Click it and Unblock the Notifications
ഇന്സ്റ്റഗ്രാമിലെ ചോദ്യോത്തര സെഷനില് ആരാധകരുമായി സംവദിക്കവെയാണ് കുട്ടിക്കാലത്തെ തന്റെ ഹീറോസ് ആരൊക്കെയാണെന്നു ധവാന് വെളിപ്പെടുത്തിയത്. നാലു പേരായിരുന്നു തന്റെ ആരാധനാപാത്രങ്ങളെന്നു ധവാന് പറയുന്നു. ഇവരില് ഇന്ത്യയുടെ ഒരാള് മാത്രമേയുള്ളൂവെന്നതാണ് കൗതുകകരം. മാത്രമല്ല നാലു ബാറ്റ്സ്മാന്മാരില് മൂന്നു പേരും ഇടംകൈ ബാറ്റ്സ്മാരാണെന്നതും മറ്റൊരു പ്രത്യേകതയാണ്. സച്ചിന് ടെണ്ടുല്ക്കര്, ബ്രയാന് ലാറ, മാത്യു ഹെയ്ഡന്, ആന്ഡി ഫ്ളവര് എന്നിവരായിരുന്നു തന്റെ ഹീറോസെന്നു ധവാന് വ്യക്തമാക്കി.
ജനുവരിയില് ഓസ്ട്രേലിയക്കെതിരേ നാട്ടില് നടന്ന മൂന്നു മല്സരങ്ങളുടെ ഏകദിന പരമ്പരയിലാണ് ധവാനെ അവസാനമായി ഇന്ത്യന് ജഴ്സിയില് കണ്ടത്. ഈ പരമ്പരയില് കളിക്കവെ ഫീല്ഡിങിനിടെ ധവാന്റെ തോൡനു പരിക്കേല്ക്കുകയായിരുന്നു. ഇതേ തുടര്ന്ന് ന്യൂസിലാന്ഡ് പര്യടനത്തില് നിന്നും അദ്ദേഹത്തിനു പിന്മാറേണ്ടി വരികയും ചെയ്തിരുന്നു.
പരിക്കില് നിന്ന് മോചിതനായ ധവാന് മുംബൈയില് നടന്ന ഡിവൈ പാട്ടീല് ടി20 ടൂര്ണമെന്റില് കളിച്ചു കൊണ്ട് മാര്ച്ച് ആദ്യവാരത്തോടെയാണ് കളിക്കളത്തില് തിരിച്ചെത്തിയത്. പരിക്ക് ഭേദമായ ഹാര്ദിക് പാണ്ഡ്യ, ഭുവനേശ്വര് കുമാര് എന്നിവരും ഈ പരമ്പരയിലൂടെയാണ് മല്സരരംഗത്തേക്കു മടങ്ങിവന്നത്.
ദക്ഷിണാഫ്രിക്കയ്ക്കെതിരായ മൂന്നു മല്സരങ്ങളുടെ ഏകദിന പരമ്പരയ്്ക്കുള്ള ടീമില് ധവാനെ ഉള്പ്പെടുത്തിയിരുന്നു. എന്നാല് കൊറോണ വൈറസ് വ്യാപിച്ചതോടെ പരമ്പര റദ്ദാക്കുകയായിരുന്നു. ഐപിഎല്ലിന്റെ പുതിയ സീസണില് ഡല്ഹി ക്യാപ്പിറ്റന്സിനു വേണ്ടിയാണ് ധവാന് ഇനി കളിക്കുക. കൊവിഡ്-19 കാരണം ഐപിഎല്ലും ഇപ്പോള് അനിശ്ചിതത്വത്തിലാണ്.
Continue with Google