ലോകകപ്പ്: കളിയാക്കുന്ന പാക് താരങ്ങളറിയട്ടെ... ടീം ഇന്ത്യക്ക് പാക് പിന്തുണയുണ്ട്!! അക്തര്‍ ഡാ

ഇന്ത്യയെ വിമര്‍ശിക്കരുത്

ലോകകപ്പില്‍ കിരീടമില്ലാതെ മടങ്ങേണ്ടി വന്നതിന്റെ പേരില്‍ ഇന്ത്യന്‍ ടീമിനെ വിമര്‍ശിക്കരുതെന്ന് അക്തര്‍ അഭ്യര്‍ഥിച്ചു. തന്റെ യൂട്യൂബ് ചാനലിലൂടെയാണ് അദ്ദേഹം ഇക്കാര്യം പറഞ്ഞത്.
ഇന്ത്യക്ക് അഭിനന്ദനങ്ങള്‍. നിങ്ങള്‍ മികച്ച പോരാട്ടമാണ് കാഴ്ചവച്ചത്. നിങ്ങള്‍ സ്വന്തം അഭിമാനമുയര്‍ത്തുകയാണ് ചെയ്തത്. ജഡേജയുടെ പ്രകടനം ഗംഭീരമായിരുന്നുവെന്നും അക്തര്‍ വിശദമാക്കി.

മുന്‍നിരയുടെ പ്രകടനം

ന്യൂസിലാന്‍ഡിനെതിരായ സെമി ഫൈനലില്‍ ആദ്യ അഞ്ചു സ്ഥാനക്കാരുടെയും മോശം ബാറ്റിങാണ് ഇന്ത്യക്കു തിരിച്ചടിയായത്. തകര്‍പ്പനൊരു പന്തിലാണ് രോഹിത് പുറത്തായത്. കോലിയാവട്ടെ നിര്‍ഭാഗ്യകരമായ രീതിയിലാണ് പുറത്തായത്.
കോലിക്കെതിരേ അംപയറുടെ തീരുമാനം ശരിയായിരുന്നുവെന്ന് തോന്നുന്നില്ല. ബെയ്ല്‍സിന് തൊട്ടുരുമ്മിയായിരുന്നു പന്ത് പോവേണ്ടിയിരുന്നത്. പക്ഷെ അംപയര്‍ എല്‍ബിഡബ്ല്യു വിധിക്കുകയായിരുന്നുവെന്നും അക്തര്‍ വിലയിരുത്തി.

ധോണിയുടെ പുറത്താവല്‍

മുന്‍നിര തുടക്കത്തില്‍ പുറത്തായ ശേഷം ക്രീസിലെത്തിയ മറ്റു ബാറ്റ്‌സ്മാന്‍മാരൊന്നും ദൃഢനിശ്ചയത്തോടെ കളിക്കാന്‍ ശ്രമിച്ചില്ല. രവീന്ദ്ര ജഡേജ ക്രീസിലെത്തിയതോടെയാണ് കളി മാറിയത്. ഗംഭീര ഇന്നിങായിരുന്നു ജഡേജയുടേത്. എംഎസ് ധോണിയും നല്ല പ്രകടനം നടത്തി. ജഡേജയ്ക്കു മികച്ച പിന്തുണയാണ് ധോണി നല്‍കിയത്.
സിക്‌സറാവേണ്ടിയിരുന്ന പന്തിലാണ് ജഡേജ നിര്‍ഭാഗ്യകരമായ രീതിയില്‍ പുറത്തായത്. ധോണിയുടെ റണ്ണൗട്ടും ഇന്ത്യക്ക് തിരിച്ചടിയായി. ധോണി അപ്പോള്‍ ഡൈവ് ചെയ്തിരുന്നെങ്കില്‍ ഔട്ടാവില്ലായിരുന്നു. ധോണി ക്രീസിലുണ്ടായിരുന്നെങ്കില്‍ അദ്ദേഹം ടീമിനെ ജയിപ്പിക്കുമായിരുന്നെന്നും അക്തര്‍ വിശദമാക്കി.