Click it and Unblock the Notifications
ഗാംഗുലി ഇന്ത്യയുടെ ക്യാപ്റ്റനാവുന്നതിന് മുമ്പ് ഇന്ത്യന്‍ ടീം ഇങ്ങനെ ആയിരുന്നില്ല. വളരെ നൈസ് ടീമായിരുന്നു അവര്‍. മുഹമ്മദ് അസ്ഹറുദ്ദീന്‍, ജവഗല്‍ ശ്രീനാഥ് എന്നിവരടങ്ങുന്ന മഹാന്‍മാരായ താരങ്ങള്‍ നേരത്തേ ഇന്ത്യക്കുണ്ടായിരുന്നു.
ഗുഡ് മോണിങ്, നിങ്ങള്‍ എങ്ങനെയിരിക്കുന്നു? എന്നൊക്കെ ചോദിക്കുന്ന പ്രകൃതമായിരുന്നു ഗാംഗുലി വരും മുമ്പ് ഇന്ത്യന്‍ ടീമിന് ഉണ്ടായിരുന്നത്. അത്രയും പാവത്താന്‍മാരും സന്തോഷത്തോടെ ഇരിക്കുന്ന പ്രകൃതവുമായിരുന്നു ഇന്ത്യയുടേത്.
എന്നാല്‍ ഗാംഗുലി അവരെ അടിമുടി മാറ്റിയെടുത്തു. എതിരാളികളുമായി യുദ്ധം ചെയ്യാന്‍ ശേഷിയുള്ള, അറ്റാക്കിങ് മൈന്‍ഡോടു കൂടിയ കടുപ്പമേറിയ ഒരു സംഘത്തെ ദാദ വാര്‍ത്തെടുത്തുവെന്നും ഹുസൈന്‍ വിശദമാക്കി.
നിലവിലെ ഇന്ത്യന്‍ നായകന്‍ കോലിയെയും ഹുസൈന്‍ പ്രശംസിച്ചു. ഫിറ്റ്‌നസിന്റെ കാര്യത്തില്‍ ഇന്ത്യന്‍ ടീമിന്റെ ഇതുവരെയുള്ള സംസ്‌കാരത്തെ തന്നെ ഉടച്ചു വാര്‍ക്കുകയാണ് കോലി ചെയ്തതെന്നു അദ്ദേഹം അഭിപ്രായപ്പെട്ടു.
മികച്ച രീതിയിലാണ് കോലി ഇന്ത്യയെ മുന്നോട്ടു കൊണ്ടു പോവുന്നത്. ഇപ്പോഴത്തെ ടീമിന്റെ ഫിറ്റ്‌നസ് നിലവാരം, സംസ്‌കാരത്തില്‍ വന്ന മാറ്റം, വിജയത്തോടുള്ള ആര്‍ത്തി എന്നിവയ്ക്കെല്ലാം കാരണം കോലിയാണെന്നും ഹുസൈന്‍ ചൂണ്ടിക്കാട്ടി.
നിലവിലെ തലമുറയിലെ ക്യാപ്റ്റന്‍മാരില്‍ ന്യൂസിലാന്‍ഡ് നായകന്‍ കെയ്ന്‍ വില്ല്യംസണാണ് തന്റെ ഫേവറിറ്റെന്നു ഹുസൈന്‍ വ്യക്തമാക്കി. ക്രിക്കറ്റിന്റെ മികച്ച അംബാസഡറാണ് കെയ്‌നെന്നും അദ്ദേഹം പറഞ്ഞു.
കെയ്‌നിനെ ഇപ്പോഴത്തെ ക്യാപ്റ്റന്‍മാരില്‍ ഏറ്റവും കേമനായി താന്‍ ചൂണ്ടിക്കാണിക്കാനുള്ള കാരണം അദ്ദേഹം ക്രിക്കറ്റിന്റെ മികച്ച അംബാസഡര്‍ ആണെന്നതാണ്. നിലവില്‍ അവരുടെ ടീമിന്റെ പ്രകടനവും, നാട്ടിലെ റെക്കോര്‍ഡുമെല്ലാം കെയ്‌നിന്റെ പ്രതിഭയ്ക്കു അടിവരയിടുന്നു. അടുത്തിടെ ഇന്ത്യയും ഇംഗ്ലണ്ടുമെല്ലാം നാട്ടില്‍ കിവികളുടെ കരുത്തറിഞ്ഞു.
കഴിഞ്ഞ ലോകകപ്പ് ഫൈനലില്‍ ഇംഗ്ലണ്ടിനോടു ന്യൂസിലാന്‍ഡ് പരാജയപ്പെട്ട ശേഷം കെയ്‌നിന്റെ പ്രതികരണം എല്ലാവരും കണ്ടതാണ്. പ്ലെയര്‍ ഓഫ് ദി ടൂര്‍ണമെന്റായി തിരഞ്ഞെടുക്കപ്പെട്ടിട്ടും സ്വയം വില കുറച്ചാണ് അദ്ദേഹം പെരുമാറിയത്. ക്രിക്കറ്റിനെയും സ്വയവും കെയ്ന്‍ വളരെ നല്ല രീതിയിലാണ് കൈകാര്യം ചെയ്യുന്നത്. ക്രിക്കറ്റിന്റെ മികച്ച അംബാസഡറായി ഇപ്പോള്‍ ചൂണ്ടിക്കാണിക്കാന്‍ അദ്ദേഹത്തേക്കാള്‍ മികച്ചൊരാളില്ലെന്നും ഹുസൈന്‍ പറഞ്ഞു.
