Click it and Unblock the Notifications
ഓഫ് സ്റ്റംപിന് പുറത്തേക്കു പോവുന്ന പന്തുകള്ക്കെതിരേ
ഷോട്ട് കളിക്കുന്നതില് കോലി അത്ര മിടുക്കനല്ലെന്നു എല്ലാവര്ക്കുമറിയാവുന്ന രഹസ്യമാണ്. എതിരാളികള് അദ്ദേഹത്തെ പുറത്താക്കാന് പലപ്പോഴും പരീക്ഷിക്കുന്നതും ഈ തന്ത്രമാണ്.
കന്നി ടെസ്റ്റ് മാത്രം കളിക്കുന്ന ജാമിസണ് കോലിയുടെ ഈ വീക്ക്നെസ് വെല്ലിങ്ടണില് മുതലെടുക്കുകയും ചെയ്തു. ഓഫ് സ്റ്റംപിന് പുറത്ത് പിച്ച് ചെയ്ത ഫുള്ലെങ്ത് ബോളില് ഡ്രൈവിനു ശ്രമിച്ച കോലിയുടെ കണക്കുകൂട്ടല് തെറ്റി. ബാറ്റിന് അരികില് തട്ടിത്തെറിച്ച പന്ത് ഫസ്റ്റ് സ്ലിപ്പില് റോസ് ടെയ്ലര് അനായാസം പിടികൂടുകയായിരുന്നു.
ഇന്ത്യ രണ്ടു വിക്കറ്റിനു 35 റണ്സെന്ന നിലയിലുള്ളപ്പോഴാണ് നാലാമനായി കോലി ക്രീസിലെത്തുന്നത്. ടെസ്റ്റില് ഇന്ത്യയുടെ വിശ്വസ്തനായ ചേതേശ്വര് പുജാര പെട്ടെന്നു മടങ്ങിയതാണ് കോലിയുടെ വരവ് നേരത്തേയാക്കിയത്. സാധാരണയായി ഇത്തരം സന്ദര്ഭങ്ങളില് ക്രീസിലെത്തിയാല് വലിയ ഇന്നിങ്സുകള് കളിച്ച് കോലി ടീമിനെ കരകയറ്റാറുണ്ട്.
എന്നാല് ഇത്തവണ കോലിക്കു ടീമിന്റെ രക്ഷകനാവാന് സാധിച്ചില്ല. മോണിങ് സെഷനില് തന്നെ, ടീം സ്കോറിലേക്ക് അഞ്ച് റണ്സ് കൂടി കൂട്ടിച്ചേര്ത്തപ്പോഴേക്കും കോലിക്കു ജാമിസണ് മടക്ക ടിക്കറ്റ് നല്കി.
ഈ വര്ഷം കോലിയെ സംബന്ധിച്ച് വ്യക്തിപരമായി ആഹ്ലാദിക്കാനുള്ള വകയൊന്നും നല്കാതെയാണ് മുന്നോട്ടുപോവുന്നത്. ബാറ്റിങില് പഴയ മാജിക്ക് അദ്ദേഹത്തിന് 2020ല് പുറത്തെടുക്കാന് സാധിക്കുന്നില്ല. ടി20 ലോകകപ്പ് ഈ വര്ഷം നടക്കാനിരിക്കെ കോലിയുടെ മോശം ഫോം ഇന്ത്യയെ വലിയ ആശങ്കയിലാക്കുന്നുണ്ട്.
അവസാനമായി കളിച്ച 19 അന്താരാഷ്ട്ര മല്സരങ്ങളില് ഒരു സെഞ്ച്വറി പോലും അദ്ദേഹത്തിനു നേടാന് കഴിഞ്ഞിട്ടില്ല. കോലിയുടെ അവസാന സെഞ്ച്വറി ബംഗ്ലാദേശിനെതിരേ നാട്ടില് കഴിഞ്ഞ വര്ഷം നടന്ന ഡേ- നൈറ്റ് ടെസ്റ്റിലായിരുന്നു. അതേസമയം, 2019 ആഗസ്റ്റ്- സപ്തംബര് മാസങ്ങളിലായി നടന്ന വെസ്റ്റ് ഇന്ഡീസ് പര്യടനത്തിനായിരുന്നു ഏകദിനത്തില് അദ്ദേഹത്തിന്െ അവസാനത്തെ സെഞ്ച്വറി. ഇപ്പോഴത്തെ ന്യൂസിലാന്ഡ് പര്യടനത്തില് ഇതുവരെ കളിച്ച മല്സരങ്ങളില് ഒന്നില് മാത്രമേ കോലിക്കു 50ന് മുകളില് നേടാനായിട്ടുള്ളൂ.
കൈല് ജാമിസണിന്റെ ബൗളിങില് കോലിയെ സ്ലിപ്പില് ടെയ്ലര് പിടികൂടുന്നു
Continue with Google