Click it and Unblock the Notifications
സഞ്ജുവിന് എളുപ്പമാവില്ല
പരിക്കിനെ തോല്പ്പിച്ചെങ്കിലും ഇന്ത്യയുടെ പ്ലെയിങ് ഇലവനില് കയറിപ്പറ്റുകയെന്നത് സഞ്ജുവിനു എളുപ്പമാവില്ല. കാരണം പകരക്കാരനായി ആദ്യ ഏകദിനത്തില് അരങ്ങേറിയ മറ്റൊരു യുവതാരമായ ഇഷാന് കിഷന് തനിക്കു ലഭിച്ച അവസരം ശരിക്കും മുതലാക്കിയിരുന്നു.
മൂന്നാമനായി ഇറങ്ങിയ ഇഷാന് 42 ബോളില് എട്ടു ബൗണ്ടറികളും രണ്ടു സിക്സറുമടക്കം 59 റണ്സുമായി ഇന്ത്യന് വിജയത്തില് നിര്ണായക പങ്കുവഹിച്ചിരുന്നു. ഈ പ്രകടനം സഞ്ജുവിനേറ്റ പ്രഹരം കൂടിയാണ്. ഇഷാന് ഫ്ളോപ്പായിരുന്നെങ്കില് വളരെ അനായാസം അദ്ദേഹത്തിന് വിക്കറ്റ് കീപ്പര് സ്ഥാനം തിരിച്ചുപിടിക്കാമായിരുന്നു.
ഇഷാനെ നിലനിര്ത്തും
കരിയറിലെ ആദ്യ ഏകദിനത്തില് തന്നെ മിന്നുന്ന ബാറ്റിങ് കാഴ്ചവച്ച ഇഷാനെ അടുത്ത മല്സരത്തില് ഇന്ത്യ ഒഴിവാക്കില്ലെന്നുറപ്പാണ്. അങ്ങനെയെങ്കില് സഞ്ജു എങ്ങനെ കളിക്കുമെന്നതാണ് ചോദ്യം.
ഏകദിനത്തില് അരങ്ങേറ്റ മല്സരം കൂടിയാണ് ഇഷാന് കളിച്ചതെങ്കിലും ഒട്ടും തന്നെ സമ്മര്ദ്ദമില്ലാതെയായിരുന്നു താരം ബാറ്റ് ചെയ്തത്. നേരിട്ട ആദ്യ ബോളില് തന്നെ സിക്സറടിച്ചു കൊണ്ട് തുടങ്ങിയ ഇഷാന് രണ്ടാമത്തെ ബോളില് ബൗണ്ടറിയും നേടിയിരുന്നു. ഇത്രയും ആത്മവിശ്വാസത്തോടെ കളിക്കുന്ന ഒരു താരത്തെ ആദ്യ മല്സരത്തിനു ശേഷം ഒഴിവാക്കുകയെന്നത് ശരിയല്ലെന്നു ടീം മാനേജ്മെന്റിനു നല്ല ബോധ്യവുമുണ്ടാവും.
സഞ്ജുവിന്റെ സാധ്യത
ഇഷാനു പകരം ഇന്ത്യന് പ്ലെയിങ് ഇലവനില് എത്തുന്നതിനെക്കുറിച്ച് സഞ്ജു തല്ക്കാലത്തേക്കു ആലോചിക്കാതിരുന്നതാവും നല്ലത്. ടീമിലെത്താന് ഒരേയൊരു വഴി മാത്രമേ അദ്ദേഹത്തിനു മുന്നിലുള്ളൂ. അത് മനീഷ് പാണ്ഡെ വഴി മാത്രമാണ്.
ആദ്യ കളിയില് നാലാമനായി ഇറങ്ങിയ പാണ്ഡെ വേഗം കുറഞ്ഞ ഇന്നിങ്സിന്റെ പേരില് ആരാധകരില് നിന്നും വിമര്ശനങ്ങള് നേരിട്ടിരുന്നു. 40 ബോളില് 26 റണ്സ് മാത്രമാണ് പാണ്ഡെ നേടിയത്. ഓരോ ബൗണ്ടറിയും സിക്സറും മാത്രമേ താരത്തിന്റെ ഇന്നിങ്സിലുണ്ടായിരുന്നുള്ളൂ.
രണ്ടാം ഏകദിനത്തില് പാണ്ഡെയെ പുറത്തിരുത്താന് കോച്ച് രാഹുല് ദ്രാവിഡും നായകന് ശിഖര് ധവാനും തീരുമാനിച്ചാല് മാത്രമേ സഞ്ജുവിനു മുന്നില് ടീമിലേക്കുള്ള വാതില് തുറക്കുകയുള്ളൂ. പാണ്ഡെയ്ക്കു ഒരവസരം കൂടി നല്കാന് ഇരുവരും തീരുമാനിച്ചാല് സഞ്ജുവിന് ഏകദിനത്തിലെ അരങ്ങേറ്റത്തിനായി കാത്തിരിക്കേണ്ടി വരും.
Continue with Google