Click it and Unblock the Notifications
വെല്ലുവിളി തന്നെ
ആദ്യമായി പിങ്ക് ടെസ്റ്റില് കളിക്കുകയെന്നത് വെല്ലുവിളിയാണെന്ന് കോലി സമ്മതിക്കുന്നു. വെല്ലുവിളിയും അതേസമയം ആവേശവുമാണ് തോന്നുന്നത്. കളിയുടെ തുടക്കത്തിലായിരിക്കും കൂടുതല് വെല്ലുവിളി നേരിടേണ്ടി വരിക.
ഇന്ത്യന് ടീം ഏതു വെല്ലുവിളിയും ഏറ്റെടുക്കാന് തയ്യാറാണ്.
കളിക്കാരെല്ലാം വലിയ ആവേശത്തിലാണ്. തീര്ച്ചയായും ഇതൊരു ചരിത്രം മുഹൂര്ത്തം തന്നെയായിരിക്കുമെന്നും 31 കാരനായ കോലി മാധ്യമങ്ങളോടു പറഞ്ഞു.
അവസാന സെഷന് ദുഷ്കരമാവും
രാത്രിയില് മഞ്ഞുവീഴ്ചയുണ്ടാവുമെന്നതിനാല് ടെസ്റ്റില് അവസാന സെഷനായിരിക്കും ടീമിനെ സംബന്ധിച്ച് ഏറ്റലും ദുഷ്കരമെന്ന് പല മുന് താങ്ങളും ക്രിക്കറ്റ് പണ്ഡിതരും ചൂണ്ടിക്കായിരുന്നു. മാത്രമല്ല സൂര്യസ്തമയത്തിനു ശേഷം ബൗളര്മാര്ക്കു പന്തെറിയുന്നതും കടുപ്പമാവുമെന്ന് ഇവര് അഭിപ്രായപ്പെട്ടിരുന്നു.
ഇതിനോട് കോലിയും അനുകൂലിക്കുന്നു. മഞ്ഞ് വീഴ്ചയെ അതിജീവിക്കാന് പ്രത്യേക വഴികളൊന്നുമില്ല. അത് തീര്ച്ചയായും ആശങ്കയുണ്ടാക്കുന്നതാണ്. അവസാന സെഷനില് ഇതുതന്നെയായിരിക്കും നിര്ണായകമാവുകയെന്നും കോലി ചൂണ്ടിക്കാട്ടി.
ഫീല്ഡിങ് എളുപ്പമാവില്ല
പിങ്ക് ബോള് ടെസ്റ്റില് ബാറ്റിങ്, ബൗളിങ് ഇവയേക്കാള് ദുഷ്കരം ഫീല്ഡിങായിരിക്കുമെന്ന് കോലി അഭിപ്രായപ്പെട്ടു. ഫീല്ഡിങ് സെഷനായിരിക്കും ഏറ്റവും വലിയ വെല്ലുവിളി. പിങ്ക് ബോള് കൊണ്ട് ഫീല്ഡ് ചെയ്യുക എത്ര കടുപ്പമാണെന്നത് കാണികളെയും അമ്പരപ്പിക്കും. പിങ്ക് ബോളിനു റെഡ് ബോളിനേക്കാള് ഭാരം കൂടുതലുള്ളതുപോലെയാണ് അനുഭവപ്പെടുന്നത്. രണ്ടു പന്തുകളുടെയും ഭാരത്തില് വ്യത്യാസമില്ലെന്ന് ഉറപ്പുണ്ട്. സ്ലിപ്പില് ക്യാച്ചെടുക്കുമ്പോള് പന്തിന് കൂടുതല് ഭാരമുള്ളതു പോലെയാണ് തോന്നിയത്. മാത്രമല്ല ബൗണ്ടറിയില് നിന്ന് ത്രോ ചെയ്യുമ്പോഴും ഫീല്ഡര്മാര്ക്ക് കൂടുതല് അധ്വാനം വേണ്ടി വരുമെന്നും കോലി കൂട്ടിച്ചേര്ത്തു.
Continue with Google