കോലിയെ പിന്തള്ളി പൂജാര 2ൽ, അശ്വിനെ പിന്തള്ളി ജഡേജ 1ൽ.. ഐസിസി റാങ്കിംഗില്‍ ഇന്ത്യന്‍ താരോദയങ്ങൾ!!!

പൂജാര അറ്റ് ബെസ്റ്റ്

മൂന്നാം ടെസ്റ്റില്‍ ഇരട്ടസെഞ്ചുറിയുമായി ഇന്ത്യന്‍ ഇന്നിംഗ്‌സിനെ മുന്നോട്ട് നയിച്ച ചേതേശ്വര്‍ പൂജാര വിരാട് കോലിയെ പിന്തള്ളി ഐ സി സി റാങ്കിംഗില്‍ രണ്ടാം സ്ഥാനത്തെത്തി. പൂജാരയുടെ കരിയര്‍ ബെസ്റ്റ് റാങ്കാണ് ഇത്. 861 പോയിന്റാണ് പൂജാരയ്ക്കുള്ളത്.

ജഡേജ ഒന്നാമന്‍

റാഞ്ചിയിലെ മിന്നും പ്രകടനത്തോടെ ഓള്‍റൗണ്ടര്‍ രവീന്ദ്ര ജഡേജ ഐ സി സി റാങ്കിംഗില്‍ ഏറ്റവും മികച്ച ബൗളറായി. ഈ ടെസ്റ്റിന് മുമ്പ് രവിചന്ദ്രന്‍ അശ്വിനൊപ്പം ഒന്നാം റാങ്ക് പങ്കിടുകയായിരുന്നു ജഡ്ഡു. മൂന്നാം ടെസ്റ്റിലെ 9 വിക്കറ്റുകള്‍ ജഡേജയ്ക്ക് ഏഴ് പോയിന്റുകള്‍ നേടിക്കൊടുത്തു.

വിരാട് കോലി ഫോമൗട്ട്

ഓസ്‌ട്രേലിയയ്‌ക്കെതിരായ ടെസ്റ്റ് പരമ്പരയില്‍ ദയനീയ ഫോം തുടരുന്ന വിരാട് കോലിക്ക് ഐ സി സി റാങ്കിംഗില്‍ സ്ഥാനമൊന്നും നഷ്ടപ്പെട്ടില്ല എന്ന് ആശ്വസിക്കാം. ഫോമൗട്ടായ കോലി നാലാം സ്ഥാനത്ത് തുടരുകയാണ്. ആറാമതായിരുന്നു പൂജാര കോലിയെ മറികടന്നാണ് രണ്ടിലെത്തിയത്.

കുലുക്കമില്ലാതെ അശ്വിനും

ജഡേജ മുന്നോട്ട് കയറിയപ്പോള്‍ അശ്വിന്‍ സ്വാഭാവികമായും രണ്ടാം സ്ഥാനത്തായി. റാഞ്ചി ടെസ്റ്റില്‍ അശ്വിന്‍ അത്ര മികച്ച പ്രകടനമല്ല പുറത്തെടുത്തത്. റാങ്കിംഗില്‍ നഷ്ടമുണ്ടായില്ലെങ്കിലും അശ്വിന് 30 പോയിന്റുകള്‍ നഷ്ടമായി.

സ്മിത്ത് ഒന്നാമന്‍

ബാറ്റിംഗ് റാങ്കിംഗില്‍ ഓസ്‌ട്രേലിയന്‍ ക്യാപ്റ്റന്‍ സ്റ്റീവ് സ്മിത്ത് ഒന്നാം സ്ഥാനത്ത് തുടരുന്നു. ജോ റൂട്ട് മൂന്നാമതും വില്യംസന്‍ അഞ്ചാമതുമാണ്. പാകിസ്താന്‍ താരങ്ങളായ അസ്ഹര്‍ അലി, യൂനിസ് ഖാന്‍ എന്നിവരാണ് പിന്നാലെ.