Click it and Unblock the Notifications
അരങ്ങേറ്റം രാജകീയം
കെനിയയില് നടന്ന ഐ സി സി നോക്കൗട്ട് ട്രോഫിയുടെ ക്വാര്ട്ടര്ഫൈനലിലാണ് യുവരാജ് ഇന്ത്യക്ക് വേണ്ടി ആദ്യമായി ബാറ്റേന്തിയത്. അതും ഗ്ലെന് മക്ഗ്രാത്തിന്റെ നേതൃത്വത്തിലുള്ള ഓസീസ് ബൗളിംഗിനെതിരെ. 80 പന്തില് 84 റണ്സുമായി യുവരാജ് അന്ന് കളിച്ചത് ഒരു യുവരാജിന്റെ ഇന്നിംഗ്സ്. മാന് ഓഫ് ദ മാച്ച് ആരെന്നതിന് രണ്ടുത്തരം ഉണ്ടായിരുന്നില്ല.
നാറ്റ് വെസ്റ്റ് ഫൈനല്
രണ്ടേ രണ്ട് വര്ഷങ്ങള്ക്ക് ശേഷം, സൗരവ് കുപ്പായമൂരി വീശി അനശ്വരമാക്കിയ ലോര്ഡ്സിലെ ആ നാറ്റ് വെസ്റ്റ് ഫൈനല്. 326 റണ്സ് ജയിക്കാന് വേണ്ട ഇന്ത്യ 146/5 എന്ന നിലയില് ചുരുങ്ങി. അവിടെ നിന്നും യുവരാജും കൈഫും ചേര്ന്ന് ഇന്ത്യയെ വിജയത്തിലെത്തിച്ചു. തകര്പ്പന് ഫിഫ്റ്റിയോടെ കളി തിരിച്ചതും യുവി തന്നെ
ബ്രോഡിന് മേല് താണ്ഡവം
2007 ലെ സൗത്താഫ്രിക്ക ലോകകപ്പ്. ട്വന്റി 20 ക്രിക്കറ്റില് ഒരോവറില് 6 സിക്സറുകള് അടിക്കുന്ന ഏക താരം എന്ന പേര് യുവരാജ് സ്വന്തമാക്കി. ഇംഗ്ലണ്ടിന്റെ മുന്നിര ഫാസ്റ്റ് ബൗളര് സ്റ്റുവര്ട്ട് ബ്രോഡിനെ ഒരോവറില് യുവരാജ് പറത്തിയത് 6 സിക്സറുകള്. 12 പന്തില് ഫിഫ്റ്റി.
തൊട്ടുപിന്നാലെ വീണ്ടും
സെമിഫൈനലില് ഓസ്ട്രേലിയയ്ക്കെതിരെ 30 പന്തില് 70 റണ്സടിച്ച് യുവരാജ് ഇന്ത്യയെ വീണ്ടും ജയിപ്പിച്ചു.
ലോകകപ്പ് 2011
ലോകകപ്പില് 362 റണ്സും 15 വിക്കറ്റുകളും നേടിയ യുവരാജ് മാന് ഓഫ് ദ സീരിസായി. ഇന്ത്യയക്ക് ലോകകപ്പും. അണ്ടര് 19, ട്വന്റി 20, ഏകദിനം... യുവരാജിന്റെ മൂന്നാമത്തെ ലോകകപ്പായിരുന്നു അത്.
Continue with Google