Click it and Unblock the Notifications
ഓസ്ട്രേലിയ ഫേവറിറ്റുകള്
ടെസ്റ്റ് പരമ്പരയില് ഓസ്ട്രേലിയയാണ് ഫേവറിറ്റുകളെന്നു അക്രം അഭിപ്രായപ്പെട്ടു. ക്രിക്കറ്റ്ബാസ് എന്ന യൂട്യൂബ് ചാനലിലെ അഭിമുഖത്തില് സംസാരിക്കുകയായിരുന്നു അദ്ദേഹം.
ഓസ്ട്രേലിയയുടെ ഫാസ്റ്റ് ബൗളിങ് നിര ലോകത്തിലെ തന്നെ ഏറ്റവും മികച്ചതാണ്. പാറ്റ് കമ്മിന്സ്, മിച്ചെല് സ്റ്റാര്ക്ക്, ജോഷ് ഹേസല്വുഡ് തുടങ്ങി ലോകോത്തര ബൗളര്മാര് ഓസീസ് നിരയിലുണ്ട്. ടെസ്റ്റ് പരമ്പരയില് ഇരുടീമുകളും നന്നായി പെര്ഫോം ചെയ്യുമെങ്കിലും ഓസ്ട്രേലിയയായിരിക്കും ഫേവറിറ്റുകളെന്നാണ് തന്റെ അഭിപ്രായമെന്നു അക്രം പറഞ്ഞു.
ഇന്ത്യന് ബൗളിങ് നിര
ടെസ്റ്റ് പരമ്പര വളരെയധികം ആവേശകരമായിരിക്കുമെന്ന കാര്യത്തില് സംശയം വേണ്ട. കാരണം ജസ്പ്രീത് ബുംറ നയിക്കുന്ന ഇന്ത്യയുടെ പേസ് ബൗളിങ് നിര ശക്തമാണ്. മുഹമ്മദ് ഷമി, നവദീപ് സെയ്നി തുടങ്ങി ഇന്ത്യന് പേസ് ബൗളിങ് നിരയിലെ മറ്റുള്ളവരും കേമന്മാരാണെന്നു അക്രം ചൂണ്ടിക്കാട്ടി.
പരിക്കിനെ തുടര്ന്ന് മുന്നിര പേസര്മാരായ ഇഷാന്ത് ശര്മ, ഭുവനേശ്വര് കുമാര് എന്നിവര് ഓസീസ് പര്യടനത്തില് കളിക്കുന്നില്ല. ഐപിഎല്ലില് കളിക്കുന്നതിനിടിയായിരുന്നു രണ്ടു പേര്ക്കും പരിക്കേറ്റത്.
ഇന്ത്യന് ടീമിന്റെ ആത്മവിശ്വാസം
പഴയ ഇന്ത്യന് ടീമല്ല ഇപ്പോഴത്തേതെന്നും ആത്മവിശ്വാസമാണ് ഇപ്പോള് അവരുടെ മുഖമുദ്രയെന്നും അക്രം പറഞ്ഞു. ഇന്ത്യന് താരങ്ങളുടെ ശരീരഭാഷ തന്നെ മാറിപ്പോയി. ഒരു ടീമെന്ന നിലയില് ആരെയും തോല്പ്പിക്കാന് സാധിക്കുമെന്ന ആത്മവിശ്വാസം ഇപ്പോള് അവര്ക്കുണ്ട്. 1990കളില് പാകിസ്താന് ടീമും ഇതുപോലെയായിരുന്നു.
ഐപിഎല് ഫൈനല് കഴിയുന്നതിനു പിന്നാലെ ദുബായില് നിന്നും ഇന്ത്യന് ടീം നേരിട്ട് ഓസ്ട്രേലിയയിലേക്കു പറക്കും. കോച്ച് രവി ശാസ്ത്രി, ടെസ്റ്റ് ടീമിന്റെ ഭാഗമായ ചേതേശ്വര് പുജാര, ഹനുമാ വിഹാരി എന്നിവര് ഇതിനകം യുഎഇയിലെത്തി പരിശീലനം ആരംഭിച്ചിരുന്നു. ഐപിഎല്ലില് കളിച്ചുകൊണ്ടിരിക്കുന്ന ഇന്ത്യന് താരങ്ങള് ടൂര്ണമെന്റിനു ശേഷമായിരിക്കും ദേശീയ ടീമിന്റെ ഭാഗമാവുന്നത്.
Continue with Google