ഇന്ത്യ vs ദക്ഷിണാഫ്രിക്ക ടെസ്റ്റ്: ഒന്ന് ബൗള്‍ ചെയ്യാമോ? ഭാജിയോട് രോഹിത്... പ്രതികരണം വൈറല്‍

സംഭവം ഇങ്ങനെ

ഒന്നാമിന്നിങ്‌സില്‍ ആര്‍ അശ്വിന്‍ അഞ്ചാം വിക്കറ്റ് നേട്ടം പൂര്‍ത്തിയാക്കിയ ശേഷമായിരുന്നു രോഹിത് ഭാജിയെ ക്ഷണിച്ചത്. ഹര്‍ഭജന്‍ സിങ്, ഹര്‍ഭജന്‍ സിങ് വരൂ, വരൂവെന്നാണ് രോഹിത് തമാശരൂപേണ പറയുന്നത്. സ്റ്റംപ് മൈക്കുകളാണ് താരത്തിന്റെ ഈ വാക്കുകള്‍ പിടിച്ചെടുത്തത്. നിങ്ങള്‍ക്കു ഏറ്റവും യോജിച്ചതാണ് ഈ പിച്ച്. വരൂ, ബൗള്‍ ചെയ്യൂവെന്നും രോഹിത് പറയുന്നുണ്ട്. കളിക്കിടെ ഹര്‍ഭജന്റെ ബൗളിങിനു മുമ്പുള്ള തയ്യാറെടുപ്പ് രോഹിത് തമാശരൂപേണ കാണിക്കുന്ന വീഡിയോയും വൈറലായിരുന്നു.

ഭാജിയുടെ പ്രതികരണം

തന്നെ വീണ്ടും പന്തെറിയാന്‍ ക്ഷണിച്ച രോഹിത്തിന് ഹര്‍ഭജന്‍ ട്വിറ്ററിലൂടയാണ് മറുപടി നല്‍കിയത്. പൊട്ടിച്ചിരിക്കുന്ന സ്‌മൈലിയോടു കൂടിയാണ് താരത്തിന്റെ ട്വീറ്റിന്റെ തുടക്കം. വരുന്നു... നീയും നന്നായി ബൗള്‍ ചെയ്തു. ശരിക്കും ടാര്‍ജറ്റില്‍ തന്നെയായിരുന്നു അവയെല്ലാം. അടുത്ത തവണ തന്റേ ശൈലിയിലും ഒരു പന്തെറിയണമെന്നും ഭാജി ട്വീറ്റിലൂടെ ആവശ്യപ്പെട്ടു.

രോഹിത് ബൗള്‍ ചെയ്തു

ടെസ്റ്റില്‍ രോഹിത്തും ഇന്ത്യക്കു വേണ്ടി ബൗള്‍ ചെയ്തിരുന്നു. രണ്ടോവറുകള്‍ ബൗള്‍ ചെയ്ത താരം ഒരു മെയ്ഡനുള്‍പ്പെടെ ഏഴു റണ്‍സാണ് വിട്ടുകൊടുത്തത്. പക്ഷെ വിക്കറ്റൊന്നും വീഴ്ത്താന്‍ ഹിറ്റ്മാനായില്ല.
എന്നാല്‍ ബാറ്റിങില്‍ താരം ശരിക്കും കസറി. ടെസ്റ്റില്‍ ആദ്യമായി ഓപ്പണ്‍ ചെയ്യാന്‍ അവസരം ലഭിച്ച രോഹിത് ഒന്നാമിന്നിങ്‌സില്‍ സെഞ്ച്വറിയുമായാണ് വരവറിയിച്ചത്. 176 റണ്‍സ് താരം അടിച്ചെടുത്തിരുന്നു.

വീഡിയോ കാണാം

ദക്ഷിണാഫ്രിക്കയുടെ ഒന്നാമിന്നിങ്‌സിനിടെ ഹര്‍ഭജന്‍ സിങ് ബൗള്‍ ചെയ്യുന്നതിനു മുമ്പുള്ള തയ്യാറെടുപ്പ് തമാശരൂപേണ കാണിക്കുന്ന രോഹിത് ശര്‍മ.