ധോണിയുടെ ഭാവി... ഇനി ഇന്ത്യക്കു വേണോ? വസീം ജാഫറിന്‍റെ അഭിപ്രായം ഇങ്ങനെ

ധോണിയുടെ ഫോം, ഫിറ്റ്‌നസ്

ധോണി മികച്ച ഫോമിലും ഫിറ്റുമാണെങ്കില്‍ ഇന്ത്യക്കു ഒഴിവാക്കാന്‍ സാധിക്കില്ലെന്നു ജാഫര്‍ ചൂണ്ടിക്കാട്ടി. ധോണി തീര്‍ച്ചയായും ടീമിനു മുതല്‍ക്കൂട്ടാണ്. വിക്കറ്റ് കീപ്പറായി അദ്ദേഹം കളിച്ചാല്‍ അത് കെഎല്‍ രാഹുലിന്റെ സമ്മര്‍ദ്ദം കുറയ്ക്കുകയും ചെയ്യും. ബാറ്റിങിലും ധോണിയുടെ സേവനം ഇന്ത്യക്കു കരുത്തേകും. ഇടം കൈയന്‍ താരം ടീമില്‍ വേണമെങ്കില്‍ റിഷഭ് പന്തിനെ ബാറ്റ്‌സ്മാനായും ഇന്ത്യക്കു ഉള്‍പ്പെടുത്താമെന്നു ജാഫര്‍ ട്വിറ്ററില്‍ കുറിച്ചു.

ധോണി വേണ്ടെന്ന് സെവാഗ്

ധോണിയെ ഇന്ത്യക്കു നിലവില്‍ ആവശ്യമുണ്ടെന്നു തനിക്കു തോന്നുന്നില്ലെന്നാണ് മുന്‍ വെടിക്കെട്ട് ഓപ്പണര്‍ വീരേന്ദര്‍ സെവാഗ് അഭിപ്രായപ്പെട്ടത്. കെഎല്‍ രാഹുലും റിഷഭ് പന്തും ടീമിലുള്ളപ്പോള്‍ ധോണി ടീമില്‍ ആവശ്യമില്ലെന്നും സെവാഗ് ചൂണ്ടിക്കാട്ടിയിരുന്നു. അടുത്തിടെ ടീമിന്റെ വിക്കറ്റ് കീപ്പര്‍ കൂടിയായി മാറിയ രാഹുല്‍ മിന്നുന്ന പ്രകടനമാണ് നടത്തിക്കൊണ്ടിരിക്കുന്നത്. നിലവിലെ സാഹചര്യത്തില്‍ ധോണി ടീമിന് അധികപ്പറ്റായി മാറുമെന്നും സെവാഗ് അഭിപ്രായപ്പെട്ടിരുന്നു.

ധോണി ടീമില്‍ വേണമെന്ന് ചോപ്ര

ഐപിഎല്‍ നടന്നാലും ഇല്ലെങ്കിലും അതു ധോണിയെ ബാധിക്കില്ലെന്നും അദ്ദേഹം ടീമില്‍ തിരിച്ചെത്തണമെന്നാണ് തന്റെ അഭിപ്രായമെന്നും കഴിഞ്ഞ ദിവസം മുന്‍ ഓപ്പണറും പ്രമുഖ കമന്റേറ്ററുമായ ആകാശ് ചോപ്ര വ്യക്തമാക്കിയിരുന്നു.
ധോണിയെപ്പോലൊരാള്‍ക്കു ടീമിലേക്കു മടങ്ങി വരാന്‍ ഐപിഎല്ലിന്റെ സഹായം ആവശ്യമില്ല. തിരിച്ചുവരണമെന്ന് ആഗ്രഹിക്കുന്നുണ്ടെങ്കില്‍ അദ്ദേഹം ഇക്കാര്യം അധികൃതരെ അറിയിക്കും. സെലക്ടര്‍മാര്‍ തീരുമാനിച്ചാല്‍ ധോണി വീണ്ടും ഇന്ത്യക്കായി കളിക്കുമെന്നും ചോപ്ര പറഞ്ഞിരുന്നു.