Click it and Unblock the Notifications
സൗരവ് ഗാംഗുലിയുടെ വാക്കുകള്
ഡല്ഹിയുടെ മുന് ഉപദേശകനും ഇപ്പോള് ബിസിസിഐ പ്രസിഡന്റുമായ സൗരവ് ഗാംഗുലിയുടെ വാക്കുകളാണ് താന് ഡല്ഹിയിലേക്കു മാറാന് കാരണമെന്നു രഹാനെ പറയുന്നു.
കഴിഞ്ഞ വര്ഷം ഇംഗ്ലണ്ടില് നടന്ന ഏകദിന ലോകകപ്പിലെ കമന്ററി സംഘത്തില് ഗാംഗുലിയുണ്ടായിരുന്നു. ലോകകപ്പ് നടക്കുമ്പോള് രഹാനെ ഇംഗ്ലണ്ടില് കൗണ്ടി ക്രിക്കറ്റ് കളിക്കുകയായിരുന്നു. ഇതിനിടെയാണ് ഗാംഗുലി ഡല്ഹി ടീമിനൊപ്പം ചേരാന് താല്പ്പര്യമുണ്ടോയെന്നു തന്നോടു ചോദിച്ചതെന്നു രഹാനെ പറയുന്നു.
ഗാംഗുലിയും പോണ്ടിങും
ഗാംഗുലിയുടെയും റിക്കി പോണ്ടിങിന്റെയും സാന്നിധ്യമാണ് ഡല്ഹിയില് ചേരാന് തന്നെ പ്രേരിപ്പിച്ചതെന്നു രഹാനെ വ്യക്തമാക്കി. പോണ്ടിങ് ഡല്ഹിയുടെ മുഖ്യ കോച്ചാണെങ്കില് ഗാംഗുലി കഴിഞ്ഞ സീസണില് ടീമിന്റെ ഉപദേഷ്ടാവായിരുന്നു.
വളരെ ആവേശത്തോടെയാണ് ഡല്ഹിക്കു വേണ്ടി കളിക്കാന് കാത്തിരിക്കുന്നത്. കഴിഞ്ഞ വര്ഷം ഹാംഷെയറിലുള്ളപ്പോഴായിരുന്നു ലോകകപ്പ് കവര് ചെയ്യാനെത്തിയ ഗാംഗുലി തന്നോടു ഡല്ഹിക്കുവേണ്ടി കളിക്കാന് താല്പ്പര്യമുണ്ടോയെന്നു ചോദിക്കുന്നത്. സമയമെടുത്ത് തീരുമാനിച്ചാല് മതിയെന്നും അദ്ദേഹം പറഞ്ഞു.
ഒരുപാട് സമയമെടുത്ത് ആലോചിച്ച ശേഷമായിരുന്നു യേസ് പറഞ്ഞത്. ഗാംഗുലിക്കും പോണ്ടിങിനും കീഴില് കളിക്കാന് കഴിയുന്നത് ക്രിക്കറ്ററെന്ന നിലയില് തന്റെ വളര്ച്ചയ്ക്കു സഹായിക്കുമെന്നും തോന്നി. ഡല്ഹിക്കു വേണ്ടി കളിക്കാന് തനിക്കു അവസരം നല്കിയതില് രാജസ്ഥാനോടും കടപ്പെട്ടിരിക്കുന്നതായി രഹാനെ വ്യക്തമാക്കി.
ഏതു പൊസിഷനിലും കളിക്കാം
ഡല്ഹി ടീമിനു വേണ്ടി പുതിയ സീസണില് ഓപ്പണറായി കളിക്കാനാണ് കൂടുതല് താല്പ്പര്യമെങ്കിലും അവര് നല്കുന്ന ഏതു പൊസിഷനില് ഇറങ്ങാന് മടിയില്ലെന്നും രഹാനെ പറയുന്നു.
ടി20യില് എല്ലായ്പ്പോഴും ഓപ്പണറായാണ് താന് കളിച്ചിട്ടുള്ളത്. ആഭ്യന്തര ക്രിക്കറ്റ്, ഐപിഎല് എന്നിവയിലും ഓപ്പണറായി കളിച്ചിട്ടുണ്ട്. ഓപ്പണിങ് തന്റെയാണ് ഫേവറിറ്റ് പൊസിഷന്. എങ്കിലും ടീം ഏതു റോള് നല്കുന്നോ അവിടെ മികച്ച പ്രകടനം കാഴ്ചവയ്ക്കാനാണ് എല്ലായ്പ്പോഴും ശ്രമിച്ചിട്ടുള്ളത്. ഇനി ഡല്ഹി ടീം മധ്യനിരയില് കളിക്കാന് തന്നോടു ആവശ്യപ്പെട്ടാലും അതിനു തയ്യാറാണെന്നും രഹാനെ കൂട്ടിച്ചേര്ത്തു.
Continue with Google