Click it and Unblock the Notifications
പുറത്തായത് ഒരുപോലെ
ആദ്യ ടെസ്റ്റില്‍ രണ്ടിന്നിങ്‌സുകളിലും ഒരേ തരത്തിലാണ് രോഹിത് ഔട്ടായത്. രണ്ടിന്നിങ്‌സുകളിലും ഹിറ്റ്മാന് സ്റ്റംപ് ചെയ്ത് പുറത്താക്കപ്പെടുകയായിരുന്നു. ടെസ്റ്റില്‍ രണ്ടിന്നിങ്‌സുകളിലും സ്റ്റംപ് ചെയ്യപ്പെട്ട് പുറത്താക്കപ്പെട്ട ആദ്യ ഇന്ത്യന്‍ താരമെന്ന നാണക്കേടാണ് ഇതോടെ രോഹിത്തിന്റെ പേരിലായത്.
ഒന്നാമിന്നിങ്‌സില്‍ കേശവ് മഹാരാജിന്റെ ബൗളിങില്‍ ഡികോക്ക് രോഹിത്തിനെ സ്റ്റംപ് ചെയ്യുകയായിരുന്നു. രണ്ടാമിന്നിങ്‌സിലും ഇതേ രീതിയില്‍ തന്നെയായിരുന്നു ഹിറ്റ്മാന്റെ മടക്കം.
80 വര്‍ഷത്തിനുശേഷം
ടെസ്റ്റില്‍ രണ്ടിന്നിങ്‌സുകളിലും സ്റ്റംപ് ചെയ്യപ്പെട്ട് ഔട്ടായ ആദ്യ ഇന്ത്യന്‍ താരമാണ് രോഹിത്തെങ്കിലും ലോക ക്രിക്കറ്റില്‍ ഇതാദ്യമല്ല. ഇതിനു മുമ്പ് ടെസ്റ്റ് ചരിത്രത്തില്‍ 21 പേര്‍ ഇതേ രീതിയില്‍ രണ്ടിങ്‌സുകളിലും സ്റ്റംപ് ചെയ്യപ്പെട്ടിട്ടുണ്ട്.
1939ല്‍ ദക്ഷിണാഫ്രിക്കയ്‌ക്കെതിരായ ടെസ്റ്റില്‍ ഇംഗ്ലണ്ട് താരം വാല്ലി ഹാമണ്‍ഡാണ് ഈ തരത്തില്‍ രോഹിത്തിനു മുമ്പ് ടെസ്റ്റില്‍ രണ്ടിന്നിങ്‌സുകളിലും സ്റ്റംപ് ചെയ്ത് പുറത്താക്കപ്പെട്ടത്. 80 വര്‍ഷങ്ങള്‍ക്കു ശേഷമാണ് ഇത്തരമൊരു നാണക്കേട് രോഹിത്തിനെ തേടിയെത്തിയത്.
മാന്‍ ഓഫ് ദി മാച്ച്
ഇന്ത്യ ദക്ഷിണാഫ്രിക്കയെ 203 റണ്‍സിനു തകര്‍ത്തുവിട്ട ആദ്യ ടെസ്റ്റില്‍ രോഹിത്തായിരുന്നു മാന്‍ ഓഫ് ദി മാച്ച്. ആദ്യ ഇന്നിങ്‌സില്‍ 176ഉം രണ്ടാമിന്നിങ്‌സില്‍ 127ഉം റണ്‍സാണ് ഹിറ്റ്മാന് വാരിക്കൂട്ടിയത്. ഇതോടെ ടെസ്റ്റില്‍ ഓപ്പണറായി അരങ്ങേറ്റത്തില്‍ തന്നെ രണ്ടിന്നിങ്‌സുകളിലും സെഞ്ച്വറി നേടിയ ആദ്യ താരമെന്ന റെക്കോര്‍ഡിന് രോഹിത് അര്‍ഹയായിരുന്നു.
