Click it and Unblock the Notifications
പൃഥ്വി പുറത്ത്
പൃഥ്വ്വി ഷായുടെ വിക്കറ്റാണ് ഡല്ഹിക്ക് ആദ്യം നഷ്ടമായത്. മികച്ച രീതിയില് തുടങ്ങിയ പൃഥ്വിക്ക് പക്ഷെ അത് വലിയ ഇന്നിങ്സിലെത്തിക്കാനായില്ല. ടീം സ്കോര് 24ല് വച്ചാണ് താരം പുറത്തായത്. 16 പന്തില് അഞ്ച് ബൗണ്ടറികളോടെ 24 റണ്സെടുത്ത പൃഥ്വിയെ ദീപക് ചഹറാണ് മടക്കിയത്. ഷെയ്ന് വാട്സന് ക്യാച്ചെടുക്കുകയായിരുന്നു.
ശ്രേയസിനെ കുരുക്കി താഹിര്
രണ്ടാം വിക്കറ്റില് ധവാനെ കൂട്ടുപിടിച്ച് ക്യാപ്റ്റന് ശ്രേയസ് അയ്യര് ഡല്ഹിയെ മുന്നോട്ടു നയിച്ചു. 43 റണ്സിന്റെ കൂട്ടുകെട്ടുമായി ഈ സഖ്യം കരുത്താര്ജിക്കവെയാണ് താഹിറിലൂടെ സിഎസ്കെ ബ്രേക്ക്ത്രൂ നേടുന്നത്. 18 റണ്സെടുത്ത ശ്രേയസിനെ താഹിര് വിക്കറ്റിനു മുന്നില് കുരുക്കുകയായിരുന്നു. 20 പന്തുകള് നേരിട്ട താരത്തിന്റെ ഇന്നിങ്സില് ഒരു സിക്സര് മാത്രമേ ഉണ്ടായിരുന്നുള്ളൂ. ഡല്ഹി രണ്ടിന് 79.
ബ്രാവോയുടെ ഇരട്ടപ്രഹരം
കഴിഞ്ഞ മല്സരത്തിലെ ഹീറോയായ റിഷഭ് പന്ത് ഈ കളിയിലും ഡല്ഹിക്കായി വെടിക്കെട്ട് ബാറ്റിങാണ് കാഴ്ചവച്ചത്. അപകടകരമായ രീതിയില് ബാറ്റ് വീശിയ പന്ത് ചെന്നൈയില് നിന്നും കളി തട്ടിയെടുക്കുമെന്ന സൂചനകള് നല്കവെയാണ് ബ്രാവോയിലൂടെ ചെന്നൈ പന്തിനെ വീഴ്ത്തിയത്. 13 ബോളില് രണ്ടു ബൗണ്ടറികളും ഒരു സിക്സറുമടക്കം 25 റണ്സെടുത്ത പന്തിനെ ബൗണ്ടറി ലൈനിന് അരികില് റണ്ണിങ് ക്യാച്ചിലൂടെ ശര്ദ്ദുല് താക്കൂര് പുറത്താക്കി.
ഇതേ ഓവറില് തന്നെ കോളിന് ഇന്ഗ്രാമിനെയും ബ്രോവോ പുറത്താക്കി. രണ്ടു റണ്സ് മാത്രമെടുത്ത ഇന്ഗ്രാമിനെ ബ്രാവോയുടെ ബൗളിങില് റെയ്ന പിടികൂടി. ഡല്ഹി നാലിന് 124.
തുരുതുരെ വിക്കറ്റുകള്
ടീം സ്കോര് 130 ആവുമ്പോഴേക്കും രണ്ടു വിക്കറ്റുകള് കൂടി ഡല്ഹിക്ക് നഷ്ടമായി. പുതുതായി ക്രീസിലെത്തിയ കീമോ പോളിനെ രവീന്ദ്ര ജഡേജ ക്ലീന് ബൗള്ഡാക്കിയപ്പോള് തൊട്ടടുത്ത ഓവറില് ഫിഫ്റ്റി തികച്ച ധവാനെ ബ്രാവോയും മടക്കി. 47 പന്തില് ഏഴു ബൗണ്ടറികളോടെ 51 റണ്സെടുത്ത ധവാനെ താക്കൂറാണ് അനായാസ ക്യാച്ചിലൂടെ പുറത്താക്കിയത്.
Continue with Google