Click it and Unblock the Notifications
2012ലാണ് ജഡേജ ടെസ്റ്റ് ക്രിക്കറ്റില്‍ അരങ്ങേറിയത്. എന്നാല്‍ ആദ്യ കാലത്തു പലപ്പോഴും ടീമിന് അകത്തും പുറത്തുമായിരുന്നു അദ്ദേഹം. കഴിഞ്ഞ വര്‍ഷമായിരുന്നു ജഡേജ കരിയറിലെ തന്നെ ഏറ്റവും മികച്ച പ്രകടനം പുറത്തെടുത്തത്. ബാറ്റിങില്‍ 62.50 ശരാശരി നേടിയ അദ്ദേഹം 21 വിക്കറ്റുകളും വീഴ്ത്തിയിരുന്നു.
49 ടെസ്റ്റുകളില്‍ നിന്നും 24.62 ശരാശരിയില്‍ 213 വിക്കറ്റുകളെടുത്ത ജഡേജ 35.26 ശരാശരിയില്‍ 1869 റണ്‍സും നേടിയിട്ടുണ്ട്. നിലവില്‍ ടെസ്റ്റ് ക്രിക്കറ്റില്‍ പ്ലെയിങ് ഇലവനില്‍ സ്ഥാനമുറപ്പുള്ള താരങ്ങളിലൊരാള്‍ കൂടിയാണ് അദ്ദേഹം.
ക്രിക്കറ്റില്‍ ഉപയോഗിക്കുന്ന ഏറ്റവും പ്രധാനപ്പെട്ട വിശകലനാത്മക ടൂളായ ക്രിക്ക് വിസിന്റെ കണക്കുകളുടെ പ്രകാരമാണ് വിസ്ഡന്‍ ജഡേജയെ ഇന്ത്യയുടെ ഏറ്റവും മൂല്യമേറിയ ക്രിക്കറ്ററായി തിരഞ്ഞെടുത്തത്. മല്‍സരത്തിലെ ഇംപാക്ടിന്റെ അടിസ്ഥാനത്തില്‍ താരങ്ങള്‍ക്കു എംവിപി റേറ്റിങ് നല്‍കിയപ്പോള്‍ ജഡേജയെ പിന്നിലാക്കാന്‍ മറ്റൊരു ഇന്ത്യന്‍ കളിക്കാരനുമായില്ല.
ഇന്ത്യയുടെ നമ്പര്‍ വണ്‍ താരമായി ഓള്‍റൗണ്ടര്‍ ജഡേജ മാറിയത് വലിയ സര്‍പ്രൈസ് തന്നെയാണെന്ന് ക്രിക്ക് വിസിന്റെ ഫ്രെഡ്ഡി വില്‍ഡെ വിസ്ഡനോടു പ്രതികരിച്ചു. ടെസ്റ്റില്‍ കളിക്കാന്‍ അവസരം ലഭിക്കുമ്പോഴെല്ലാം ജഡേജ മുന്‍നിര ബൗളറായാണ് ടീമിലെത്തുന്നതെന്നും പ്രധാനപ്പെട്ട ആറാം നമ്പറില്‍ ബാറ്റ് ചെയ്യുന്നതായും അദ്ദേഹം പറഞ്ഞു. മല്‍സരത്തില്‍ വളരെയധികം സ്വാധ്വീനം ചെലുത്താന്‍ ജഡേജയ്ക്കു സാധിക്കുന്നുണ്ടെന്നും വില്‍ഡെ കൂട്ടിച്ചര്‍ത്തു.
എത്ര മല്‍സരങ്ങള്‍ കളിച്ചു, എത്ര റണ്‍സും വിക്കറ്റും നേടിയെന്നതില്‍ അല്ല. മറിച്ച് കളിയില്‍ ജഡേജയുണ്ടാക്കുന്ന ഇംപാക്ടാണ് ഏറ്റവും പ്രധാനം. 31 കാരനായ താരത്തിന്റെ ബൗളിങ് ശരാശരി ഓസ്‌ട്രേലിയയുടെ മുന്‍ സ്പിന്‍ ഇതിഹാസം ഷെയ്ന്‍ വോണിനേക്കാള്‍ മികച്ചതാണെന്നു കാണാം. മാത്രമല്ല ഷെയ്ന്‍ വാട്‌സനേക്കാള്‍ മികച്ച ബാറ്റിങ് ശരാശരിയും ജഡേജയ്ക്കുണ്ട്.
ജഡേജയുടെ ബാറ്റിങ്, ബൗളിങ് ശരാശരികള്‍ തമ്മിലുള്ള വ്യത്യാസം 10.62 ആണ്. ഈ നൂറ്റാണ്ടില്‍ 1,000 റണ്‍സും 150 വിക്കറ്റുകളുമെടുത്ത താരങ്ങളെ പരിഗണിക്കുമ്പോള്‍ ഏറ്റവും മികച്ച രണ്ടാമത്തെ ശരാശരിയാണിത്. വളരെ ഉയര്‍ന്ന നിലവാരമുള്ള ഓള്‍റൗണ്ടറാണ് ജഡേജയെന്നതിന് തെളിവാണിതെന്നും വില്‍ഡെ വിശദമാക്കി.
