Click it and Unblock the Notifications
കോലിയില് നിന്ന് വ്യത്യസ്തന്
കോലിയില് നിന്നും തികച്ചും വ്യത്യസ്തനായ ക്യാപ്റ്റനാണ് രോഹിത്തെന്നു ധവാന് അഭിപ്രായപ്പെട്ടു. ഇരുവരുടെയും ലീഡര്ഷിപ്പ് ഗ്രൂപ്പില് അംഗം കൂടിയാണ് താനെന്നും ധവാന് പറയുന്നു.
കളിക്കളത്തില് ചില സന്ദര്ഭങ്ങളില് ആശയക്കുഴപ്പമുണ്ടാവുമ്പോഴും തങ്ങള് ഇക്കാര്യം പരസ്പരം ചര്ച്ച ചെയ്യാറുണ്ട്. ഇക്കാര്യത്തില് കോലിയാണെങ്കിലും രോഹിത്താണെങ്കിലും ഒരുപോലെ തന്നെയാണെന്നും അദ്ദേഹം കൂട്ടിച്ചേര്ത്തു.
പരസ്പരം ചര്ച്ച നടത്തും
വ്യത്യസ്ത സ്വഭാവ സവിശേഷതയുള്ളവരാണ് കോലിയും രോഹിതും.വ്യത്യസ്ത സാഹചര്യങ്ങളില് വ്യത്യസ്ത തീരുമാനങ്ങളുമെടുക്കുന്നവരാണ്. ആ സന്ദര്ഭത്തില് എന്താണോ ശരിയെന്നു തോന്നുന്നത് അവര് അതു ചെയ്യും. എന്നാല് കളിക്കളത്തില് ഇരുവരും പരസ്പരം ഇത് ചര്ച്ച ചെയ്താണ് തീരുമാനിക്കാറുള്ളത്.
രോഹിത്താണ് ടീമിനെ നയിക്കുന്നതെങ്കില് അദ്ദേഹം താനുമായി ചര്ച്ച നടത്തും. കോലിയാണ് ക്യാപ്റ്റനെങ്കില് അദ്ദേഹം രോഹിത്തിനും തനിക്കുമൊപ്പം നിര്ണായക ഘട്ടങ്ങളില് കൂടിയാലോചിക്കാറുണ്ടെന്നും ധവാന് വിശദമാക്കി.
ധവാനെതിരേ വിമര്ശനം
സമീപകാലത്തെ വേഗം കുറഞ്ഞ ഇന്നിങ്സുകളുടെ പേരില് വിമര്ശനങ്ങള് നേരിട്ടു കൊണ്ടിരിക്കുകയാണ് ധവാന്. ബംഗ്ലാദേശിനെതിരേ നടന്ന കഴിഞ്ഞ മൂന്നു മല്സരങ്ങളുടെ ടി20 പരമ്പരയിലും താരത്തിന്റെ മെല്ലെപ്പോക്ക് വിമര്ശകര് ചൂണ്ടിക്കാട്ടിയിരുന്നു.
ടെസ്റ്റ് ടീമില് ഇതിനകം സ്ഥാനം നഷ്ടമായ ധവാന് ഇനി നിശ്ചിത ഓവര് ക്രിക്കറ്റിലെങ്കിലും സ്ഥാനം നിലനിര്ത്താനുള്ള കഠിന ശ്രമത്തിലാണ്. അടുത്ത വര്ഷം ടി20 ലോകകപ്പ് നടക്കാനിരിക്കെ ഇനിയുള്ള മല്സരങ്ങളിലെ പ്രകടനം ധവാന് നിര്ണായകമാണ്.
Continue with Google