Click it and Unblock the Notifications
മറുഭാഗത്ത് ബാറ്റ്സ്മാനെന്ന നിലയിലും നായകനെന്ന നിലയിലും രോഹിത് ശര്മ്മ മികവു കാട്ടാഞ്ഞത് ഇന്ത്യന് പതനത്തിന് കാരണമായി. അടുത്ത രണ്ടു മത്സരങ്ങളും ജയിച്ച് പരമ്പര പിടിച്ചടക്കിയാലേ ഇന്ത്യയുടെ ഇപ്പോഴത്തേ മാനക്കേടിന് പരിഹാരമാവുകയുള്ളൂ. രാജ്കോട്ടിലാണ് ഇന്ത്യ - ബംഗ്ലാദേശ് രണ്ടാം ട്വന്റി-20. ജീവന്മരണ പോരാട്ടം. പക്ഷെ ഇതിനിടയിലും ട്വന്റി-20 -യില് മറ്റൊരു പ്രധാന നാഴികക്കല്ല് നായകന് രോഹിത് ശര്മ്മയെ കാത്തിരിപ്പുണ്ട്.
വ്യാഴാഴ്ച്ച ബംഗ്ലാദേശിനെതിരെ കളിക്കുന്നതോടെ ഇന്ത്യന് നായകന് രോഹിത് ശര്മ്മ കരിയറില് നൂറു രാജ്യാന്തര ട്വന്റി-20 മത്സരങ്ങള് പൂര്ത്തിയാക്കും. നേരത്തെ, ദില്ലിയില് നടന്ന ആദ്യ ട്വന്റി-20 -യില് ഇന്ത്യയെ നയിച്ച രോഹിത് ശര്മ്മ മുന് ഇന്ത്യന് നായകന് ധോണിയുടെ റെക്കോര്ഡ് മറികടന്നിരുന്നു. 98 ട്വന്റി-20 മത്സരങ്ങളാണ് ഇന്ത്യയ്ക്കായി ധോണി കളിച്ചിരിക്കുന്നത്. രോഹിത്താകട്ടെ 99 രാജ്യാന്തര ട്വന്റി-20 മത്സരങ്ങള് കളിച്ചു കഴിഞ്ഞു.
നിലവില് പാക്കിസ്ഥാന് ഓള് റൗണ്ടര് ശുഐബ് മാലിക്കും ഇന്ത്യന് വനിതാ താരം ഹര്മന്പ്രീത് കൗറും മാത്രമാണ് നൂറു ട്വന്റി-20 മത്സരങ്ങള് പൂര്ത്തിയാക്കിയ മുന് താരങ്ങള്.
നിലവില് ട്വന്റി-20 -യിലെ ഏറ്റവും ഉയര്ന്ന റണ്വേട്ടക്കാരനാണ് രോഹിത് ശര്മ്മ. ബംഗ്ലാദേശിനെതിരെ നടന്ന ആദ്യ ട്വന്റി-20 മത്സരത്തിലാണ് ഹിറ്റ്മാന് ഈ സുവര്ണ നേട്ടത്തിലെത്തിയത്.
സഞ്ജുവിന് അവസരം ഇല്ല? ബൗളിങ് നിരയില് മാറ്റമുണ്ടായേക്കും; സൂചന നല്കി രോഹിത്
കളിയില് ഒന്പതു റണ്സു മാത്രമേ എടുത്തുള്ളൂവെങ്കിലും വിരാട് കോലിയെ മറികടന്ന് കുട്ടിക്രിക്കറ്റിലെ ഏറ്റവും ഉയര്ന്ന റണ്വേട്ടക്കാരനാകന് രോഹിത്തിന് കഴിഞ്ഞു. 2,452 റണ്സാണ് ട്വന്റി-20 കരിയറില് രോഹിത് ശര്മ്മയുടെ സമ്പാദ്യം. പറഞ്ഞുവരുമ്പോള് വിരാട് കോലിയെക്കാള് രണ്ടു റണ്സിന് മാത്രം മുന്പിലാണ് രോഹിത്. 2,326 റണ്സുള്ള മാര്ട്ടിന് ഗപ്റ്റില് മൂന്നാമതും 2,263 റണ്സുമായി ശുഐബ് മാലിക്ക് നാലാമതും പട്ടികയിലുണ്ട്.
Continue with Google