Click it and Unblock the Notifications
2008ല് നടന്ന ഐസിസിയുടെ അണ്ടര് 19 ലോകകപ്പില് ഇന്ത്യയെ ചാംപ്യന്മാരാക്കിയ ക്യാപ്റ്റനെന്ന നിലയിലാണ് കോലി ആദ്യമായി വാര്ത്തകളില് നിറയുന്നത്.
ഓസ്ട്രേലിയയില് 2008ല് എമേര്ജിങ് പ്ലെയേഴ്സ് ടൂര്ണമെന്റ് നടന്നിരുന്നു. ഇന്ത്യയെക്കൂടാതെ ഓസ്ട്രേലിയ, ദക്ഷിണാഫ്രിക്ക, ന്യൂസിലാന്ഡ് എന്നിവരുടെ എ ടീമുകളാണ് ടൂര്ണമെന്റില് പങ്കെടുത്തത്. ഇന്ത്യ അണ്ടര് 19 ലോകകപ്പില് ചാംപ്യന്മാരായ സമയമായിരുന്നു അത്. കോലിയായിരുന്നു ലോകകപ്പില് ഇന്ത്യയെ നയിച്ചത്. എമേര്ജിങ് ടൂര്ണമെന്റില് അണ്ടര് 23 താരങ്ങളെ കളിപ്പിക്കാമെന്നായിരുന്നു താനും കമ്മിറ്റിയിലെ മറ്റു പേരും തീരുമാനിച്ചതെന്നു വെങ്സാര്ക്കര് പറയുന്നു.
അന്നു ഇന്ത്യന് ടീമിന്റെ പരിശീലകന് ഗാരി കേസ്റ്റണും ക്യാപ്റ്റന് എംഎസ് ധോണിയുമായിരുന്നു. കോലിയുടെ ബാറ്റിങ് തങ്ങള് ഇതുവരെ കണ്ടിട്ടില്ലെന്നും അതുകൊണ്ടു തന്നെ നിലവിലെ ഇന്ത്യന് എ ടീമിനെ തന്നെ ഓസ്ട്രേലിയയിലേക്കു അയച്ചാല് മതിയെന്നുമായിരുന്നു ധോണിയും കേസ്റ്റണും അഭിപ്രായപ്പെട്ടത്.എന്നാല് കോലി ടീമില് വേണമെന്ന തീരുമാനത്തില് വെങ്സാര്ക്കര് ഉറച്ചു നിന്നു. ഇത് പിന്നീട് അദ്ദേഹത്തിന്റെ സ്ഥാനം തെറിക്കാനും ഇടയാക്കി.
കോലി സാങ്കേതികത്തികവുള്ള ബാറ്റ്സ്മാനാണെന്നു തനിക്കു ബോധ്യമായിരുന്നു. അതുകൊണ്ടു തന്നെ എമേര്ജിങ് കപ്പില് താരം ഇന്ത്യക്കായി കളിക്കുന്നത് നന്നായിരിക്കുമെന്നും തോന്നി. സെലക്ഷന് കമ്മിറ്റിയിലെ മറ്റ് അംഗങ്ങളും തീരുമാനത്തോടു യോജിച്ചു. എന്നാല് കോലി ടീമില് വേണ്ടെന്നും താരത്തിന്റെ പ്രകടനം ഇതുവരെ തങ്ങള് കണ്ടിട്ടില്ലെന്നുമാണ് ധോണിയും കേസ്റ്റണും അന്നു പറഞ്ഞത്.
നിങ്ങള് കണ്ടിട്ടില്ലെങ്കിലും കോലിയുടെ ബാറ്റിങ് താന് കണ്ടിട്ടുള്ളതായും അവനെതീര്ച്ചയായും ടീമില് ഉള്പ്പെടുത്തിയേ തീരൂവെന്ന് താന് ഉറപ്പിച്ചു പറഞ്ഞതായും വെങ്സാര്ക്കര് വെളിപ്പെടുത്തി.
Continue with Google