Click it and Unblock the Notifications
എന്തൊരു ഇന്നിങ്സ്
അവിസ്മരണീയ ഇന്നിങ്സെന്നാണ് സ്മിത്തിന്റെ പ്രകടനത്തെ പോണ്ടിങ് വിശേഷിപ്പിച്ചത്. കളിക്കളത്തില് സ്വയം അര്പ്പിച്ച് ഒരിക്കല്ക്കൂടി സ്മിത്ത് കളിക്കുന്നതാണ് കണ്ടത്. എതിരാളിക്കു വിക്കറ്റ് നല്കുന്ന ഒരു പിഴവും അദ്ദേഹം വരുത്തിയില്ല. കളിയില് സ്മിത്തിന്റെ ഏകാഗ്രതയെ അവിശ്വസനീയമെന്നു മാത്രമേ വിശേഷിപ്പിക്കാനാവുകയുള്ളൂവെന്നും പോണ്ടിങ് വിശദമാക്കി.
എല്ബിഡബ്യുവായി മടക്കം
അവസാനമായി കളിച്ച 99 ഇന്നിങ്സുകളില് വെറും ഒമ്പത് തവണ മാത്രമാണ് സ്മിത്ത് എല്ബിഡബ്ല്യുവായി പുറത്തായിട്ടുള്ളതെന്നു പോണ്ടിങ് ചൂണ്ടിക്കാട്ടി. അതുകൊണ്ടു തന്നെ സ്ട്രെയ്റ്റായി ബൗള് ചെയ്താല് സ്മിത്തിനെ പുറത്താക്കുക ദുഷ്കരമാണെന്നാണ് ഇത് തെളിയിക്കുന്നത്. ഓഫ് സ്റ്റംപിന് പുറത്തേക്കു പോവുന്ന പന്തുകളെറിഞ്ഞ് സ്മിത്തിനെ ഷോട്ട് കളിക്കാന് നിര്ബന്ധിതനാക്കിയാല് മാത്രമേ വിക്കറ്റ് വീഴ്ത്താന് കഴിയുകയുള്ളൂവെന്നും പോണ്ടിങ് വിശദമാക്കി.
മുന്നില് ബ്രാഡ്മാന് മാത്രം
ഇംഗ്ലണ്ടിനെതിരേ ടെസ്റ്റിലെ സെഞ്ച്വറികളുടെയും ഡബിള് സെഞ്ച്വറികളുടെയും കണക്കുകള് പരിശോധിക്കുകയാണെങ്കില് മുന് ഓസീസ് ഇതിഹാസം ഡോണ് ബ്രാഡ്മാന് മാത്രമേ സ്മിത്തിനു മുന്നിലുള്ളൂവെന്നു പോണ്ടിങ് പറഞ്ഞു. ഇംഗ്ലണ്ടിനെതിരേ ബ്രാഡ്മാന്റെ ബാറ്റിങ് ശരാശരി 99.94 ആയിരുന്നെങ്കില് സ്മിത്തിന്റേത് 64.64 ആണ്.
ബ്രാഡ്മാനും സ്മിത്തിനും തമ്മിലുള്ള അകലം കുറഞ്ഞു കൊണ്ടിരിക്കുകയാണന്നാണ് ചില ഓസ്ട്രേലിയന് മാധ്യമങ്ങളും ചൂണ്ടിക്കാട്ടുന്നത്.
പുകഴ്ത്തി മാധ്യമങ്ങള്
ആഷസിലെ നാലാം ടെസ്റ്റിലെ ഡബിള് സെഞ്ച്വറി പ്രകടനത്തോടെ സ്മിത്തിനെ പ്രശംസിക്കുകയാണ് ഓസ്ട്രേലിയന് മാധ്യമങ്ങള്. ബ്രാഡ്മാനൊപ്പം പേര് ചേര്ക്കുകയല്ല, മറിച്ച് ബ്രാഡ്മാന്റെ പേരിന്റെ സ്ഥാനത്ത് സ്മിത്തിന്റെ പേര് കൊടുക്കേണ്ട സ്ഥിതിയിലേക്കാണ് കാര്യങ്ങള് പോവുന്നതെന്നു ഓസ്ട്രേലിയയിലെ സീനിയര് ക്രിക്കറ്റ് ലേഖകനായ ഗിഡിയോണ് ഹെയ്ഗ് എഴുതുന്നു.
Continue with Google