വീണ്ടും ജയം, പരമ്പര ഇന്ത്യയ്ക്ക്

രഹാനെയ്ക്ക് കന്നി സെഞ്ചുറി

100 പന്തിലായിരുന്നു രഹാനെയുടെ കന്നി സെഞ്ചുറി. 10 ഫോറും നാല് സൂപ്പര്‍ സിക്‌സറുകളും രഹാനെ പറത്തി. മാന്‍ ഓഫ് ദ മാച്ചും രഹാനെ തന്നെ.

ലോകകപ്പിന് ഒരു ഓപ്പണര്‍

രോഹിത് ശര്‍മയ്ക്ക് പകരക്കാരനായാണ് രഹാനെ ഓപ്പണ്‍ ചെയ്യാനെത്തിയത്. ലോകകപ്പ് പടിവാതിലില്‍ നില്‍ക്കെ മികച്ച ഒരു ഓപ്പണറെക്കൂടി കിട്ടി ഇന്ത്യയ്ക്ക്.

എന്താ ഒരു ക്ലാസ്

സെഞ്ചുറി അടിച്ചു എന്നതല്ല, രഹാനെയുടെ ക്ലാസാണ് എടുത്തുപറയേണ്ടത്. മികച്ച ടെക്‌നിക്, അനായാസമായ ബാറ്റിംഗ്, പാട്ടും പാടി നിന്ന നില്‍പില്‍ സിക്‌സര്‍ അടി.. കാണാന്‍ വലിപ്പം പോരെങ്കിലും രഹാനെയുടെ കളി അസാധ്യമായിരുന്നു.

ധവാനും മീശ പിരിച്ചു

രഹാനെ പുറത്തായ ശേഷം കണ്ണും പൂട്ടി അടിയായിരുന്നു ധവാന്‍. സിക്‌സറടിച്ചാണ് ധവാന്‍ കളീ തീര്‍ത്തത്. 81 പന്തില്‍ നാല് സിക്‌സും 11 ഫോറും പറത്തി ധവാന്‍.

കോലി വെറുതെ വന്നു

വണ്‍ ഡൗണില്‍ എത്തിയ കോലിക്ക് കാര്യമായൊന്നും ചെയ്യാനുണ്ടായിരുന്നില്ല. മൂന്ന് പന്ത് നേരിട്ട കോലി 1 റണ്‍സോടെ പുറത്താകാതെ നിന്നു.

ജഡേജ വീണ്ടും

പത്തോവറില്‍ 40 റണ്‍സ് മാത്രം വഴങ്ങിയ രവീന്ദ്ര ജഡേജ രണ്ട് വിക്കറ്റ് വീഴ്ത്തി.

പാവം കുക്ക്

19 പന്ത് കളിച്ചിട്ടും 9 റണ്‍സെടുക്കാനേ കുക്കിന് കഴിഞ്ഞുള്ളൂ. പരമ്പര തോറ്റതോടെ കുക്കിന്റെ ക്യാപ്റ്റന്‍സിയും പോയേക്കും എന്ന നിലയിലാണ്.

അലി കലക്കി

വെറും 50 പന്തില്‍ നാല് ഫോറും മൂന്ന് സിക്‌സും പറത്തിയാണ് മോയീന്‍ അലി 67 റണ്‍സിലെത്തിയത്. എന്നാല്‍ അലിക്ക് വേണ്ട പിന്തുണ കിട്ടിയില്ല

എല്ലാം കഴിഞ്ഞു

ഇംഗ്ലണ്ടിന്റെ ഹാരി ഗുര്‍ണിയെ ഷമി ക്ലീന്‍ ബൗള്‍ ചെയ്തപ്പോള്‍. ഷമി 28 റണ്‍സിന് മൂന്ന് വിക്കറ്റ് വീഴ്ത്തി.