ക്വിന്റന് ഡി കോക് തകര്ത്തു
വെറും 96 പന്തില് 12 ഫോറും 6 സിക്സും സഹിതം 138 റണ്സെടുത്ത് പുറത്താകാതെ നില്ക്കുകയായിരുന്നു ഡി കോക്. മഴ വന്നില്ലായിരുന്നെങ്കില് ഒരു പക്ഷേ ദക്ഷിണാഫ്രിക്കയെ ഡി കോക് ജയിപ്പിച്ചേനെ.
ഡുപ്ലിസിയുടെ പിന്തുണ
44 പന്തില് 7 ഫോറും 1 സിക്സും സഹിതം 55 റണ്സുമായി ഫാഫ് ഡുപ്ലിസി ഡി കോകിന് നല്ല പിന്തുണ നല്കി. എന്നാല് സ്കോര് 121 ല് നില്ക്കേ ഡുപ്ലിസി പുറത്തായി.
ഡിവില്ലിയേഴ്സിന്റെ പരാജയം
10 പന്തില് 8 റണ്സെടുക്കാനേ എ ബി ഡിക്ക് കഴിഞ്ഞുള്ളൂ. ഡിവില്ലിയേഴ്സ് കൂടി ഫോമിലായിരുന്നെങ്കില് കളി അനായാസം ദക്ഷിണാഫ്രിക്ക ജയിച്ചേനെ.
മഴ രസം കളഞ്ഞു
കളിക്കിടെ മഴ തകര്ത്തുപെയ്തത് ദക്ഷിണാഫ്രിക്കയ്ക്ക് തിരിച്ചടിയായി. 400 ലെത്താന് 16.3 ഓവറില് 150 റണ്സ് കൂടി വേണമായിരുന്നു ദക്ഷിണാഫ്രിക്കയ്ക്ക്. മഴനിയമപ്രകാരം ജയിക്കാന് വേണ്ട 290നെക്കാള് 39 റണ്സ് കുറവ്.
ഇംഗ്ലണ്ട് മാരക സ്കോറിങ്
ടോസ് നേടി ആദ്യം ബാറ്റ് ചെയ്ത ഇംഗ്ലണ്ട് ബട്ലറുടെ സെഞ്ചുറിയുടെയും ഹെയ്ല്സ്, റൂട്ട്, സ്റ്റോക്സ് എന്നിവരുടെ അര്ധസെഞ്ചുറിയുടെയും മികവിലാണ് 399 എന്ന പടുകൂറ്റന് സ്കോറിലെത്തിയത്.