Click it and Unblock the Notifications
നമ്മുടെ ദിവസമല്ല
നമ്മുടെ ദിവസമായിരുന്നില്ല. പോയിന്റ് പട്ടികയില് ഒന്നാംസ്ഥാനത്ത് ഫിനിഷ് ചെയ്ത് സെമി ഫൈനലിലെത്തിയപ്പോള് തന്നെ എന്നെ സംബന്ധിച്ച് ഇന്ത്യ ലോക ചാംപ്യന്മാരായിക്കഴിഞ്ഞു. ടൂര്ണമെന്റിലുടനീളം നിങ്ങള് നന്നായി കൡച്ചു.
തലേ ദിവസം മഴ പെയ്തില്ലായിരുന്നെങ്കില് മല്സരഫലം മറ്റൊന്നാവുമായിരുന്നുവെന്നാണ് തോന്നുന്നത്. എങ്കിലും നന്നായി കളിച്ചു, നിങ്ങളെയോര്ത്ത് അഭിമാനിക്കുന്നു. സ്നേഹത്തോടെ എ എന്നായിരുന്നു ആമിറിന്റെ ട്വീറ്റ്.
വേറെയും ബോളിവുഡ് താരങ്ങള്
ആമിര് മാത്രമല്ല ബോളിവുഡിലെ വേറെയും പല താരങ്ങളും ടീം ഇന്ത്യയുടെ പ്രകടനത്തെ പുകഴ്ത്തി. ടീം ഇന്ത്യ ഗംഭീരമായാണ് കളിച്ചത്. ഇത് നമ്മുടെ ദിവസമായിരുന്നില്ല. നിങ്ങള്ക്ക് ഇപ്പോള് മനസ്സില് എത്ര നിരാശയുണ്ടാവുമെന്ന് ചിന്തിക്കാന് കഴിയുന്നില്ല. ടൂര്ണമെന്റില് ഇത്രയും നല്ല പ്രകടനം നടത്തിയതിനു നന്ദി. ഞങ്ങള്ക്ക് ഏറെ ആഹ്ലാദിക്കാന് നിങ്ങള് വക നല്കിയെന്നും ബോളിവുഡ് താരം അര്ജുന് രാംപാല് ട്വീറ്റ് ചെയ്തു.
ഞങ്ങള്ക്ക് എല്ലാം നല്കിയ ടീം ഇന്ത്യക്കു നന്ദിയെന്നും ബഹുമാനിക്കുന്നുവെന്നുമായിരുന്നു ബോളിവുഡ് യുവ നടന് വരുണ് ധവാന്റെ ട്വീറ്റ്.
തലയെടുപ്പോടെ സെമിയില്
പ്രാഥമിക റൗണ്ടിലെ ഒമ്പത് മല്സരങ്ങളില് ഏഴിവും ജയിച്ച് 15 പോയിന്റുമായി ഒന്നാംസ്ഥാനക്കാരായാണ് ഇന്ത്യ സെമി ഫൈനലിലേക്കു കുതിച്ചത്. ഇംഗ്ലണ്ടിനെതിരായ ഒരേയൊരു മല്സരത്തില് മാത്രമേ ഇന്ത്യ പരാജയപ്പെട്ടിരുന്നുള്ളൂ. എന്നാല് ന്യൂസിലാന്ഡുമായുള്ള ഇന്ത്യയുടെ മല്സരം മഴയെ തുടര്ന്നു ഉപേക്ഷിക്കപ്പെടുകയായിരുന്നു.
ലോകകപ്പ് സെമിയില് മാത്രമല്ല ടൂര്ണമെന്റിനു മുന്നോടിയായുള്ള സന്നാഹ മല്സരത്തില് ന്യൂസിലാന്ഡിനോട് ഇന്ത്യ പരാജയമേറ്റുവാങ്ങിയിരുന്നു.
Continue with Google