Click it and Unblock the Notifications
മൂന്ന് വര്ഷത്തിന് ശേഷം
2013 ലാണ് യുവരാജ് സിംഗ് അവസാനമായി ഇന്ത്യയ്ക്ക് വേണ്ടി ഒരു ഏകദിനം കളിച്ചത്. സൗത്താഫ്രിക്കയ്ക്കെതിരെ സെഞ്ചൂറിയനില്. മൂന്ന് വര്ഷത്തിന് ശേഷം യുവരാജ് ടീമിലെത്താന് മാത്രം ഇപ്പോള് എന്താണ് ഉണ്ടായത് എന്ന് ചോദിച്ചാല് ധോണി ക്യാപ്റ്റന് സ്ഥാനം മാറി എന്ന് മാത്രമേ ഒരു ശരാശരി ക്രിക്കറ്റ് ആരാധകന് തോന്നൂ. എന്നാല് ക്യാപ്റ്റന് വിരാട് കോലിക്ക് പറയാനുള്ള കാരണം മറ്റൊന്നാണ്.
യുവരാജ് ധോണിക്ക് വേണ്ടി
മധ്യനിരയില് എം എസ് ധോണിയിടെ വര്ക്ക് ലോഡ് കുറക്കാന് വേണ്ടിയാണത്രെ യുവരാജ് സിംഗിനെ ടീമില് എടുത്തത്. താരതമ്യേന പരിചയം കുറഞ്ഞ മധ്യനിരയില് യുവരാജ് സിംഗ് കൂടി എത്തിയാല് ധോണിക്ക് കുറച്ച് കൂടി റിലാക്സ് ആകാമെന്നാണ് കോലിയുടെ പക്ഷം. യുവരാജും ധോണിയും വീണ്ടും ഒരുമിച്ച് ബാറ്റ് ചെയ്യുന്നത് കാണാന് ആരാധകര്ക്കുമുണ്ട് താല്പര്യം.
എല്ലാം ആലോചിച്ചിട്ടാണ്
മുന്നിരയുടെ ഉത്തരവാദിത്തം ഏറ്റെടുക്കാന് താന് തയ്യാറാണ്. അതേസമയം മധ്യനിരയിലും ഇത് വേണം. ടോപ് ഓര്ഡര് ക്ലിക്കായില്ലെങ്കില് എല്ലാ ഭാരവും കൂടി ധോണിയുടെ തലയില് ഇടാന് പറ്റില്ല. പരിചയസമ്പന്നരായ ആരെങ്കിലും ധോണിക്കൊപ്പം വേണം. യുവരാജ് സിംഗിനെ ടീമിലേക്ക് എടുത്തത് ഈ ഒരു പശ്ചാത്തലത്തിലാണ്. - ക്യാപ്റ്റന് കോലി നയം വ്യക്തമാക്കുന്നു.
സമയക്കുറവാണ് പ്രശ്നം
വലിയൊരു ടൂര്ണമെന്റ് മുന്നില് വരികയാണ്. പുതിയൊരു കളിക്കാരനെ കണ്ടെത്തി വളര്ത്തിയെടുക്കാന് സമയം കിട്ടി എന്ന് വരില്ല. അമ്പാട്ടി റായുഡുവായിരുന്നു ഒരു ഓപ്ഷന്. പക്ഷേ റായുഡു കുറേക്കാലമായി പരിക്കിലായിരുന്നു. യുവരാജ് സിംഗാകട്ടെ അടുത്ത കാലത്തായി മികച്ച ഫോമിലും. എത്രയും വേഗം ഏറ്റവും മികച്ച ഒരു കോംപിനേഷന് കണ്ടെത്തുക എന്നതാണ് പ്രധാനം.
ഓരോ കളിയും നോക്കൗട്ട്
ഇഗ്ലണ്ടിനെതിരായ മൂന്ന് ഏകദിന മത്സരങ്ങളും ഒരു നോക്കൗട്ട് പോലെ കളിക്കാനാണ് പോകുന്നത്. ആകെ മൂന്ന് കളികളേ ഉള്ളൂ. പിന്നാലെ ചാമ്പ്യന്സ് ട്രോഫി വരുന്നു. ടീമിലെ യുവതാരങ്ങളായ ഹര്ദീക് പാണ്ഡ്യയിലും കേദാര് ജാദവിലും കോലിക്ക് വലിയ പ്രതീക്ഷയുണ്ട്. യുവരാജില് നിന്നും ധോണിയില് നിന്നും അവര്ക്ക് ഒരുപാട് പഠിക്കാനുണ്ട്.
Continue with Google