ധോണി മുമ്പ് നാണംകുണുങ്ങി, എപ്പോഴും മുറിക്കകത്ത് അടച്ചിരിക്കും!! മാറിയത് അതിനു ശേഷം- ഭാജി

ധോണിക്കൊപ്പം നിരവധി മല്‍സരങ്ങളില്‍ കളിച്ചിട്ടുണ്ട്. വെസ്റ്റ് ഇന്‍ഡീസ്, ശ്രീലങ്ക, ന്യൂസിലാന്‍ഡ്, ഓസ്‌ട്രേലിയ തുടങ്ങിയ രാജ്യങ്ങളില്‍ ഒന്നിച്ച് പര്യടനവും നടത്തിയിരുന്നു. വളരെ നാണംകുണുങ്ങിയായിരുന്നു എംഎസ്. ആദ്യകാലത്ത് എല്ലായ്‌പ്പോഴും അദ്ദേഹം മുറിക്കകത്തു തന്നെ ഇരിക്കും. അങ്ങനെ പുറത്തേക്കൊന്നും വരാറില്ലായിരുന്നു. എപ്പോഴും തന്നിലേക്ക് ഒതുങ്ങിക്കൂടാന്‍ ആഗ്രഹിക്കുന്നയാളായിരുന്നു എംഎസ്. അന്ന് സച്ചിന്‍, സഹീര്‍, നെഹ്‌റ, യുവരാജ് എന്നിവരും താനും ചേര്‍ന്നാണ് കറങ്ങാന്‍ പോയിരുന്നത്. എംഎസ് ഞങ്ങളുമായൊന്നും അത്ര കൂട്ട് കൂടിയിരുന്നില്ലെന്നും ഭാജി വെളിപ്പെടുത്തി.

2008ല്‍ ഇന്ത്യന്‍ ടീം ഓസ്‌ട്രേലിയയില്‍ പര്യടനം നടത്തിയിരുന്നു. ഈ പര്യടനത്തിലായിരുന്നു ധോണി ടീമിലെ മറ്റുള്ളവരുമായി കൂടുതല്‍ കൂട്ടാതയെന്നു ഹര്‍ഭജന്‍ പറയുന്നു. സിഡ്‌നിയില്‍ ഇന്ത്യയും ഓസീസും തമ്മിലുള്ള ടെസ്റ്റ് മല്‍സരമുണ്ടായിരുന്നു. അന്നാണ് ടീമിലെ എല്ലാവരും തമ്മില്‍ കൂടുതല്‍ അടുപ്പമുണ്ടായത്. ഞങ്ങള്‍ ഒറ്റക്കെട്ടാണെന്നു തോന്നിയത് അന്നു ഒരുമിച്ച് പങ്കിട്ട നിമിഷങ്ങളായിരുന്നു. അതിനു ശേഷമാണ് ധോണിയെ പതിയെ ഞങ്ങളുമായി കൂട്ട് കൂടാന്‍ തുടങ്ങിയത്. ഒരുമിച്ച് ഇരിക്കാനും എംഎസ് പലതും തുറന്നു പറയാനും തുടങ്ങിയത് അതിനു ശേഷമായിരുന്നുവെന്നും ഭാജി കൂട്ടിച്ചേര്‍ത്തു.

2008ലെ സിഡ്‌നി ടെസ്റ്റ് വിവാദങ്ങളുടെ പേരില്‍ ഏറെ ശ്രദ്ധിക്കപ്പെട്ടിരുന്നു. അംപയര്‍മാരുടെ ചില മോശം തീരുമാനങ്ങള്‍ കളിയുടെ നിറം കെടുത്തിയിരുന്നു. കൂടാതെ ഹര്‍ഭജനും ഓസ്‌ട്രേലിയയുടെ പ്രമുഖ ഓള്‍റൗണ്ടര്‍ ആന്‍ഡ്രു സൈമണ്ട്‌സും തമ്മിലുള്ള വാക്‌പോരും വാര്‍ത്തകളില്‍ നിറഞ്ഞിരുന്നു.
ഒട്ടേറെ വിവാദങ്ങള്‍ നിറഞ്ഞ ഈ ടെസ്റ്റില്‍ അനില്‍ കുംബ്ലെ നയിച്ച ഇന്ത്യന്‍ ടീം 122 റണ്‍സിന്റെ വമ്പന്‍ തോല്‍വിയുമേറ്റു വാങ്ങി. മൂന്നു മല്‍സരങ്ങളുടെ ടെസ്റ്റ് പരമ്പര ഓസീസ് 2-1ന് കൈക്കലാക്കുകയും ചെയ്തിരുന്നു.