Click it and Unblock the Notifications
വലിയ കണ്ടെത്തല്
ടെസ്റ്റില് യഥാര്ഥത്തില് ഓപ്പണറെന്ന നിലയില് ഇന്ത്യയെ സംബന്ധിച്ച് വലിയ കണ്ടെത്തലായി രോഹിത് മാറിയിരിക്കുകയാണെന്നു ഗവാസ്കര് ചൂണ്ടിക്കാട്ടി. നിശ്ചിത ഓവര് ക്രിക്കറ്റില് അദ്ദേഹത്തിന്റെ ബാറ്റിങ് പ്രകടനങ്ങള് നമ്മള് കണ്ടതും നമുക്ക് അറിയുന്നതുമാണ്. എന്നാല് ടെസ്റ്റില് രോഹിത്തിന് റണ്സ് കണ്ടെത്താന് കഴിയുമോയെന്ന കാര്യത്തില് നമുക്ക് ഉറപ്പില്ലായിരുന്നു. പക്ഷെ മികച്ച പ്രകടനത്തിലൂടെ തന്നെ സംശയിച്ചവര്ക്കുള്ള മറുപടിയാണ് രോഹിത് നല്കുന്നതെന്ന് ഗവാസ്കര് വ്യക്തമാക്കി.
ഇനിയുമൊരുപാട് പ്രതീക്ഷിക്കാം
രോഹിത്തില് നിന്നും ടെസ്റ്റ് ക്രിക്കറ്റില് ഇന്ത്യക്കു ഇനിയുമൊരു പാട് പ്രതീക്ഷിക്കാമെന്ന് ഗവാസ്കര് പറഞ്ഞു. ടെസ്റ്റില് ഓപ്പണറായി ലഭിച്ച അവസരങ്ങള് നന്നായി മുതലെടുക്കാന് രോഹിത്തിനു സാധിച്ചു. ടെസ്റ്റിലും ഓപ്പണറായി റണ്സെടുക്കാന് തനിക്കാവുമെന്ന് അദ്ദേഹം കാണിച്ചുതന്നു.
ടെസ്റ്റില് ബാറ്റ് ചെയ്യാന് ക്രീസിലെത്തിയാല് പതിയെ ഇന്നിങ്സ് തുടങ്ങിയ ശേഷം പിന്നീട് വേഗം കൂട്ടുന്നതാണ് രോഹിത്തിന്റെ ശൈലി. ഇന്ത്യക്കു വേണ്ടി ഇനിയുമൊരുപാട് സംഭാവന ചെയ്യാന് ഈ ശൈലി അദ്ദേഹത്തെ സഹായിക്കുമെന്നാണ് താന് കരുതുന്നതെന്നു ഗവാസ്കര് കൂട്ടിച്ചേര്ത്തു.
സ്പിന്നിനെതിരേ ബെസ്റ്റ്
ഇന്ത്യന് ടീമില് നിലവില് സ്പിന് ബൗളിങിനെതിരേ ഏറ്റവും നന്നായി കളിക്കുന്നത് രോഹിത്താണെന്നാണ് തനിക്കു തോന്നുന്നതെന്നു ഗവാസ്കര് പറഞ്ഞു. മറ്റുള്ള പലരും ചേര്ന്നാലും രോഹിത്തിനോളം വരില്ല. രോഹിത്തിന്റെ വിരലുകളില് അത്രയേറെ പ്രതിഭാസ്പര്ശമുണ്ടെന്നും ഗവാസ്കര് പുകഴ്ത്തി.
ഇംഗ്ലണ്ടിനെതിരായ ടെസ്റ്റ് പരമ്പരയില് ഇന്ത്യക്കു വേണ്ടി കൂടുതല് റണ്സ് നേടിയത് രോഹിത്തായിരുന്നു. 57.50 ശരാശരിയില് 345 റണ്സാണ് അദ്ദേഹം അടിച്ചെടുത്തത്.
Continue with Google