ദില്ലി: ഇന്ത്യന് ക്രിക്കറ്റ് ടീം ക്യാപ്റ്റനും സ്റ്റാര് ബാറ്റ്സ്മാനുമായ വിരാട് കോലി വീണ്ടും പുരസ്കാരനിറവില്. തുടര്ച്ചയായി രണ്ടാം വര്ഷവും രാജ്യത്തെ മികച്ച ക്രിക്കറ്റര്ക്കുള്ള പോളി ഉമ്രിഗര് അവാര്ഡ് അദ്ദേഹം സ്വന്തമാക്കി. 2016-17 സീസണിലും കോലി തന്നെയായിരുന്നു പ്ലെയര് ഓഫ് ദി ഇയര്. ദേശീയ ടീമിനു വേണ്ടിയുള്ള തുടര്ച്ചയായ മിന്നുന്ന പ്രകടനങ്ങള് 2017-18 സീസണിലെ പുരസ്കാരവും അദ്ദേഹത്തിനു സമ്മാനിക്കുകയായിരുന്നു. ജൂണ് 12ന് ബെംഗളൂരുവില് നടക്കുന്ന ബിസിസിഐയുടെ അവാര്ഡ്ദാന ചടങ്ങില് കോലിക്കു പുരസ്കാരം കൈമാറും. രണ്ടു വര്ഷങ്ങളിലെയും അവാര്ഡുകള് ഒരുമിച്ചാണ് ഈ ചടങ്ങില് സമ്മാനിക്കുന്നത്.
രാജ്യത്തെ വ്യത്യസ്ത പ്രായത്തില്പ്പെട്ട ദേശീയ, ആഭ്യന്തര താരങ്ങളെയും ചടങ്ങില് ബിസിസിഐ പുരസ്കാരം നല്കി ആദരിക്കും. പുരുഷ വിഭാഗത്തിലാണ് കോലി മികച്ച ക്രിക്കറ്ററായി തിരഞ്ഞെടുക്കപ്പെട്ടത്. വനിതകളില് 2016-17 സീസണിലെ മികച്ച താരത്തിനുള്ള അവാര്ഡ് ഹര്മന്പ്രീത് കൗറിനാണ്. 2017-18 സീസണില് ഈ പുരസ്കാരത്തിന് അര്ഹയായത് സ്മൃതി മന്ദാനയാണ്. ഇവ കൂടാതെ അണ്ടര് 16 വിജയ് മര്ച്ചന്റ് ട്രോഫിയില് ഏറ്റവുമധികം റണ്സെടുത്ത താരത്തിനും വിക്കറ്റെടുത്ത താരത്തിനും അവാര്ഡ് നല്കും.
ക്രിക്കറ്റ് പ്രേമിയാണോ? അറിയാതെ പോവരുത് ഇവ.. ബൗള്ഡായവരുടെ അമരത്ത് ദ്രാവിഡ്!! ഇനിയുമുണ്ട് ചിലത്
രക്തം ഛര്ദ്ദിച്ചിട്ടും പോരാടിയ യുവി!! എല്ല് പൊട്ടിയിട്ടും കൂസാത്ത കുംബ്ലെ, ഇവരാണ് പോരാളികള്
ഇന്ത്യയിലെ മികച്ച ക്രിക്കറ്റ് അസോസിയേഷനുള്ള 2017-18 സീസണിലെ അവാര്ഡ് ഡല്ഹി ക്രിക്കറ്റ് അസോസിയേഷനാണ്. തൊട്ടുമുമ്പത്തെ സീസണില് മികച്ച അസോസിയേഷനായി മാറിയത് ബംഗാളായിരുന്നു. പ്രൈസ് മണിയില് ഇത്തവണ വര്ധനവ് വരുത്താന് ബിസിസിഐ തീരുമാനിച്ചിട്ടുണ്ട്. നേരത്തേ ഒരു ലക്ഷമായിരുന്ന സമ്മാനത്തുക ഇത്തവണ 1.5 ലക്ഷം രൂപയാക്കിയിട്ടുണ്ട്.