Click it and Unblock the Notifications
കൈയടി നേടി കുക്ക്
യോ യോ ടെസ്റ്റില്‍ മുഴുവന്‍ ഇംഗ്ലീഷ് താരങ്ങളും പാസായെന്നാണ് വിവരം. മുന്‍ ക്യാപ്റ്റനും ഓപ്പണറുമായ അലെസ്റ്റര്‍ കുക്കാണ് യോ യോ ടെസ്റ്റില്‍ ഏറ്റവുമധികം ശ്രദ്ധിക്കപ്പെട്ടത്. 33ാം വയസ്സിലും ടീമിലെ മറ്റു യുവതാരങ്ങളെപ്പോലും പിന്നിലാക്കുന്ന ഫിറ്റ്‌നസ് മികവാണ് അദ്ദേഹം പുറത്തെടുത്തത്.
യോ യോ ടെസ്റ്റിനു ശേഷം മറ്റു പല താരങ്ങളും വിശ്രമിച്ചപ്പോള്‍ മൂന്നു കിലോ മീറ്റര്‍ ഓടിയാണ് കുക്ക് തന്റെ ചുറുചുറുക്ക് തെളിയിച്ചത്.
കുക്കിനെ പുകഴ്ത്തി ബെയര്സ്റ്റോ
ഇംഗ്ലീഷ് ടീമിലെ ഏറ്റവും ഫിറ്റായ താരമെന്നാണ് കുക്ക് വിശേഷിപ്പിക്കപ്പെടുന്നത്. ടീമംഗങ്ങളും ഇത് തുറന്നു സമ്മതിക്കുന്നു. വര്‍ഷങ്ങളായി യോ യോ ടെസ്റ്റില്‍ ഇത്രയും അനായാസമായി ജയിക്കുന്ന മറ്റൊരു ഇംഗ്ലീഷ് താരമില്ല.
യോ യോ ടെസ്റ്റിന്റെ കാര്യം നോക്കുകയാണെങ്കില്‍ കുക്കിനെപ്പോലെ കേമനായ മറ്റൊരു താരം ഇംഗ്ലണ്ടിന് ഇല്ലെന്നും മറ്റുള്ളവരെയെല്ലാം വര്‍ഷങ്ങളായി അദ്ദേഹം തോല്‍പ്പിച്ചു കൊണ്ടിരിക്കുകയാണെന്നും വെടിക്കെട്ട് താരം ജോണി ബെയര്സ്റ്റോ പറയുന്നു.
ഇന്ത്യക്ക് ഏറ്റവും കുറവ്
യോ യോ ടെസ്റ്റില്‍ വിജയിക്കാനുള്ള ഒരു കുറഞ്ഞ യോഗ്യതാ മാര്‍ക്ക് ഇന്ത്യയുടേത് ആണെന്നതാണ് ശ്രദ്ധേയം. വെറും 16.1 മാര്‍ക്ക് നേടിയാല്‍ ഇന്ത്യന്‍ താരങ്ങള്‍ക്കു യോ യോ ടെസ്റ്റില്‍ ജയിച്ചുകയറാം.
എന്നാല്‍ ശ്രീലങ്കയിലും പാകിസ്താനിലും 17.4 ആണ് യോഗ്യതാ മാര്‍ക്ക്. ഇംഗ്ലണ്ട്, ഓസ്‌ട്രേലിയ, ന്യൂസിലാന്‍ഡ് എന്നിവരെ നോക്കുകയാണെങ്കില്‍ ഇത് കുറച്ചുകൂടി മുകളിലാണ്. 19 മാര്‍ക്ക് നേടിയാല്‍ മാത്രമേ ഇവിടെ താരം പാസാവുകയുള്ളൂ.
