From Twitter: Jokes start after Ravindra Jadeja is dropped

ധാക്ക: ഒരു കളിക്കാരനെ പ്ലേയിംഗ് ഇലവനില്‍ നിന്നും പുറത്തിരുത്തുന്നത് പുതുമയുള്ള കാര്യമൊന്നുമല്ല. അത് പക്ഷേ സാധാരണക്കാരുടെ കാര്യത്തില്‍. സര്‍ രവീന്ദ്ര ജഡേജയെ ടീമില്‍ എടുത്തില്ലെങ്കില്‍ കഥ ഇതാകില്ല. മൈക്രോ ബ്ലോഗിങ് സൈറ്റായ ട്വിറ്ററില്‍ ജഡേജയുടെ പുറത്താകല്‍ ചര്‍ച്ചയായിരിക്കുകയാണ്.

ജഡേജയെ പുറത്താക്കിയതില്‍ നിരാശപ്പെട്ടവരാണ് കഥയുണ്ടാക്കുന്നത് എന്ന് കരുതേണ്ട. എല്ലാവരും അത് ആഘോഷിക്കുകയാണ്. മൂന്നാം ഏകദിനത്തിലാണ് ധോണി ജഡേജയെ പുറത്താക്കി പകരം സ്റ്റുവര്‍ട്ട് ബിന്നിയെ ടീമിലെടുത്തത്. ട്വിറ്റരാദികള്‍ ജഡേജയുടെ പുറത്താകലിനെ ട്രോളുന്നത് എങ്ങനെയെന്ന് നോക്കൂ...

ധോണിയും ജഡേജയും പിരിഞ്ഞു

ധോണി ജഡേജയെ സ്‌നേഹിക്കുന്നത് പോലെ എന്നെ സ്‌നേഹിക്കുന്ന ഒരു ഭര്‍ത്താവിനെയായിരുന്നു എനിക്ക് വേണ്ടിയിരുന്നത്. എന്നാല്‍ അവരും പിരിഞ്ഞു. ജഡേജ ഇന്ന് കളിക്കുന്നില്ല - തസീന്‍ മുഷ്താഖ് ട്വിറ്ററില്‍ എഴുതി.