ഡ്രീം ഐപിഎല്‍ ടീം അവര്‍, കുട്ടിക്കാലം മുതല്‍ അവരുടെ ഫാന്‍.. വെളിപ്പെടുത്തി ഇംഗ്ലീഷ് സെന്‍സേഷന്‍

ഡ്രീം ടീം മുംബൈ ഇന്ത്യന്‍സ്

ഐപിഎല്ലിലെ നിലവിലേ ജേതാക്കളും ഏറ്റവുമധികം ചാംപ്യന്‍മാരായ രോഹിത് ശര്‍മയുടെ മുംബൈ ഇന്ത്യന്‍സാണ് തന്റെ ഡ്രീം ടീമെന്ന് ബാന്റണ്‍ വെളിപ്പെടുത്തി. നാലു തവണ ഐപിഎല്ലില്‍ ജേതാക്കളായ ടീമാണ് മുംബൈ.
കുട്ടിക്കാലം മുതല്‍ മുംബൈയുടെ പ്രകടനം കാണാന്‍ ഇഷ്ടമായിരുന്നു. പിന്നീട് മുംബൈയുടെ ഹോംഗ്രൗണ്ടായ വാംഖഡെയില്‍ ഇംഗ്ലണ്ടിന്റെ അണ്ടര്‍ 19 ടീമിനു വേണ്ടിയും കളിക്കാന്‍ ഭാഗ്യം ലഭിച്ചു. പരമ്പര 0-5നു നഷ്ടമായെങ്കിലും ഈ ഗ്രൗണ്ടിലെ കാണികളുടെ പിന്തുണ അവിസ്മരണീയമായിരുന്നെന്നും ബാന്റണ്‍ പറയുന്നു.

ആഭ്യന്തര ക്രിക്കറ്റില്‍ കസറി

ആഭ്യന്തര ക്രിക്കറ്റില്‍ ഉജ്ജ്വല പ്രകടനമാണ് സോമര്‍സെറ്റിന്റെ ബാറ്റ്‌സ്മാന്‍ കൂടിയായ ബാന്റണ്‍ കാഴ്ചവച്ചത്. ടി20 ബ്ലാസ്റ്റില്‍ 161.47 സ്‌ട്രൈക്ക് റേറ്റില്‍ 549 റണ്‍സ് താരം അടിച്ചെടുത്തിരുന്നു. പിന്നീട് നടന്ന റോയല്‍ ലണ്ടന്‍ വണ്‍ഡേ കപ്പിലും ബാന്റണ്‍ മിന്നി. സോമര്‍സെറ്റിനു വേണ്ടി 454 റണ്‍സാണ് യുവതാരം നേടിയത്.
ന്യൂസിലാന്‍ഡിനെതിരേ നടന്ന ടി20 പരമ്പരയിലൂടെ ബാന്റണ്‍ ഇംഗ്ലണ്ടിനു വേണ്ടി അരങ്ങേറിയിരുന്നു. എന്നാല്‍ കന്നി പരമ്പരയില്‍ താരത്തിന് മൂന്നു കളികളില്‍ നിന്നും 56 റണ്‍സെടുക്കാനേ ആയുള്ളൂ.

ലേലത്തില്‍ പൊടിപാറും

ഐപിഎല്‍ ലേലത്തില്‍ ബാന്റണിനു വേണ്ടി ഫ്രാഞ്ചൈസികള്‍ തമ്മില്‍ പൊരിഞ്ഞ പോരാട്ടം തന്നെ നടക്കാനിയടുണ്ട്. മുന്‍നിര ഫ്രാഞ്ചൈസികളില്‍ പലതും താരത്തിനായി രംഗത്തു വന്നേക്കും. ഒഴിവാക്കപ്പെട്ട ഓപ്പണര്‍ എവിന്‍ ലൂയിസിനു പകരം മുംബൈയും ബാന്റണിനു വേണ്ടി രംഗത്തു വരാന്‍ സാധ്യത കൂടുതലാണ്.
മുന്‍ ജേതാക്കളും നിലവിലെ റണ്ണറപ്പുമായ എംഎസ് ധോണിയുടെ ചെന്നൈ സൂപ്പര്‍ കിങ്‌സും ബാന്റണിനായി വല വീശാന്‍ സാധ്യതയുണ്ട്. ഒഴിവാക്കപ്പെട്ട ഇംഗ്ലണ്ടിന്റെ തന്നെ സാം ബില്ലിങ്‌സിനു പകരക്കാരനായി ബാന്റണിനെ സിഎസ്‌കെ ടീമിലെത്തിച്ചേക്കും.