IND vs AFG: ജയിച്ചു തുടങ്ങാന്‍ ഗില്ലിന്റെ ഇന്ത്യ, ടോസ് 1 മണിക്ക്

ധരംശാല: ഇന്ത്യയും അഫ്ഗാനിസ്താനും തമ്മിലുള്ള ഏകദിന പരമ്പരയിലെ ഒന്നാമങ്കം ഇന്നു ധരംശാലയില്‍. ഉച്ചയ്ക്ക് 1.30 മുതലാണ് മല്‍സരം. ശുഭ്മന്‍ ഗില്ലിനു കീഴില്‍ വിജയത്തുടക്കം തന്നെയാവും ഇന്ത്യ ലക്ഷ്യമിടുന്നത്. പരിക്കു കാരണം വിരാട് കോലിയും ഹാര്‍ദിക് പാണ്ഡ്യയും ഈ പരമ്പരയില്‍ നിന്നും പിന്‍മാറിയിരിക്കുകയാണ്.

IND vs IRE: സഞ്ജുവും അഭിയും വൈഭവും ഇഷാനും ഒരുമിച്ച് കളിക്കും!! വേണ്ടത് ഈ മാറ്റം, കിടു 11

ഏകദിനത്തില്‍ ഇതുവരെ അഫ്ഗാനോടു തോറ്റിട്ടില്ലെന്ന റെക്കോര്‍ഡ് കാത്തുസൂക്ഷിക്കുകയെന്ന ലക്ഷ്യം കൂടി ഇന്ത്യക്കുണ്ടാവും.
ഇതുവരെ നാലു തവണയാണ് ഏകദിനത്തില്‍ ഇരുടീമുകളും ഏറ്റുമുട്ടിയത്. ഇതില്‍ മൂന്നെണ്ണത്തതില്‍ ഇന്ത്യ ജയിച്ചപ്പോള്‍ ഒരു മല്‍സരം ടൈയിലും കലാശിക്കുകയായിരുന്നു.

അടുത്ത വര്‍ഷം നടക്കാനിരിക്കുന്ന ഐസിസി ഏകദിന ലോകകപ്പിനുള്ള തയ്യാറെടുപ്പിനാവും ഈ പരമ്പരയില്‍ ഇന്ത്യ തുടക്കമിടുന്നത്. ഏറ്റവും മികച്ച ടീം കോമ്പിനേഷന്‍ കണ്ടെത്തുന്നതിനൊപ്പം ടീമിന്റെ കരുത്തും ദൗര്‍ബല്യവുമെല്ലാം കണ്ടെത്താനും ഇനിയുള്ള മല്‍സരങ്ങള്‍ ഇന്ത്യയെ സഹായിക്കും.

സാധ്യതാ 11

ഇന്ത്യ- ശുഭ്മന്‍ ഗില്‍ (ക്യാപ്റ്റന്‍), രോഹിത് ശര്‍മ, ഇഷാന്‍ കിഷന്‍, ശ്രേയസ് അയ്യര്‍, കെ എല്‍ രാഹുല്‍ (വിക്കറ്റ് കീപ്പര്‍), നിതീഷ് റെഡ്ഡി, വാഷിംഗ്ടണ്‍ സുന്ദര്‍, കുല്‍ദീപ് യാദവ്, അര്‍ഷ്ദീപ് സിംഗ്, പ്രസിദ്ധ് കൃഷ്ണ, ഗുര്‍ണൂര്‍ ബ്രാര്‍/പ്രിന്‍സ് യാദവ്.

അഫ്ഗാനിസ്താന്‍- റഹ്മാനുള്ള ഗുര്‍ബാസ്, ഇബ്രാഹിം സദ്രാന്‍, സെദിഖുള്ള അതെല്‍, റഹ്മത്ത് ഷാ, ഹഷ്മത്തുള്ള ഷാഹിദി (ക്യാപ്റ്റന്‍), ഇക്രം അലിഖില്‍ (വിക്കറ്റ് കീപ്പര്‍), അസ്മത്തുള്ള ഒമര്‍സായി, മുഹമ്മദ് നബി, റാഷിദ് ഖാന്‍, അല്ലാ ഗസന്‍ഫര്‍, ബിലാല്‍ സാമി/മുഹമ്മദ് സലീം.