Click it and Unblock the Notifications
റിച്ചാര്ഡ്സ് ഏറ്റവും വലിയ ബോസ്
വെസ്റ്റ് ഇന്ഡീസിന്റെ മുന് നായകനും ഇതിഹാസ ബാറ്റ്സ്മാനുമായ വിവിയന് റിച്ചാര്ഡ്സാണ് തന്റെ ഹീറോയെന്ന് കോലി വെളിപ്പെടുത്തി. ഏറ്റവും വലിയ ബോസെന്നാണ് റിച്ചാര്ഡ്സിനെ ഇന്ത്യന് ക്യാപ്റ്റന് വിശേഷിപ്പിച്ചത്.
ഇപ്പോള് ടീമിനൊപ്പം വിന്ഡീസ് പര്യടനം നടത്തുകയാണ് കോലി. ഇതിനിടെയാണ് റിച്ചാര്ഡ്സിനെ അദ്ദേഹം കണ്ടുമുട്ടിയത്.
ഫോട്ടോ പോസ്റ്റ് ചെയ്തു
റിച്ചാര്ഡ്സിനൊപ്പമുള്ള ഫോട്ടോ പോസ്റ്റ് ചെയ്താണ് കോലി തന്റെ ഹീറോ ആരെന്ന് ലോകത്തെ അറിയിച്ചത്. ഏറ്റവും വലിയ ബോസിനൊപ്പമെന്ന അടിക്കുറിപ്പോടെയാണ് റിച്ചാര്ഡ്സിനൊപ്പം നില്ക്കുന്ന ചിത്രം കോലി ട്വീറ്റ് ചെയ്തത്.
ക്രിക്കറ്റ് ലോകം കണ്ട എക്കാലത്തെയും വലിയ മഹാരഥന്മാരുടെ കൂട്ടത്തിലാണ് 67 കാരനായ റിച്ചാര്ഡ്സിന്റെ സ്ഥാനം. 1980കളില് വിന്ഡീസ് ലോക ക്രിക്കറ്റിനെ കാല്ക്കീഴിലാക്കി പടയോട്ടം നടത്തിയപ്പോള് ടീമിന്റെ നട്ടെല്ലായിരുന്നു അദ്ദേഹം. 121 ടെസ്റ്റുകളില് നിന്നും 8540 റണ്സും ഏകദിനത്തില് 6721 റണ്സും റിച്ചാര്ഡ്സ് നേടിയിട്ടുണ്ട്.
സച്ചിന് അരികെ
നിലവില് ലോക ക്രിക്കറ്റിലെ ഏറ്റവും മികച്ച ബാറ്റ്സ്മാനായ കോലി സച്ചിന്റെ പല റെക്കോര്ഡുകളും അധികം വൈകാതെ തകര്ക്കുമെന്നാണ് കരുതപ്പെടുന്നത്. ഏകദിനത്തിലെ ഏറ്റവുമധികം സെഞ്ച്വറികളെന്ന സച്ചിന്റെ എവര് ഗ്രീന് റെക്കോര്ഡാണ് കോലി ഇനി ലക്ഷ്യം വയ്ക്കുന്നത്. നിലലവില് 41 സെഞ്ച്വറികള് ഇന്ത്യന് നായകന്റെ പേരിലുണ്ട്. ഒമ്പതെണ്ണം കൂടി നേടിയാല് സച്ചിന്റെ ഓള്ടൈം റെക്കോര്ഡ് കോലി തകര്ക്കും.
കോലിയുടെ ട്വീറ്റ്
വെസ്റ്റ് ഇന്ഡീസിന്റെ മുന് ക്യാപ്റ്റനും ഇതിഹാസ ബാറ്റ്സ്മാനുമായ വിവിയന് റിച്ചാര്ഡ്സിനൊപ്പമുള്ള വിരാട് കോലിയുടെ ട്വീറ്റ്.
Continue with Google