Click it and Unblock the Notifications
ചെന്നൈയിലെ പിച്ചിനു സമാനം
ഇന്ത്യക്കു പ്രതീക്ഷ നല്കുന്ന സൂചനകളാണ് മൊട്ടേറ സ്റ്റേഡിയത്തിലെ പിച്ചിനെക്കുറിച്ച് പുറത്തുവരുന്നത്. ആദ്യ രണ്ടു ടെസ്റ്റുകളും നടന്ന ചെന്നൈയിലെ പിച്ചുമായി സാമ്യമുള്ളതാണ് ഇവിടുത്തെയും പിച്ചെന്നാണ് വിവരം. അങ്ങനെയാണെങ്കില് അത് ഇന്ത്യക്കു ആഹ്ലാദിക്കാന് വക നല്കും. കാരണം സ്പിന് ബൗളിങിനെ തുണയ്ക്കുന്നതായിരുന്നു ഈ പിച്ചുകള്.
രണ്ടാം ടെസ്റ്റില് സ്പിന്നര്മാര് ആദ്യദിനം മുതല് അരങ്ങുവാണിരുന്നു. ഇന്ത്യ 300റണ്സിന് മുകളില് മാര്ജിനില് ജയിച്ച ടെസ്റ്റില് ആദ്യ ഇന്നിങ്സില് അശ്വിനും രണ്ടാമിന്നിങ്സില് അക്ഷര് പട്ടേലും അഞ്ചു വിക്കറ്റെടുത്തിരുന്നു.
ഉമേഷ് കളിച്ചേക്കും
സ്പിന് അനുകൂല വിക്കറ്റാണെങ്കിലും പിങ്ക് ബോള് ടെസ്റ്റായതിനാല് പേസ് ബൗളിങിനു പ്രാധാന്യം നല്കിയുള്ള ടീമിനെ ഇന്ത്യ ഇറക്കാനണ് സാധ്യത. രണ്ടു പേസര്മാര്ക്കു പകരം മൂന്നു പേസര്മാരെ ഇന്ത്യ ഉള്പ്പെടുത്തിയേക്കും. പരമ്പരയില് ഇതുവരെ കളിക്കാതിരുന്ന ഉമേഷ് യാദവ് മൂന്നാം ടെസ്റ്റില് കളിച്ചേക്കാന് സാധ്യതയുണ്ട്.
ഫിറ്റ്നസ് വീണ്ടെടുത്താല് ഇഷാന്ത് ശര്മ, ജസ്പ്രീത് ബുംറ എന്നിവര്ക്കൊപ്പം ഉമേഷും പേസ് ബൗളിങില് പങ്കാളിയാവും. എന്നാല് ഉമേഷ് നിശ്ചിത സമയത്തിനുള്ളില് ഫിറ്റായില്ലെങ്കില് മുഹമ്മദ് സിറാജിനു നറുക്കുവീഴും.
ഉമേഷ് തിളങ്ങിയിരുന്നു
2019ല് കൊല്ക്കത്തയിലെ ഈഡന് ഗാര്ഡന്സില് നടന്ന ഇന്ത്യയുടെ കന്നി പിങ്ക് ബോള് ടെസ്റ്റില് ഉമേഷ് മിന്നിയിരുന്നു. അന്നു ബംഗ്ലാദേശിനെ ഇന്ത്യ കശാപ്പ് ചെയ്തപ്പോള് വിജയം വേഗത്തിലാക്കുന്നതില് താരം നിര്ണായക പങ്കുവഹിച്ചിരുന്നു.
അതുകൊണ്ടു തന്നെ നാട്ടില് ഇന്ത്യ വീണ്ടുമൊരു പിങ്ക് ബോള് ടെസ്റ്റ് കളിക്കാനിരിക്കെ ഉമേഷിനെ ടീമിലേക്കു കൊണ്ടുവരാനാണ് ടീം മാനേജമെന്റിന്റെ നീക്കം. കഴിഞ്ഞ വര്ഷം ഡിസംബറില് ഓസ്ട്രേലിയക്കെതിരേ മെല്ബണില് നടന്ന രണ്ടാം ടെസ്റ്റിനിടെയാണ് ഉമേഷിനു പരിക്കേറ്റത്. തുടര്ന്നു അദ്ദേഹം നാട്ടിലേക്കു മടങ്ങുകയായിരുന്നു.
അശ്വിനും അക്ഷറും
ആര് അശ്വിനും അക്ഷര് പട്ടേലുമായിരിക്കും സ്പിന് സ്പിന് ബൗളിങിനു നേതൃത്വം നല്കുക. മൂന്നാമതൊരു പേസറും കൂടി പ്ലെയിങ് ഇലവനിലെത്തുന്നതോടെ കുല്ദീപ് യാദവ് വീണ്ടും ടീമിനു പുറത്തുപോവും.
ഇന്ത്യ വന് മാര്ജിനില് ജയിച്ച രണ്ടാം ടെസ്റ്റില് ഇരുവരും ഉജ്ജ്വല ബൗളിങായിരുന്നു കാഴ്ചവച്ചത്. എന്നാല് 2019നു ശേഷം ആദ്യം ആദ്യമായി പ്ലെയിങ് ഇലവനിലെത്തിയ കുല്ദീപിന്റെ പ്രകടനം ശരാശരിയിലൊതുങ്ങിയിരുന്നു.
Continue with Google