Click it and Unblock the Notifications
' ഞാന് നേരിട്ടിട്ടുള്ളതില് ഏറ്റവും പ്രതിഭാശാലിയായ ബൗളറാണ് സഹീര് ഖാന്. പ്രത്യേകിച്ച് ഇടം കൈയന് പേസര്മാരില്. നന്നായി സ്വിങ് ചെയ്യിക്കാനും പന്തിന്റെ വേഗതയില് നിയന്ത്രണം കൊണ്ടുവരാനും അസാമാന്യ കഴിവുണ്ട്. റിവേഴ്സ് സ്വിങ് നന്നായി ചെയ്യുന്ന ബൗളര്മാരിലൊരാളാണവന്. നിരവധി അവസരങ്ങളില് എനിക്കെതിരേ അവന് ആധിപത്യം നേടിയിട്ടുണ്ട്. എന്റെ കരിയറില് കണ്ട മികച്ച ബൗളര്മാരിലൊരാളാണവന്. ഞാന് നേരിട്ടതിലെ ഏറ്റവും മികച്ചവരില് ഒരാള്'- സ്മിത്ത് പറഞ്ഞു. ഐപിഎല്ലില് രാജസ്ഥാന് റോയല്സിനായി കളിച്ചിട്ടുള്ള താരമാണ് സ്മിത്ത്.
ഇടം കൈയനായിരുന്നു സ്മിത്തും. ഓഫ് സ്റ്റംപിനോട് ചേര്ന്നെത്തുന്ന സഹീറിന്റെ ഇന്സ്വിങ്ങറുകളും ഔട്ട് സ്വിങ്ങറുകളും പല തവണ സ്മിത്തിന്റെ കണക്കുകൂട്ടലുകള് തെറ്റിച്ചിട്ടുണ്ട്. മിന്നല് യോര്ക്കറും സ്വിങ്ങിങ് യോര്ക്കറുകളുമെല്ലാം കൃത്യമായി ലക്ഷ്യത്തിലെത്തിക്കുന്ന സഹീര് ന്യൂബോളിലും ഡെത്ത് ഓവറിലും ഒരുപോലെ തിളങ്ങുന്നവരിലൊരാളാണ്. സ്മിത്തിന്റെ കാലത്തുണ്ടായിരുന്ന ഒട്ടുമിക്ക സൂപ്പര് ബാറ്റ്സ്മാന്മാരെയും പ്രയാസപ്പെടുത്താന് സഹീറിന് സാധിച്ചിരുന്നു.
ഇന്ത്യക്കായി 92 ടെസ്റ്റില് നിന്ന് 311 വിക്കറ്റും 200 ഏകദിനത്തില് നിന്ന് 282 വിക്കറ്റും 17 ടി20യില് നിന്ന് 17 വിക്കറ്റും സഹീര് വീഴ്ത്തിയിട്ടുണ്ട്. ടെസ്റ്റില് 11തവണ അഞ്ച് വിക്കറ്റ് പ്രകടനവും ഒരു തവണ 10 വിക്കറ്റ് പ്രകടനവും നടത്തിയ സഹീര് ഏകദിനത്തില് ഒരു തവണ മാത്രമാണ് അഞ്ച് വിക്കറ്റ് പ്രകടനം നടത്തിയത്. 2011ല് ഏകദിന ലോകകപ്പ് കിരീടം നേടിയ ഇന്ത്യന് ടീമിലെ നിര്ണ്ണായക ഘടകമായിരുന്നു സഹീര് ഖാന്.
ഐപിഎല്ലിലും മികച്ച റെക്കോഡ് സഹീറിന്റെ പേരിലുണ്ട്. 100 ഐപിഎല്ലില് നിന്ന് 102 വിക്കറ്റാണ് അദ്ദേഹം നേടിയത്. 7.59 ആണ് ഇക്കോണമി. ആര്സിബി, ഡല്ഹി ക്യാപിറ്റല്സ്, മുംബൈ ഇന്ത്യന്സ് ടീമുകള്ക്കായെല്ലാം കളിച്ചിട്ടുള്ള സഹീര് നിലവില് മുംബൈ ഇന്ത്യന്സ് ടീമിന്റെ ഡയറക്ട് ഓഫ് ക്രിക്കറ്റാണ്. സഹീറിന്റെ ബൗളിങ് പ്രകടനത്തെപ്പോലെ തന്നെ അദ്ദേഹത്തിന്റെ ബൗളിങ് ആക്ഷനും വലിയ ആരാധക പിന്തുണയുണ്ട്. ഉയര്ന്ന് ചാടിയുടെ സഹീറിന്റെ ആക്ഷന് ഒരു കാലത്ത് ആരാധകരെ വലിയ ആവേശം കൊള്ളിച്ചിരുന്നു.
Continue with Google