയ്ത ഇന്ത്യ വെറും 183 റണ്സിനു പുറത്തായപ്പോള് വിന്ഡീസ് അനായാസം ജയിച്ചു കയറുമെന്നായിരുന്നു പ്രതീക്ഷിക്കപ്പെട്ടിരുന്നത്. 38 റണ്സെടുത്ത കെ ശ്രീകാന്തായിരുന്നു ഇന്ത്യയുടെ ചടോപ്സ്കോറര്. സന്ദീപ് പാട്ടീല് 27ഉം മൊഹീന്ദര് അമര്നാഥ് 26ഉം റണ്സെടുത്ത് പുറത്തായി. നായകന് കപിലിന് 15 റണ്സാണ് എടുക്കാനായത്.
വാലറ്റത്ത് മദന് ലാല് (17), സയ്ദ് കിര്മാനി (14) എന്നിവരും മോശമല്ലാത്ത സംഭാവനകള് നല്കി.
മറുപടിയില് ഉജ്ജ്വല ബൗളിങിലൂടെ വിന്ഡീസിനെ ഇന്ത്യ തകര്ക്കുകയായിരുന്നു. വെറും 140 റണ്സിന് വിന്ഡീസിന്റെ റണ്ചേസ് അവസാനിച്ചു. മൂന്നു വിക്കറ്റുകള് വീതമെടുത്ത മദന് ലാലും മൊഹീന്ദര് അമര്നാഥും ചേര്ന്നാണ് വിന്ഡീസിനെ തകര്ത്തത്.
83യെന്ന വിവിധ ഭാഷകളിലായി ഇറങ്ങിയ സിനിമയില് കപില് ദേവിന്റെ റോള് അഭിനയിച്ചിരിക്കുന്നത് ബോളിവുഡിലെ യുവ നടന് രണ്വീര് സിങാണ്. ഹിറ്റ് സിനിമുകളൊരുക്കിയ കബീര് ഖാനാണ് 83 സംവിധാനം ചെയ്തിരിക്കുന്നത്. 1983ലെ ലോകകപ്പ് സംഘത്തിലുണ്ടായിരുന്ന മുഴുവന് താരങ്ങളുമായും സാമ്യമുള്ളവരാണ് സിനിമയില് അഭിനയിച്ചിരിക്കുന്നത്. കൂടാതെ വെസ്റ്റ് ഇന്ഡീസ് ടീമിലുണ്ടായിരുന്ന കളിക്കാരുടെയും അപരന്മാരെ 83യെന്ന സിനിമയില് കാണാം.
തിയേറ്ററുകളില് ഇന്നു (ഡിസംബര് 24) റിലീസ് ചെയ്ത സിനിമയെക്കുറിച്ച് ഗംഭീര റിപ്പോര്ട്ടുകളാണ് വന്നു കൊണ്ടിരിക്കുന്നത്. ചരിത്രവുമായി നീതി പുലര്ത്തിയ വളരെ മികച്ച ചിത്രമാണ് ഇതെന്നാണ് വിലയിരുത്തല്.
Continue with Google