ട്വന്റി-20 ലോകകപ്പിന് കൃത്യമായ 'ഹോംവര്‍ക്ക്' ചെയ്യാന്‍ ടീം ഇന്ത്യ, വരാനിരിക്കുന്നത് ഏഴു പരമ്പരകള്‍

അടുത്ത ലോകകപ്പില്‍ യുവനിരയ്ക്കായിരിക്കും കൂടുതല്‍ പ്രാമുഖ്യം. ഇക്കാര്യം സെലക്ഷന്‍ കമ്മിറ്റി മുന്‍പേ അറിയിച്ചിട്ടുണ്ട്.ബംഗ്ലാദേശിനെതിരായ ട്വന്റി-20 പരമ്പരയില്‍ യുവനിരയെയാണ് എംഎസ്‌കെ പ്രസാദും സംഘവും നിയോഗിച്ചത്. ഇതിന്‍ പ്രകാരം ഖലീല്‍ അഹമ്മദ്, ദീപക് ചഹാര്‍, ശിവം ദൂബെ, റിഷഭ് പന്ത്, കെഎല്‍ രാഹുല്‍, വാഷിങ്ടണ്‍ സുന്ദര്‍ തുടങ്ങിയ താരങ്ങള്‍ക്ക് പരമ്പരയില്‍ അവസരം ലഭിക്കുകയും ചെയ്തു. എന്നാല്‍ ആഭ്യന്തര, ഐപിഎല്‍ സീസണുകളില്‍ തിളങ്ങിയിട്ടും മലയാളി താരം സഞ്ജു സാംസണിനെ മൂന്നു കളിയിലും സൈഡ് ബെഞ്ചിലിരുത്തിയതില്‍ ക്രിക്കറ്റ് പ്രേമികള്‍ക്കെല്ലാം കടുത്ത നിരാശയുണ്ട്.

എന്തായാലും ഡിസംബറില്‍ വെസ്റ്റ് ഇന്‍ഡീസിന് എതിരെയാണ് ഇന്ത്യയുടെ അടുത്ത ട്വന്റി-20 പരമ്പര. ഡിസംബര്‍ ആറിന് മുംബൈ വാങ്കഡേ സ്റ്റേഡിയം ആദ്യ മത്സരത്തിന് വേദിയാവും. എട്ടാം തീയതി തിരുവനന്തപുരം ഗ്രീന്‍ഫീല്‍ഡ് രാജ്യാന്തര സ്റ്റേഡിയത്തിലാണ് ഇന്ത്യ - വെസ്റ്റ് ഇന്‍ഡീസ് രണ്ടാം ട്വന്റി-20. 11 -ന് ഹൈദരാബാദില്‍ വെച്ച് പരമ്പരയിലെ അവസാന മത്സരവും നടക്കും. ബംഗ്ലാദേശിന് എതിരെ ഒരവസരം പോലും ലഭിക്കാത്ത സ്ഥിതിക്ക് അടുത്തമാസത്തെ പരമ്പരയില്‍ സഞ്ജുവിന് കളിക്കാന്‍ കഴിയുമെന്ന പ്രതീക്ഷയിലാണ് ആരാധകര്‍.

വിന്‍ഡീസിന് ശേഷം 2020 ജനുവരിയില്‍ ശ്രീലങ്കയുമായാണ് ഇന്ത്യയുടെ അടുത്ത ട്വന്റി-20 പരമ്പര. മൂന്നു മത്സരങ്ങളുണ്ട് പരമ്പരയില്‍. ഇതോടെ ടീം ഇന്ത്യയുടെ ഹോം പരമ്പരകള്‍ക്കും വിരാമമാകും.ജനുവരിയില്‍ത്തന്നെ അഞ്ചു മത്സരങ്ങളടങ്ങിയ ട്വന്റി-20 പരമ്പര കളിക്കാന്‍ ഇന്ത്യന്‍ സംഘം ന്യൂസിലാന്‍ഡിലേക്ക് പറക്കും. തുടര്‍ന്ന് ജൂണില്‍ ശ്രീലങ്കയില്‍ ചെന്നാണ് ടീം ഇന്ത്യയുടെ അടുത്ത ട്വന്റി-20 പരമ്പര. മൂന്നു ട്വന്റി-20 മത്സരങ്ങളാണ് ശ്രീലങ്കയുമായി ബിസിസിഐ നിശ്ചയിച്ചിരിക്കുന്നത്.

ശാസ്ത്രിക്ക് പരീക്ഷണങ്ങള്‍ നിര്‍ത്താം, ഇനി ശ്രേയസ് അയ്യറുണ്ട് നാലാം നമ്പറില്‍

ശേഷം സെപ്തംബറില്‍ ഏഷ്യാ കപ്പിലും വിരാട് കോലിയും സംഘവും പങ്കെടുക്കും. ലോകകപ്പിന് മുന്‍പേ ഇംഗ്ലണ്ടും ഓസ്‌ട്രേലിയയുമായി മൂന്നുവീതം ട്വന്റി-20 മത്സരങ്ങളും ഇന്ത്യന്‍ ക്രിക്കറ്റ് ബോര്‍ഡ് പറഞ്ഞുവെച്ചിട്ടുണ്ട്.