Click it and Unblock the Notifications
ബിസിസിഐ, ആര്‍സിബി
അഭിനന്ദനങ്ങള്‍ വിരാട് കോലി, അനുഷ്‌ക ശര്‍മയെന്നായിരുന്നു ബിസിസിഐയുടെ ട്വിറ്റര്‍ അക്കൗണ്ടില്‍ പ്രത്യക്ഷപ്പെട്ടത്.
ഐപില്ലില്‍ കോലി നയിക്കുന്ന ടീമായ റോയല്‍ ചാലഞ്ചേഴ്‌സ് ബാംഗ്ലൂരും ഇരുവരെയും പ്രശ്‌സം കൊണ്ട് മൂടി. ജനുവരിയില്‍ വീട്ടിലേക്കു പുതിയ അതിഥി വരുന്നതില്‍ വിരാട് കോലിക്കും അനുഷ്‌ക ശര്‍മയ്ക്കും അഭിനന്ദനങ്ങള്‍. ഞങ്ങളെ ഇതിനേക്കാള്‍ ആവേശം കൊള്ളിക്കുന്ന മറ്റൊന്നില്ല. ആഹ്ലാദത്തോടെയിരിക്കുന്ന ഈ ജോടികള്‍ക്കു ആശംസയറിയിക്കാന്‍ ലൗ ഇമോജി ഇടൂയെന്നായിരുന്നു ആര്‍സിബി ട്വീറ്റ് ചെയ്തത്.
ഗെയ്ല്‍, ഡുപ്ലെസി
ഐപിഎല്ലില്‍ കോലിക്കൊപ്പം നിരവധി സീസണുകളില്‍ കളിച്ചിട്ടുള്ള വെസ്റ്റ് ഇന്‍ഡീസിന്റെ ഇതിഹാസ ബാറ്റ്‌സ്മാന്‍ ക്രിസ് ഗെയ്ല്‍ ട്വിറ്ററിലൂടെ അഭിനന്ദനമറിയിച്ചു. അഭിനന്ദനങ്ങള്‍ കാക്കയെന്നായിരുന്നു ഗെയ്ല്‍ ട്വീറ്റ് ചെയ്തത്.
ഇതിനു തൊട്ടു താഴെയുള്ള അഭിനന്ദനം ദക്ഷിണാഫ്രിക്കയുടെ സ്റ്റാര്‍ ബാറ്റ്‌സ്മാനും മുന്‍ ക്യാപ്റ്റനുമായ ഫഫ് ഡുപ്ലെസിയുടേതായിരുന്നു. അഭിനന്ദനങ്ങള്‍ ബ്രോയെന്നായിരുന്നു ഡുപ്ലെസി കുറിച്ചത്.
ഹര്‍ഭജന്‍, ഇഷാന്ത്, ക്രുനാല്‍
ഇന്ത്യയുടെ വെറ്ററന്‍ സ്പിന്നര്‍ ഹര്‍ഭജന്‍ സിങും ഇരുവരെയും അഭിനന്ദിച്ചു. രണ്ടു പേര്‍ക്കും അഭിനന്ദനങ്ങള്‍ എന്നായിരുന്നു പാല്‍കുപ്പിയുടെയും ലൗവിന്റെയും ഇമോജിയൊപ്പം ഭാജി ട്വീറ്റ് ചെയ്തത്.
ഇന്ത്യന്‍ ഓള്‍റൗണ്ടര്‍ ക്രുനാല്‍ പാണ്ഡ്യ കുറിച്ചത് അഭിനന്ദനങ്ങള്‍ വിരാട് കോലി, അനുഷ്‌ക ശര്‍മയെന്നായിരുന്നു.
ഇന്ത്യന്‍ ടെസ്റ്റ് ടീമിലെ സ്ഥിരം സാന്നിധ്യമായ പേസര്‍ ഇഷാന്ത് ശര്‍മയുടെ ട്വീറ്റ് രണ്ടു പേര്‍ക്കും ഒരുപാട് അഭിനന്ദനങ്ങളെന്നായിരുന്നു.
ചഹല്‍, ധവാന്‍, ജുലാന്‍ ഗോസ്വാമി
അഭിനന്ദനങ്ങള്‍ ഭയ്യാ, ഭാഭിയെന്നായിരുന്നു ഇന്ത്യന്‍ നിശ്ചിത ഓവര്‍ ടീമില്‍ അംഗമായ യുവ സ്പിന്നര്‍ യുസ്വേന്ദ്ര ചഹല്‍ ട്വീറ്റ് ചെയ്തത്.
അഭിനന്ദനങ്ങള്‍, രണ്ടു പേര്‍ക്കും തന്റെ ആശംസകളെന്നായിരുന്നു ഇന്ത്യയുടെ നിശ്ചിത ഓവര്‍ ടീമിന്റെ ഓപ്പണിങ് ബാറ്റ്‌സ്മാനായ ശിഖര്‍ ധവാന്‍ ട്വിറ്ററില്‍ കുറിച്ചത്.
ആവേശകരമായ പുതിയ യാത്രയ്ക്കു അനുഷ്‌ക ശര്‍മയ്ക്കും വിരാട് കോലിക്കും അഭിനന്ദനങ്ങളെന്നു ഇന്ത്യയുടെ മുന്‍ പേസര്‍ ജുലാന്‍ ഗോസ്വാമി ട്വീറ്റ് ചെയ്തു.
