Click it and Unblock the Notifications
കീപ്പ് റോക്കിങ് മാര്ഗോട്ട്
മാര്ഗറ്റിന്റെ ഒരു പോസ്റ്റിനു താഴെ കീപ്പ് റോക്കിങ് മാര്ഗോട്ടെന്നായിരുന്നു അടുത്തിടെ വോണിന്റെ ഒരു കമന്റ്. വനിതാ ദിനത്തില് ഇന്സ്റ്റഗ്രാമിലെ ഒരു പോസ്റ്റിനു കീഴെ ഓസിയെന്നു കമന്റ് ചെയ്ത വോണ് കൈയടിക്കുന്ന ഇമോജിയും പോസ്റ്റ് ചെയ്തിരുന്നു.
കുറച്ചു കാലമായി മാര്ഗോട്ടിനെ വോണ് വിടാതെ പിന്തുടരുന്നതായും അവരുടെ ശ്രദ്ധ പിടിച്ചുപറ്റാനുള്ള ഒരു അവസരവും അദ്ദേഹം നഷ്ടപ്പെടുത്താറില്ലെന്നും ഇതുമായി ബന്ധപ്പെട്ട അടുത്ത വൃത്തങ്ങള് ചൂണ്ടിക്കാട്ടുന്നു.
സിനിമയിലേക്കും ഓഫര്
മാര്ഗോട്ടുമായി കൂടുതല് അടുപ്പം സൃഷ്ടിച്ചെടുക്കുന്നതിനായി തന്നെക്കുറിച്ച് അണിയറയില് ഒരുങ്ങുന്ന സിനിമയിലേക്കു മുന് ഭാര്യ സിമോണെ കല്ലാഹന്റെ റോളിലേക്കേും അവരെ ക്ഷണിക്കാന് വോണ് ആലോചിക്കുന്നുണ്ടെന്നാണ് റിപ്പോര്ട്ടുകള്. ഇതു മാര്ഗോട്ടിനൊപ്പം കൂടുതല് സമയം ചെലവഴിക്കാനും അടുത്തറിയാനും തന്നെ സഹായിക്കുമെന്ന് അദ്ദേഹം കണക്കുകൂട്ടുന്നു.
ചെറുപ്പകാലത്തെ കല്ലാഹന്റെ രൂപവുമായി മാര്ഗോട്ടിന് ഏറെ സാമ്യമുണ്ടെന്നാണ് വോണ് ചിന്തിക്കുന്നത്. ഇതാവാം ഇവരോട് അദ്ദേഹത്തിന് താല്പ്പര്യം വര്ധിക്കാന് കാരണമെന്നാണ് അണിയറയിലെ സംസാരം. ഏതുവിധേനയും മാര്ഗോട്ടിനെ തന്റെ ജീവിതത്തിലേക്കു കൊണ്ടാവരാന് വോണ് ആലോചിക്കുന്നതായും ചിലര് സൂചിപ്പിക്കുന്നു.
മാര്ഗോട്ട് ഓഫര് സ്വീകരിച്ചേക്കും
വോണിന്റെ ആത്മകഥ പ്രമേയമാക്കിയുള്ള സിനിമ വലിയ ബജറ്റിലാണ് ഒരുങ്ങുന്നത്. ഓസ്ട്രേലിയക്കു പുറത്തും വലിയ ആരാധകപിന്തുണയുള്ള താരമാണ് അദ്ദേഹം. അതുകൊണ്ടു തന്നെ വോണിനെക്കുറിച്ചുള്ള സിനിമയ്ക്കു ഇന്ത്യ, ഇംഗ്ലണ്ട് തുടങ്ങിയ രാജ്യങ്ങളിലും വലിയ സ്വീകാര്യത ലഭിക്കുമെന്നുറപ്പാണ്.
അതിനാല് തന്നെ സിനിമയില് വോണിന്റെ ഭാര്യയുടെ റോള് മാര്ഗോട്ടിനു നിരസിക്കുക ബുദ്ധിമുട്ടാവും. ആഗോള തലത്തില് ശ്രദ്ധിക്കാനിടയുള്ള സിനിമയുടെ ഭാഗമാവാന് കഴിഞ്ഞാല് അതു തന്റെ താരമൂല്യം ഇനിയും വര്ധിപ്പിക്കുമെന്ന് അവര് കണക്കുകൂട്ടുന്നു.
Continue with Google