വിന്ഡീസിനെ എറിഞ്ഞൊതുക്കി
ആദ്യം ബാറ്റ് ചെയ്ത വിന്ഡീസിനെ തകര്പ്പന് ബൗളിങിലൂടെ ഇന്ത്യ എറിഞ്ഞൊതുക്കുകയായിരുന്നു. മുഴുവന് ഓവര് ക്രീസില് നില്ക്കാന് പോലും ഇന്ത്യന് ബൗളര്മാര് കരീബിയന് ടീമിനെ അനുവദിച്ചില്ല. 49.1 ഓവറില് 221 റണ്സിന് വിന്ഡീസ് ടീം കൂടാരത്തില് മടങ്ങിയെത്തി. 64 റണ്സോടെ പുറത്താവാതെ നിന്ന ഡെവോണ് തോമസാണ് വിന്ഡീസ് ടീമിന്റെ ടോപ്സ്കോറര്. ചന്ദര്പോള് ഹേംരാജ് 45 റണ്സ് നേടി.
ചഹര് മാജിക്ക്
പേസര് ദീപക് ചഹറിന്റെ മാജിക്കല് ബൗളിങാണ് വിന്ഡീസ് ബാറ്റിങ് നിരയുടെ നട്ടെല്ലൊടിച്ചത്. ഇന്ത്യക്കു വേണ്ടി ചഹര് അഞ്ചു വിക്കറ്റുകള് പോക്കറ്റിലാക്കി. 10 ഓവറില് രണ്ടടു മെയ്ഡനുള്പ്പെടെ 27 റണ്സ് മാത്രം വഴങ്ങിയാണ് താരം അഞ്ചു വിക്കറ്റ് പോക്കറ്റിലാക്കിയത്.
ക്രുനാല് പാണ്ഡ്യ, വിജയ് ശങ്കര്, ശര്ദ്ദുല് താക്കൂര് എന്നിവര്ക്കു ഓരോ വിക്കറ്റ് വീതം ലഭിച്ചു.
അനായാസം ഇന്ത്യ
വിന്ഡീസ് എ ടീം നല്കിയ 222 റണ്സെന്ന വിജയലക്ഷ്യം ഇന്ത്യക്കു ഒരിക്കലും ഭീഷണിയായിരുന്നില്ല. 38.1 ഓവറില് വെറും മൂന്നു വിക്കറ്റ് മാത്രം നഷ്ടത്തില് ഇന്ത്യ ലക്ഷ്യത്തിലേക്കു കുതിച്ചെത്തി.
ഓപ്പണര് മയാങ്ക് അഗര്വാളിന്റെ സെഞ്ച്വറിയാണ് ഇന്ത്യന് ജയം അനായാസമാക്കിയത്.
ഹീറോയായി മയാങ്ക്
മയാങ്കിന്റെ സൂപ്പര് ബാറ്റിങ് ഇന്ത്യയെ 40 ഓവറിനുള്ളില് ലക്ഷ്യത്തിലെത്തിക്കുകയായിരുന്നു. 112 റണ്സാണ് താരം നേടിയത്. 126 പന്തില് 11 ബൗണ്ടറികളും രണ്ടു സിക്സറുമുള്പ്പെട്ടതായിരുന്നു മയാങ്കിങിന്റെ ഇന്നിങ്സ്.
ശുഭ്മാന് ഗില്ലാണ് (58*) ഇന്ത്യയുടെ മറ്റൊരു പ്രധാന സ്കോറര്. 129 പന്തുകളില് അഞ്ചു ബൗണ്ടറികള് ഗില്ലിന്റെ ഇന്നിങ്സിലുണ്ടായിരുന്നു. പൃഥ്വി ഷാ 27 റണ്സെടുത്തു പുറത്തായി.