അശ്വമേധം തടയാന്‍ ആരുണ്ട് ? ലോക ക്രിക്കറ്റും അശ്വിന്‍മയം

ഐസിസിയുടെ മികച്ച താരമെന്ന ബഹുമതിക്കായി ഇന്ത്യ കാത്തിരുന്നത് ആറു വര്‍ഷം. ഇതിഹാസ ബാറ്റ്‌സ്മാന്‍ സച്ചിന്‍ ടെണ്ടുല്‍ക്കര്‍ 2010ല്‍ ജേതാവായ ശേഷം ഇന്ത്യന്‍ താരങ്ങളാരും ഈ നേട്ടം കൈവരിച്ചിട്ടില്ല.

അശ്വിന്‍റെ കരിയറിലെ ഏറ്റവും മികച്ച വര്‍ഷമാണിത്. 2015 സപ്തംബര്‍ മുതല്‍ ഒക്ടോബര്‍ വരെയുള്ള പ്രകടനമാണ് ഐസിസി ഇത്തവണ അവാര്‍ഡിലേക്ക് പരിഗണിച്ചത്. ഈ കാലയളവില്‍ എട്ടു ടെസ്റ്റുകളില്‍ നിന്ന് 336 റണ്‍സും 48 വിക്കറ്റുകളും അശ്വിന്‍ നേടി.
ഈ വര്‍ഷം മാത്രം 12 ടെസ്റ്റുകളില്‍ നിന്ന് 72 വിക്കറ്റുകളാണ് താരത്തിന്റെ സമ്പാദ്യം.

ദക്ഷിണാഫ്രിക്കന്‍ ബാറ്റിങിലെ പുതിയ കണ്ടുപിടിത്തമായ ക്വിന്റണ്‍ ഡി കോക്കിനാണ് മികച്ച ഏകദിനതാരത്തിനുള്ള അവാര്‍ഡ്.
ഏകദിനത്തില്‍ ഈ വര്‍ഷം മൂന്നും ടെസ്റ്റില്‍ രണ്ടും സെഞ്ച്വറികളാണ് താരം അടിച്ചെടുത്തത്. കൂടാതെ ഒരു ട്വന്റി സെഞ്ച്വറിയും ഡികോക്ക് സ്വന്തം പേരില്‍ കുറിച്ചു.

കാര്‍ലോസ് ബ്രാത്‌വെയ്റ്റ് (ഈ വര്‍ഷത്തെ മികച്ച ട്വന്റി ട്വന്റി പ്രകടനം), മുഹമ്മദ് ശഹ്‌സാദ് (അസോസിയേറ്റ് ക്രിക്കറ്റര്‍ ഓഫ് ദി ഇയര്‍), മുസ്തഫിസുര്‍ റഹ്മാന്‍ (എമേര്‍ജിങ് ക്രിക്കറ്റര്‍), സൂസി ബെയ്റ്റ്‌സ് (മികച്ച വനിതാ താരം), മിസ്ബാഹുല്‍ ഹഖ് (സ്പിരിറ്റ് ഓഫ് ക്രിക്കറ്റ് അവാര്‍ഡ്), മറെയ്‌സ് എറാസ്മസ് (മികച്ച അംപയര്‍)

ഐസിസിയുടെ ഏകദിന ടീം ഓഫ് ദി ഇയറിന്റെ നായകനായി ഇന്ത്യന്‍ ടെ്സ്റ്റ് ക്യാപ്റ്റനും സ്റ്റാര്‍ ബാറ്റ്‌സ്മാനുമായ വിരാട് കോലിയെ തിരഞ്ഞെടുത്തു. രോഹിത് ശര്‍മയാണ് ടീമിലുള്ള മറ്റൊരു ഇന്ത്യന്‍ താരം.

ഐസിസിയുടെ ടെസ്റ്റ് ടീമില്‍ ഇടംപിടിച്ച ഏക ഇന്ത്യക്കാരന്‍ ആര്‍ അശ്വിനാണ്.
ഇംഗ്ലീഷ് ക്യാപ്റ്റന്‍ അലെസ്റ്റര്‍ കുക്കാണ് ടീമിന്റെ ക്യാപ്റ്റന്‍.