Click it and Unblock the Notifications
40കളുടെ തുടക്കം വരെ കോലി അന്താരാഷ്ട്ര ക്രിക്കറ്റില് കളിക്കുമെന്നാണ് താന് കരുതുന്നതെന്ന് ദാസ്ഗുപ്ത വ്യക്തമാക്കി. ശാരീരികമായി അത്രയും ഫിറ്റാണ് ഇപ്പോള് കോലി. അക്കാര്യത്തില് വളരെയധികം അച്ചടക്കവും അദ്ദേഹം പുലര്ത്തുന്നു.
30കളുടെ തുടക്കത്തിലാണ് കോലി. അടുത്ത അഞ്ചോ, ആറോ വര്ഷമല്ല ചിലപ്പോള് 10 വര്ഷം വരെ അദ്ദേഹം കളിക്കളത്തില് തുടര്ന്നേക്കും. ശാരീരികത്തിനേക്കാളുപരി മാനസികവും വളരെ പ്രധാനമാണ്. എന്തിനെയും വളരെ തീവ്രമായി സമീപിക്കുന്ന ശൈലിയാണ് കോലിയുടേത്. ഒരു കാര്യം ചെയ്യുമ്പോള് പൂര്ണമായും അതില് മാത്രമായിരിക്കും ശ്രദ്ധയെന്നും ദാസ്ഗുപ്ത വിശദമാക്കി.
ഈ വര്ഷം നവംബറില് കോലിക്കു 32 വയസ്സ് തികയും. ഏതു കാര്യമെടുത്താലും അതില് 120 ശതമാനവും നല്കാന് ശ്രമിക്കുന്ന വ്യക്തിയാണ് കോലി. എന്നാല് കോലിയെപ്പോലെ മാനസികമായി അത്രയും ഒരു കാര്യത്തോട് ആത്മാര്ഥത പുലര്ത്തുന്ന പലര്ക്കും വളരെ പെട്ടെന്നു ഈ മാനസികാവസ്ഥ നഷ്ടമായതായി ചില മുന് സംഭവങ്ങള് ഓര്മിപ്പിക്കുന്നു. കോലിയുടെ കാര്യത്തിലും ഇതേ ആശങ്കയാണ് ദാസ്ഗുപ്ത പങ്കു വയ്ക്കുന്നത്.
മാനസികമായി ഇതേ ഫ്രഷ്നെസോടെ എത്ര കാലം കോലിക്കു കളിക്കാന് കഴിയുമെന്ന കാര്യത്തിലാണ് ആശങ്കയുള്ളത്. കോലിയെപ്പോലെ ചിന്താഗതി പുലര്ത്തിയ ചിലര്
കരുതിയതിലും നേരത്തേ മാനസികമായി തളരുകയും വിസ്മൃതിയിലേക്കു മറയുകയും ചെയ്ത സംഭവങ്ങള് ശ്രദ്ധയില് പെട്ടിരുന്നു. അത് ശാരീരികമായ കാര്യമാവില്ല, മറിച്ചു മാനസികം മാത്രമാണെന്നും ദാസ്ഗുപ്ത വ്യക്തമാക്കി.
2008ല് ക്രിക്കറ്റിലേക്കു വരുമ്പോള് ദില്ലിയില് നിന്നുള്ള ഒരു സാധാരണ ബാറ്റ്സ്മാന് മാത്രമായിരുന്നു കോലി. നോര്ത്ത് ഇന്ത്യന് ഭക്ഷണസാധനങ്ങള് ഇഷ്ടപ്പെടുകയും നന്നായി കഴിക്കുകയും ചെയ്തിരുന്ന, ഫിറ്റ്നസിനൊന്നും വലിയ പ്രാധാന്യം നല്കാതിരുന്ന വ്യക്തി കൂടിയായിരുന്നു അദ്ദേഹം.
എന്നാല് 2012 മുതലാണ് കോലി ക്രിക്കറ്റിനെ കൂടുതല് ഗൗരവമായി കാണാന് തുടങ്ങിയത്. അതിനു ശേഷം ഫിറ്റ്നസില് കൂടുതല് ശ്രദ്ധ പുലര്ത്തിയ അദ്ദേഹം ഇപ്പോള് ക്രിക്കറ്റിലെ മാത്രമല്ല കായിക ലോകത്തെ തന്നെ ഏറ്റവും മികച്ച ഫിറ്റ്നസുള്ളവരുടെ നിരയിലാണ്.
Continue with Google