Click it and Unblock the Notifications
കരുത്തുറ്റ ഓള്റൗണ്ട് നിര
ടി20യില് മികച്ച റെക്കോഡുള്ള ഓള്റൗണ്ടര്മാരുടെ മികച്ച നിരതന്നെയാണ് ട്രിന്ബാഗോയ്ക്കൊപ്പമുള്ളത്. ക്യാപ്റ്റന് കീറോണ് പൊള്ളാര്ഡിന്റെ സാന്നിധ്യമാണ് പ്രധാന കരുത്ത്. 70 സിപിഎല് മത്സരങ്ങളില് നിന്നായി 35.9 ശരാശരിയില് 1759 റണ്സാണ് പൊള്ളാര്ഡ് നേടിയിട്ടുള്ളത്. ഒരു സെഞ്ച്വറിയും 9 അര്ധ സെഞ്ച്വറിയും പൊള്ളാര്ഡിന്റെ പേരിലുണ്ട്. വെസ്റ്റ് ഇന്ഡീസ് താരം ലിന്ഡല് സിമ്മണ്സ്,സുനില് നരെയ്ന്,ഡ്വെയ്ന് ബ്രോവോ എന്നിവരെല്ലാം പന്തുകൊണ്ടും ബാറ്റുകൊണ്ടും ടീമിന് ഒരുപോലെ ഉപകാരികളാണ്. ഓപ്പണറായി ഇറങ്ങി തല്ലിത്തകര്ക്കുന്ന നരെയ്ന് സ്പിന് ബൗളിങ്ങിലും എതിരാളികളെ വിറപ്പിക്കുന്നു.
പ്രധാന വിദേശ താരങ്ങള്
ന്യൂസീലന്ഡ് വെടിക്കെട്ട് ഓപ്പണര് കോളിന് മണ്റോ, ടിം സീഫെര്ട്ട്, സിംബാബ്വെയുടെ സിക്കന്തര്റാസ, ഇന്ത്യയുടെ പ്രവീണ് താംബെ, യുഎസ്എയുടെ അലി ഖാന്, ഓസ്ട്രേലിയന് താരം ഫവാദ് അഹ്മദ് തുടങ്ങിയവരാണ് ടീമിലെ പ്രധാന വിദേശ താരങ്ങള്. ഇതില് റാസയും സീഫെര്ട്ടും താംബെയുമെല്ലാം അരങ്ങേറ്റ താരങ്ങളാണ്. ഇന്ത്യയില് നിന്ന് സിപിഎല് കളിക്കുന്ന ആദ്യ താരമാണ് പ്രവീണ് താംബെ.
കിരീട സാധ്യത
അവസാന നാല് ടീമുകളില് ഒരു ടീമായി ട്രിന്ബാഗോ ഉണ്ടാകുമെന്നാണ് വിലയിരുത്തപ്പെടുന്നത്. ഇതുവരെയുള്ള ടീമിന്റെ പ്രകടനം ഇത് വ്യക്തമാക്കുന്നുണ്ട്. കളിച്ച എല്ലാ സീസണിലും അവസാന നാലിനുള്ളില് എത്താന് ട്രിന്ഡബാഗോയ്ക്ക് സാധിച്ചിട്ടുണ്ട്. 2013ല് നാലാം സ്ഥാനത്തെത്തിയതാണ് ടീമിന്റെ ഏറ്റവും മോശം സീസണ് ഫലം.
ടീം
കീറോണ് പൊള്ളാര്ഡ് (ക്യാപ്റ്റന്), സുനില് നരെയ്ന്, ഡാരന് ബ്രാവോ, കോളിന് മണ്റോ, ഖാരി പിയറെ, ആന്ഡേഴ്സണ് ഫിലിപ്പ്, അമീര് ജാങ്കോ, ഫവാദ് അഹ്മദ്, അലി ഖാന്, ടിയോന് വെബ്സ്റ്റെര്, അക്കീല് ഹൊസീന്, ലിന്ഡല് സിമ്മണ്സ്, ജെയദീന് സീല്സ്, ഡ്വെയ്ന് ബ്രാവോ, പ്രവീണ് താംബെ, സിക്കന്തര് റാസ, ടിം സീഫെര്ട്ട്
Continue with Google